GÉNESIS 32:12 - Biblia Guarani Tumpa Iñee

¹² Nde rere cheve: ‘Che ayapota ndeve ikavi vae jare neñemuña reta ɨguasu jembeɨ rupi ɨvɨkuitï ramita, yaipapa rapembae.’ ”

GÉNESIS 32:12 ပူးပေါင်းရင်းမြစ်များ

GÉNESIS 22:17

añave añetete cheporerekuata nderé jare ambojetata neñemuña reta yasɨtata rami, jare ɨguasu jembeɨ rupi ɨvɨkuitï oï rami. Neñemuña reta opɨ̈rota jovaicho reta güi jëta.

GÉNESIS 32:6

Jare ñee jerajaa reta oyerova ye Jacob pe, jei reve: —Rojo roväe nderɨkeɨ Esaú pɨri, jare jae etei oime ou nerövaiti vaerä, jare cuatrociento kuimbae reta yogüeru jupíe.

1 REYES 4:20

Ɨvɨ Judá jare ɨvɨ Israel pegua reta jeta yae ko, ɨguasu jembeɨ pe jeta ɨvɨkuitï oï rami. Mbaetɨ oata tembíu jare iɨguarä, oyerovia katu yogüɨreko.

ÉXODO 32:13

Nemaendúa nderembiokuai Abraham, Isaac jare Israel re, kuae reta pe nde etei reñererökuavee nderee re, jare rere chupe reta: “Che amoñemuñata peñemuña reta yasɨtata rami, jare ameeta peñemuña reta pe opaete kuae ɨvɨ chemiari jese peve vae, jare oikota jae reta imbaerä jekuae avei pegua.”

OSEAS 1:10

Jeseve, Israel iñemuña reta jeta yaeta, ɨguasu jembeɨ pe ɨvɨkuitï oï rami, mbaetɨta ipuere oñejäa ani oyepapa. Jare “tëta chembaeä ko pe reta”, jei chupea pe jeita chupe: “Tumpa oikove vae taɨ ko pe reta.”

NÚMEROS 23:19

Tumpa, kuimbaeä ko iyapu vaerä; jare kuimbae taɨä ko oipoepɨ vaerä iyemongeta. Jae mbae jei yave, oyapo. Mbae güɨrökuavee yave ombopo iñee.

San Mateo 24:35

Ara jare ɨvɨ opata ko, ërei cheñee reta ngaraa opa.

2 Timoteo 2:13

Mbaetɨ yave jupi kavi yaiko, jae iñee ombopo avei. Jae mbaetɨ iyapu.”

Tito 1:2

jare oäro vaerä oyerovia reve tekove opambae vae. Echa Tumpa iyapumbae vae jókuae güɨrökuavee yandeve ndei ɨvɨ oyeapo mbove.

Hebreos 11:12

Jáeramo vi Abraham indechi yae ma vae güi jeta iñemuña, yasɨtata ara re ñogüɨnoi vae rami jare jeta yae ɨvɨkuitï ɨguasu jembeɨ rupi rami.

Hebreos 6:17

Tumpa oipota yae oikuaauka kavi iyemongeta oyepoepɨmbae vae jókuae oñererökuavee chupe reta ramo, oñererökuavee iyé aeño.

1 SAMUEL 15:29

Jare Tumpa Israel iyemboetea ngaraa iyapu jare ngaraa vi oipoepɨ iyemongeta, echa jae mbaetɨ ko kuimbae rami oipoepɨ vaerä iyemongeta.