GÉNESIS 31:7 - Biblia Guarani Tumpa Iñee

⁷ jare peru chembotavɨ; cheparavɨkɨ jepɨ oipoepɨ avei chegüi, ërei ngatu, Tumpa mbaetɨ omaeño jese oyapo vaerä cheve ikavimbae;

GÉNESIS 31:7 ပူးပေါင်းရင်းမြစ်များ

GÉNESIS 15:1

Opa kuaekuae reta oasa güire yandeYa oyeechauka Abram pe, jei reve chupe: —Agüɨye ekɨɨye Abram, che ko jae ndeyeopiaka. Mbaeyekou ndeparavɨkɨ jepɨgüe jeta yaeta.

GÉNESIS 20:6

Tumpa jei chupe ipaɨu pe: “Che aikuaa vi ndepɨa jupi reve kuae reyapo vae; che vi ko royopia agüɨye vaerä ndeyoa chekotɨ, jökorai mbaetɨ amaeño repoko jese.

GÉNESIS 29:25

Jare köe ma yave Jacob oecha Lea ndive yepe oke, jare jei Labán pe: —¿Mbae jei vae pa ko kuae reyapo cheve? ¿Ayeokuaiä pa ko ndeve Raquel regua? ¿Maera pa chembotavɨ?

GÉNESIS 30:28

Emombeu cheve mbovɨ reipota ndeparavɨkɨ jepɨ jare che tamboepɨ ndeve.

GÉNESIS 31:24

Ërei Tumpa ou jókuae pɨ̈tu Labán Aram pegua ike pe, jare jei chupe: “Eyeandu, agüɨye nemiari Jacob pe jasɨ katu rupi.”

GÉNESIS 31:29

Anoi mbaepuere ayapo vaerä ndeve ikavimbae, ërei nderu iTumpa pɨare chemomiari: “Eyeandu, agüɨye nemiari Jacob pe jasɨ katu rupi.”

GÉNESIS 31:41

Jökorai aiko veinte año ndero pe; catorce año aparavɨkɨ ndeve kuae mókoi nderayɨ re, jare ova año nderɨmba reta re, jare cheparavɨkɨ jepɨ reipoepɨ avei chegüi.

NEHEMÍAS 4:12

Ërei judío reta, jókuae tovaicho reta ipɨte rupi yogüɨreko vae yogüeru omombeu oreve mbovɨ ye rupi, kërai oporepeña retata oreré ketɨ ketɨ güi vae,

JOB 1:10

Nde etei ko reñova jae, jo jare opaete mbaembae güɨnoi vae, jare iparavɨkɨ re ndeporerekua; jáeramo, imbaembae reta jeta oñemuña ɨvɨ iárambo.

JOB 19:3

Jeta yae ma peiporarauka cheve; ¿mbaetɨ pa pemara peñee rasɨ cheve?

JOB 19:8

Tumpa oikëse cherape chegüi, agüɨye vaerä aasa, cherape ombopɨtumimbi chegüi.

SALMOS 37:28

Echa yandeYa oaɨu isɨmbi rupi mbae oyeapo vae, mbaetɨ oeya oñeñono tee chupe vae reta, oyangarekota jese reta jekuae avei; ërei iyoa vae reta iñemuña opata okañɨtei.

ISAÍAS 4:1

Jókuae ara mbovɨ yae kuimbae jembɨre jeko pegua, chiu kuña oñomoatata metei kuimbae re, jei retata chupe: “Ore aeño royemongaruta jare ore aeño royembotɨruta, jaeño roipota romenda nde ndive, orereepɨ ñemomarai güi.”

ISAÍAS 54:17

Ngaraa ipuere ndemboai metei ave tembiporu ñeraro pegua oyeapogüe. Remoamɨrita oipotagüe oñemopüa tëi ñeapo rupi ndekotɨ vae. Jökoraita ko opaete cherembiokuai reta, köraita ko oporomoamɨri reta.” Jei yandeYa.

DANIEL 1:20

Opaete yemboe arakuaa pegua re mburuvicha guasu oparandu chupe reta vae pe iyarakuaa katu yae reta, oyapɨraa ye payandepo pe opaete ichoropa vae reta jare yasɨ pɨau re jare yasɨtata re güɨrovia vae reta, opaete iporookuaía pe yogüɨreko vae reta.

LEVÍTICO 26:26

Che ambouta peve karuai guasu, payandepo kuña reta omboyɨta mbɨyape metei horno pe, jare ojäata omee peu vaerä; peuta ërei ngaraa perɨ̈vɨata.

ZACARÍAS 8:23

YandeYa Imbaepuere yae ete vae jei körai: Jókuae ara payandepo kuimbae reta ïru tëtaguasu pegua reta oipɨɨ retata metei judío jemimonde, jei reve: ‘¡Torojo perupíe, echa roendu Tumpa oiko pe ndive!’ ”

NÚMEROS 14:22

Opaete oecha reta cheyemboetea vae, mɨakañɨ ayapo Egipto pe vae, ñuu rupi vae, jare ojäa reta tëi chepɨaguasu payandepo ye ma vae, jare mbaetɨ oendu reta cheñee vae,