GÉNESIS 31:50 - Biblia Guarani Tumpa Iñee

⁵⁰ Mbaetɨ yave rereko kavi cherayɨ reta ani ambuae vae rereko chugüi reta yave, yepe tëi mbaetɨ kia oï yande ndive, Tumpa etei tomae toï yanderé.

GÉNESIS 31:50 ပူးပေါင်းရင်းမြစ်များ

GÉNESIS 31:51

Jare Labán jekuae jei ye Jacob pe: —Mase, ko ita oyemboatɨ vae oï jare ita remopüa yandeveguarä vae.

JOB 16:19

Ërei ara pe oime oï chereecha vae, imiari kavita cheré vae oime oï ɨvate.

JEREMÍAS 29:23

Echa ɨvɨ Israel pe oyapo reta ikavimbae: Yogüɨreko aguasa rupi japicha reta jembireko ndive jare jei reta cheree re añetembae, che mbaetɨ ayókuai tëi jei vaerä reve. Che peYa jae kuae.’ ”

JEREMÍAS 42:5

Jayave jae reta jei Jeremías pe: —YandeYa Tumpa jupi vae jare añete vae, jae toï oreve oecha vaerä, mbaetɨ yave royapo opaete jae ndeokuai remombeu oreve vae.

LEVÍTICO 18:18

Agüɨye kia nunga vae oime jembireko reve topoko jembireko tɨke re ani ipɨkɨɨ re, echa omoñomotareɨukata ko oikove yogüɨreko ramboeve.

MIQUEAS 1:2

Peyeapɨsaka opaete vae; peyeapɨsaka peï opaete kuae ɨvɨ pe peiko vae: YandeYa jëta ikɨambaea güi, tomae toï peré.

MALAQUÍAS 2:14

Ërei pere: “¿Maera pa?” ¡Echa yandeYa pereecha ko kërai peiko petaɨrusu yave pemenda jae ndive vae ndive; echa mbaetɨ pereko kavi ikotɨ, jae ko peïru, jae ko perembireko pemenda kavi jae ndive vae!

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

1 Tesalonicenses 2:5

Echa mbaetɨ etei ko roiporu ñee-yukɨ, pe peikuaa rami, mbaetɨ vi orembaepotarai vɨari. Tumpa ko orekuaa.

JUECES 11:10

Jare Galaad pegua tenondegua vae reta jei chupe: —YandeYa oikuaa oï yanderegua, toroyapo opaete kuae rere vae.

1 SAMUEL 12:5

Jare jae jei chupe reta: —YandeYa jare mburuvicha guasurä peiparavo vae jovake mbaetɨ peväe teko cheré. Jare jae reta jei chupe: —¡Jökorai ko!