GÉNESIS 31:3 - Biblia Guarani Tumpa Iñee

³ Jayave yandeYa jei vi Jacob pe: “Eyupavo jare ekua ye nderu iɨvɨ kotɨ, nerëtara reta ñogüɨnoia pe, jare che aïta nde ndive.”

GÉNESIS 31:3 ပူးပေါင်းရင်းမြစ်များ

GÉNESIS 13:15

echa opaete kuae ɨvɨ remae reï jese vae ameeta ndeve jare neñemuña reta peguarä jekuae avei pegua.

GÉNESIS 21:22

Jókuae ara rupi etei Abimelec ojo omomiari Abraham jare güɨraja isundaro ruvicha Ficol. Abimelec jei Abraham pe: —Roecha katu kërai Tumpa ndemborɨ opaete mbae reyapogüe rupi.

GÉNESIS 26:24

Jókuae pɨ̈tu yandeYa oyekuaa chupe, jare jei: “Che ko jae nderu Abraham iTumpa. Agüɨye ekɨɨye, echa che aï nde ndive, cherembiokuai Abraham jeko pegua cheporerekuata nderé, jare ambojetata neñemuña reta.”

GÉNESIS 28:13

Oecha vi yeupika iyapɨteasɨ re oï yandeYa. Jare jae jei: “Che ko ndeYa, neramɨi Abraham iTumpa, jare nderu Isaac iTumpa; kuae ɨvɨ reyapakua reï jese vae ameeta ndeve jare neñemuña reta pe.

GÉNESIS 28:15

Añave, ko aï nde ndive jare ayangarekota nderé reoa rupi, jare rogüeru yeta kuae ɨvɨ pe; ngaraa roeya, ayapo regua ndeve jae ndeve vae.”

GÉNESIS 28:4

Jare tomee ndeve mborerekua Abraham pe güɨrökuavee vae, jökoraiño vi neñemuña reta pe, reiko vaerä kuae ɨvɨ yaiko pɨpe vae iyarä, Tumpa omee Abraham pe vae.”

GÉNESIS 30:25

Jare Raquel imembɨ José oa ma yave, Jacob jei Labán pe: —Chemondo cherëta pe jare taja ye mo cheɨvɨ pe.

GÉNESIS 31:13

Che jae ko Tumpa Bet-el pe ayekuaa ndeve vae, joko pe remopüa ita jare repɨyere jese olivo iasaite oporomomaendúa avei vaerä, jare reñererökuavee joko pe. Epüa jare ekua jókuae ɨvɨ rea pɨpea pe.’ ”

GÉNESIS 31:2

Jacob omae vi Labán re, jare oecha mbaetɨ ma tenonde yave rami ikotɨ.

GÉNESIS 31:4

Jayave Jacob oenɨiuka Raquel jare Lea, jɨmba reta ndive kaa pe ñogüɨnoia pe.

GÉNESIS 32:10

Che mbaetɨ ko jupi aiko vaerä ndeporoparareko rupi ani ndeporoangareko rupi; tenonde yave kuae ɨ̈aka Jordán aasa ko chepopoka ndiveño etei, ërei añave aï mókoi teyupa ndive.

GÉNESIS 32:5

anoi jeta guaka, mburika, vecha, tembiokuai kuimbae jare tembiokuai kuña. Kuae amondo jae ndeve cheya remae kavi vaerä cheré.’ ”

GÉNESIS 32:9

Jare Jacob oyerure jei: “CheYa, cheramɨi Abraham iTumpa, cheru Isaac iTumpa, nde rere cheve: ‘Ekua ye ndeɨvɨ pe jare nerëtara reta pɨri, che ayapota ndeve ikavi vae.’

GÉNESIS 35:1

Tumpa jei Jacob pe: “Epüa jare ekua eiko Bet-el pe. Jare joko pe eyapo mɨmba oyeyuka oyeapɨ jese vae Tumpa peguarä nderɨkeɨ Esaú güi resɨi yave oyekuaa ndeve vae.”

GÉNESIS 35:3

Ñapüa jare yaja Bet-el kotɨ; jare joko pe amopüata mɨmba oyeyuka oyeapɨ jese vae Tumpa chemborɨ chepɨatɨtɨ aï yave vae peguarä jare oiko che ndive opaete kerupi ajaa rupi vae.

GÉNESIS 50:24

Jare José jei jëtara reta pe: “Che amanota ma, ërei Tumpa outa metei ara pemborɨ, jae perenoeta kuae ɨvɨ güi, arakae ma Tumpa güɨrökuavee ɨvɨ Abraham pe vae, jare Isaac pe jare yanderu Jacob pe vae kotɨ.”

SALMOS 46:1

Tumpa ko ñepɨ̈roa jare yeepɨka, mbɨatɨtɨ iara pe yandemborɨ jarembae voi vae.

SALMOS 50:15

Jare eyerure cheve ndepɨatɨtɨ yave; che roepɨta jare nde chemboeteta.”

SALMOS 90:15

Oremboyerovia katu, jeta reiporarauka oreve rami, ɨma año rupi roiporara rami.

ÉXODO 3:12

Jare Tumpa jei: —Ekua, echa che aïta nde ndive; jare kuae toï ikañɨmaa vaerä che etei ko romondo vae: Renoe ma Egipto güi tëta chembae yave, chemboeteta kuae ɨvɨtɨ re.

ISAÍAS 41:10

Agüɨye ekɨɨye, che ko aï nde ndive; agüɨye ndepɨtu, che ko neTumpa romomɨ̈rata vae, romborɨ aveita, chembaepuere pe roñovatu aveita.

Hebreos 13:5

Agüɨye peipotarai korepoti. Peyerovia mbaembae penoi vae re, echa Tumpa jei: “Ngaraa poeya peangarekoambae.”