GÉNESIS 30:1 - Biblia Guarani Tumpa Iñee

¹ Raquel oecha yave jae mbaetɨ imembɨ Jacob pe omotareɨ tɨke Lea, jare jei ime pe: —Chemomembɨ, echa mbaetɨ yave amanota.

GÉNESIS 30:1 ပူးပေါင်းရင်းမြစ်များ

GÉNESIS 29:31

Jare yandeYa oecha yave Lea oñereröɨrouka, omee chupe imembɨ vaerä; ërei Raquel imembɨmbae ko.

GÉNESIS 37:11

Jare tɨkeɨ reta omotareɨ yae, ërei tu oyemongeta oiko kuae re.

1 REYES 19:4

Jare jae ojo ñuu kotɨ, metei ara oguata, jare ou oguapɨ metei ɨvɨra igüɨ pe; jare oipotaecha omano, jare jei: “¡Joko peño mo cheYa, eekɨ chegüi cherekove, echa mbaetɨ ko ayapɨraa cheru reta chereko kavi pe!”

JOB 13:19

¿Oime yave kia mbae re chemboeko vaerä? Tachekïrii jare tamano.

JOB 3:11

¿Maera ra amano voiä chesɨ jɨe pe, ani aa yave?

JOB 5:2

Añete, yarakuaambae oyeyukauka arasɨ pe, jare imbaepotarai vae ñemoägüɨro pe.

SALMOS 106:16

Teyupa pe iyakatúä reta Moisés re, jare Aarón, Tumpa oñono tee vae re.

PROVERBIOS 14:30

Ipɨakatu avei vae, tekove katu ko jete peguarä, ërei oporomotareɨ vae, yaratita rami ko ikägüe reta pe.

PROVERBIOS 30:16

Tɨvɨa, kuña imembɨmbae, ɨvɨ mbaetɨ ɨ re yangapɨɨ vae, jare tata mbaetɨi: “Joko peño mo” jei vae.

ECLESIASTÉS 4:4

Jökoraiño vi aecha opaete mbaravɨkɨ ikavi yae oyeapo vae rupi ou ñemoägüɨro. Jökorai vi kuaekuae mbaeä etei ko, yayemoambekoiño ma ko jese.

NÚMEROS 11:15

Jare jökoraiñota cherereko yave, romoñera rembou vaerä cheve mano, ndepɨakavi ko remae cheré yave; agüɨye vaerä aecha mbae ikavimbae ou cheve vae.

NÚMEROS 11:29

Jare Moisés jei chupe: —¿Nerägüɨro pa cheré? ¡Mbae mona opaete vae, kuae tëta yandeYa imbae omombeu Tumpa iñee, jare yandeYa oñono iespíritu metei ñavo vae re!

San Juan 4:3

Kuae oikuaa yave, Jesús oë Judea güi ojo ye Galilea kotɨ.

San Juan 4:8

Echa Jesús jemimboe reta opa yepe yogüɨraja tëta guasu pe ogua vaerä jembiurä.

1 Corintios 3:3

Echa jekuaeño peiko pe peregüe reño. Echa jekuaeño peñemoägüɨro oyoe, peñoraro jare peyoambotaä ¿jaeä pa jókuae jeigüe reño oiko vae?, jare ¿oipotagüe kuimbae ramiño?

2 Corintios 7:10

Echa mbɨatɨtɨ Tumpa jemimbota rupi vae, güeru yepoepɨ yemboasa peguarä, mbaetɨ yandembopɨatɨtɨ; ërei yandepɨatɨtɨ yave oporogüɨroviambae vae reta ipɨatɨtɨ rami, jókuae güeru mano.

Gálatas 5:21

yeakatúä reta, yoyuka reta, savaɨpo reta, oasa ete okaru osavaɨpo reve vae, jare jeta ïru ikavimbae. Kuae reta re amombeu ma peve, kërai kuae nunga ikavimbae vae iyapoa reta ngaraa oike Tumpa iporookuaía pe.

Tito 3:3

Echa tenonde yave yandearakuaambaese yepi, yandepɨapochɨ, yanderopa, yaikose yanderete jemimbota reta reño, yaiko ikavimbae rupi, yandepɨakatúä,

Santiago 3:14

Ërei peñemoägüɨro yave ïru vae reta re jare pepochɨ pepɨa rupi yave, agüɨye peyemboete ani peapu añete vae kotɨ.

Santiago 4:5

Tumpa Iñee oyekuatía oï vae añete vae ko, echa jei: “Espíritu jae oñono yandepɨa pe vae, jägüɨro yae yanderé.”

1 SAMUEL 1:10

Ana oyemboasɨ katu yae reve oyerure yandeYa pe, jare jeta oyaeo.