GÉNESIS 3:8 - Biblia Guarani Tumpa Iñee

⁸ Oendu reta yandeYa Tumpa kó rupi oguata oiko kaaru yave, jare kuimbae oñemi jembireko ndive yandeYa Tumpa güi, ɨvɨra pɨte pe kó pe.

GÉNESIS 3:8 ပူးပေါင်းရင်းမြစ်များ

GÉNESIS 18:33

YandeYa opa ma imiari Abraham ndive yave ojo joko güi; jare Abraham oyerova ye oikoa kotɨ.

GÉNESIS 3:10

Kuimbae jei Tumpa pe: —Aendu neñee kó rupi, jare akɨɨye, echa chenandi aï, jáeramo añemi.

JOB 22:14

Amapɨtu reta oñova mbaetɨ ipuere omae, jare ara iyapɨ rupi ojo oguata?”

JOB 31:33

Mbaetɨ añomi ayavɨgüe kia reta güi, ïru reta rami, mbaetɨ ayemongeta añomi areko vaerä.

JOB 38:1

Jayave yandeYa jei Job pe, kusumirou ipäu güi:

PROVERBIOS 15:3

YandeYa omae oï opaete re, jeko kavi vae reta re jare jeko kavimbae reta re.

JEREMÍAS 23:24

¿Oime ra kia ipuereta oñemi chegüi vae? che, opaete rupi ko aï, ara pe jare ɨvɨ pe. Che peYa ko jae kuae.

OSEAS 10:8

Jare mbaemboetea Bet-avén pegua ɨvɨtɨ re ñogüɨnoi vae oyemboaita, joko pe Israel pegua reta oyapo mbaeyoa. Mɨmba oyeyuka oyeapɨ jese vae re oëta ñurati reta. Jare jei retata ɨvɨtu guasu reta pe: “¡Oreöva, oreñomi!” Jare ɨvɨtɨ reta pe jei retata: “¡Pea oreré!”

LEVÍTICO 26:12

pepɨte rupi aguatata, che aikota peTumparä, jare pe reta peikota chembaerä.

JONÁS 1:3

Ërei Jonás opüa otekuarai vaerä yandeYa güi tëta Tarsis kotɨ, jare ojo tëta Jope kotɨ, joko pe oväe metei barco ojota oï Tarsis kotɨ vae; oyemboepɨ jare oyeupi pɨpe ojo vaerä jae reta ndive Tarsis kotɨ, mombɨrɨ yandeYa güi.

Romanos 2:15

Echa oikuaauka reta mborookuai jei vae oyekuatía oï ipɨa pe vae. Oikuaa reta vi ipɨa pe, mbae ikavi vae oyapo vaerä vae. Jáeramo iyemongeta rupi oyemboeko retata ani oyeepɨ retata,

DEUTERONOMIO 23:14

Echa yandeYa Tumpa oguata pepɨte rupi teyupa pe, peñovatu vaerä jare omee vaerä peporomoamɨri; jáeramo agüɨye tikɨa toï teyupa peï pɨpe vae, agüɨye vaerä Tumpa oecha mbae ikɨa vae pɨpe, jökorai ngaraa osɨrɨ pegüi.

DEUTERONOMIO 4:33

¿Oime pa amogüe tëta oendu Tumpa iñee tata mbɨte güi pe reta peendu rami jare oikoveño oï vae?

DEUTERONOMIO 5:25

Añave, ¿maera pa romanota? Echa kuae tata yavaete yae vae oreyukata, yandeYa Tumpa iñee roendu ye yave opata romano;

Hebreos 4:13

Oyapo mbaembae Tumpa oyapo vae mbaetɨ ipuere oñemi chugüi. Echa opaetei ko mbaembae oyekuaa oï jókuae ñanejäata vae jóvai.

Apocalipsis 6:15

Jare mburuvicha guasu reta ɨvɨ pegua, mburuvicha reta, oikokatu vae reta, sundaro ruvicha reta, mbaepuere güɨnoi vae reta, jare opaete tembiokuai reta jare opaete tembiokuaimbae reta oñemi ɨvɨkua reta rupi jare itakua ɨvɨtɨ rupigua reta rupi;