GÉNESIS 3:6 - Biblia Guarani Tumpa Iñee

⁶ Jare kuña oecha jókuae ɨvɨra iagüe ikavi yae oyeu vaerä, ipöra yae oyekuaa jesa pe, ikavi yae oupitɨ vaerä arakuaa katu; jare oipɨɨ jókuae ɨvɨra iagüe jare jou. Omee vi ime pe, jare jae jou vi jembireko rami.

GÉNESIS 3:6 ပူးပေါင်းရင်းမြစ်များ

GÉNESIS 3:12

Kuimbae jei: —Kuña remee cheïrurä vae omee cheve ɨvɨra iagüe, jare jau.

GÉNESIS 3:17

Kuimbae pe jei: —Nderembireko iñee re reyeapɨsaka vae jeko pegua, jare reu jókuae ɨvɨra iagüe royókuai tëi agüɨye vaerä reu; jáeramo ndereko pegua ɨvɨ oiporarata cheyepopeyu; reiporara reve rekaruta opaete ara reikove reiko ramboeve.

GÉNESIS 39:7

jare metei ara iya jembireko iporopota José re, jare jei chupe: —Eyu eyapakua che ndive.

GÉNESIS 6:2

Tumpa taɨ reta oecha kuimbae reta tayɨ maepöra yae reta yave, oiparavo reta iyeupe jembirekorä, jae reta oipota vae.

2 SAMUEL 11:2

Jare metei ara kaaru yave, David opüa jupa güi, jare oë oguata o iárambo ipe kavi vae rupi; jare joko güi oecha metei kuña ipöra yae vae oyau oï.

1 REYES 13:19

Jayave Tumpa iñeemombeúa ojo jupíe jëta pe okaru jare oɨu.

JOB 31:1

Ayapo morogüɨrökuavee cheyeupe, agüɨye vaerä amae kuñatai re.

EZEQUIEL 24:16

“Nde kuimbae, aekɨta ndegüi nderembireko güɨramoi peguaño. Ërei agüɨye eäpiro, agüɨye eyaeo, agüɨye epɨyere nderesaɨ.

EZEQUIEL 24:21

‘Ere Israel iñemuña reta pe. YandeYa Tumpa jei körai: Che aröɨro jare amboaita chero mbaemboetea, peyembotuicha jese vae, pe reta peipota yae pemae jese vae; peraɨ reta jare perayɨ reta peeya joko pe vae, opata oyeyukauka reta.

EZEQUIEL 24:25

Jare nde kuimbae, jókuae ara apɨ̈ro yave Israel iñemuña reta güi iñepɨ̈roa, jae ko tupao, ipöra re oyerovia yae reta, oaɨu yae reta vae. Apɨ̈rota vi chugüi reta taɨ jare tayɨ reta.

OSEAS 6:7

Ërei jae reta Adán ramiño, morogüɨrökuavee päve oyapoä, oikuaa reve mbaetɨ oyapo jupi vae.

San Mateo 5:28

Ërei che jae peve, kia nunga vae ipɨa pe iporopota reve omae yave kuña re, oyuvanga ma ko menda re ipɨa pe.

1 Timoteo 2:14

Adán mbaetɨ ko oyembotavɨuka, kuña ko oyembotavɨuka. Jare oyembotavɨuka ramo oa mbaeyoa pe.

JOSUÉ 7:21

Mbaembae reta Jericó pe ñapɨ̈ro vae ipɨte pe aecha metei temimonde Babiloniaɨgua ipöra yae vae, jare dosciento reare korepoti pegua jare oro medio kilo oasa vae, aipota rai amae jese jare aekɨ; oime añomi añono ɨvɨgüɨ pe, cheküaraɨaguakapi pegua mbɨte pe, jare korepoti oime oï igüɨ pe.

1 Juan 2:16

echa opaete mbaembae oime ɨvɨ pe vae, soo jemimbota reta, mbaembae ipöra vae reta yaecha vae jare yemboete mbaeyekou regua mbaetɨ ko ou yandeRu güi, ou ko ɨvɨ güi.

JUECES 14:17

Ërei jae jekuaeñoi oyaeo opaete jókuae chiu ara arete oiko vae pe, jare chiúa ara pe omombeu chupe, echa oyaporai yae jese. Jayave jókuae kuña ojo omombeu jaɨe reta pe.