GÉNESIS 3:20 - Biblia Guarani Tumpa Iñee

²⁰ Jare Adán ombojee jembireko Eva pe, echa jae ko opaete vae reta ichɨrä.

GÉNESIS 3:20 ပူးပေါင်းရင်းမြစ်များ

GÉNESIS 16:11

Añave ndepurúa reï, oata jókuae nemembɨ jare rembojeeta Ismael. Echa yandeYa oendu ndepɨatɨtɨ.

GÉNESIS 2:20

Adán ombojee opaete mbaemɨmba jare güɨra reta, jare opaete mɨmba reta ñana rupigua; ërei Adán peguarä mbaetɨ oñeväe imborɨarä.

GÉNESIS 2:23

Jayave Adán jei: “¡Kuae ko jae chekägüe ïru jare chesoo ïru! Jeeta ‘kuña’, echa kuimbae güi ko oyeapo.”

GÉNESIS 3:21

YandeYa Tumpa oyapo kuimbae jare jembireko jemimonderä mɨmbapiregüe, jare omondeuka chupe reta.

GÉNESIS 35:18

Jare oa imembɨ rupive omano. Ërei ndei omano mbove ombojee Benoni, ërei tu ombojee Benjamín.

GÉNESIS 5:29

Jare ombojee Noé, echa jei: “Kuae yandemombutuuta oasa ete yaparavɨkɨ yandeYa oyepopeyu ɨvɨ re jeko pegua.”

ÉXODO 2:10

Jare michia tuicha ma yave, güeru Faraón tayɨ pɨri, jare jae oipɨɨ imembɨrä, jare ombojee Moisés, echa jei: —Ɨ güi anoegüe ko.

San Mateo 1:21

María imembɨta metei kuimbae raɨ, jare rembojeeta Jesús. Echa jae omboasata imbae vae reta imbaeyoa reta güi.”

San Mateo 1:23

Echa jei körai: “Mase, metei kuñatai mbaetɨ etei oasa kuimbae ndive vae ipuruata jare oata imembɨ kuimbae raɨ. Jare ombojee retata Emanuel.” (Kuae tee oipota jei: “Tumpa oime yande ndive.”)

Hechos 17:26

Jae oyapo metei kuimbae güi opaete vae reta yogüɨreko vaerä ɨvɨ iárambo. Tumpa etei ko omee ɨvɨ pegua reta pe kërai yave jare kia pe yogüɨreko vaerä.

2 Corintios 11:3

Ërei aipoɨu, güɨramoi jókuae mboi ipoki oporombotavɨ vaerä vae ombotavɨ Eva rami, peyembotavɨuka jare pepia Cristo güi.

1 Timoteo 2:13

Echa Tumpa oyapo Adán räri, jaɨkue rupi oyapo Eva;

1 SAMUEL 1:20

Ana ipurúa, jare ou ma ara reta oväe oyekuaku vaerä yave, oa imembɨ metei kunumi raɨ, jare ombojee Samuel, echa jei: “CheYa pe aiporu vae ko.”