GÉNESIS 3:14 - Biblia Guarani Tumpa Iñee

¹⁴ Jayave yandeYa Tumpa jei mboi pe: —Kuae reyapo vae jeko pegua, repɨtata cheyepopeyu igüɨ pe opaete ïru mɨmba reta ipɨte güi. Ndepɨtía re reguatata, jare ɨvɨkúi reuta nderekove iyapɨ regua.

GÉNESIS 3:14 ပူးပေါင်းရင်းမြစ်များ

GÉNESIS 3:1

Ërei ngatu mboi oasa ipoki oporombotavɨ vaerä opaete ïru mbaemɨmba reta ñana rupigua yandeYa Tumpa oyapogüe güi. Jare kuae mboi jei kuña pe: —¿Tumpa jei pa jayave peve agüɨye vaerä peu opaete ɨvɨra reta kó pegua iagüe?

GÉNESIS 4:11

Jáeramo, añave reikoasɨ katuta cheyepopeyu igüɨ pe jare reëta ko kuae ɨvɨ güi, echa ndepo güi kuae ɨvɨ re oyepɨyere nderɨvɨ jugüɨ.

GÉNESIS 9:6

“Kia ñavo japicha oyuka yave, jae tomano vi japicha ipo pe. Echa kuimbae, Tumpa rami ko ayapo.

SALMOS 72:9

¡Jovaicho reta ñuu rupigua, toyetavatɨka itindɨasɨ jare toñemomichi jóvai!

ISAÍAS 29:4

Jayave reñemomichiukata, reyeitɨukata ɨvɨ re, joko güi remoëta neñee; jókuae neñee oyeenduta mbae iñee rami, jäve yaeta oyeendu neñee.

ISAÍAS 65:25

Aguarayaɨmba jare vecha kuimbae raɨ okaru päveta, yaguapope jouta kapii güeye rami; jare mboi jembiurä ɨvɨkúi. Ngaraa oyombopɨatɨtɨ reta, jare ngaraa oyapo reta ikavimbae opaete cheɨvɨtɨ oñeñono tee vae pe.” Jei yandeYa.

LEVÍTICO 20:25

Jáeramo pe reta peikuaata mɨmba oyeu vae ani mɨmba oyeumbae vae, jare güɨra oyeumbae vae ani oyeu vae; agüɨye peyemongɨa kuae mɨmba reta rupi, güɨra reta rupi, mɨmba ipɨtía re oguata ɨvɨ re vae reta rupi, kuae reta che ambosɨrɨ pegüi peumbae vaerä.

MIQUEAS 7:17

¡Ɨvɨ toere reta mboi rami, ipɨtía re oguata vae reta rami! ¡Torɨrɨi toñogüɨnoe jare tokɨɨye reve toyogüeru ndekotɨ, cheYa Tumpa!