GÉNESIS 29:32 - Biblia Guarani Tumpa Iñee

³² Lea ipurúa jare oa imembɨ jare ombojee Rubén, echa jei: “YandeYa oecha chepɨatɨtɨ vae; añave kuae re cheraɨuta cheme.”

GÉNESIS 29:32 ပူးပေါင်းရင်းမြစ်များ

GÉNESIS 16:11

Añave ndepurúa reï, oata jókuae nemembɨ jare rembojeeta Ismael. Echa yandeYa oendu ndepɨatɨtɨ.

GÉNESIS 29:31

Jare yandeYa oecha yave Lea oñereröɨrouka, omee chupe imembɨ vaerä; ërei Raquel imembɨmbae ko.

GÉNESIS 31:42

Abraham iTumpa jare cheru Isaac oipoɨu chugüi vae mbaetɨ ko oiko che ndive yave, chepogüɨraita tëi ko chembou; ërei ngatu Tumpa oecha aiporaragüe jare cheparavɨkɨ ramo pɨare oñeengata ndeve.

GÉNESIS 35:22

Jare Israel oiko ramboeve jókuae ɨvɨ pe, Rubén ojo güɨroke tu jembireko güɨrekoiño vae, Bilha jee vae; jare Israel ou oikuaa jókuae regua. Jayave opaete reve doce ko Israel taɨ reta.

GÉNESIS 35:23

Lea imembɨ reta ko: Rubén, jae ko Israel taɨrɨpɨ; jare vi Simeón, Leví, Judá, Isacar jare Zabulón.

GÉNESIS 37:29

Jaɨkue rupi Rubén ojo ye omae ɨvɨkua re, jare oecha José mbaetɨ ma oï pɨpe yave omondoro jemimonde ipɨatɨtɨ güi.

GÉNESIS 42:22

Jayave Rubén jei ye chupe reta: —¿Amoëä pa cheñee peve, agüɨye peyoa kunumi kotɨ, jaeä pa peve? Ërei mbaetɨ peendu. Mase, añave jugüɨgüe ko oyeapa yandekotɨ.

GÉNESIS 42:27

Ërei ngatu oguatagüe reta opɨtaa pe ñogüɨnoi yave, metei chugüi reta oipea ivoɨtarɨru omongaru vaerä imburika yave, oecha ikorepoti voɨtarɨru iyuru pe.

2 SAMUEL 16:12

Güɨramoi yandeYa oecha chepɨatɨtɨ yave iporerekuata cheré, kuae ñee jasɨ katu vae aendu aï vae jekovia pe.

1 CRÓNICAS 5:1

Rubén, Israel taɨrɨpɨ taɨ reta jae: Hanoc, Falú, Hezrón jare Carmi. Rubén, añetete ko jae Israel taɨrɨpɨ, ërei membɨrɨpɨyekou imbaerä tëi vae oyemboasa José taɨ reta pe chugüi, echa Rubén güɨroke tu jembireko. Ërei ngatu Judá imbaepuere yae opaete tɨvɨ reta güi, jare chugüi oë mburuvicharä; ërei membɨrɨpɨyekou oñemee José pe.

SALMOS 106:44

Ërei jeseve, omae jese reta oiporara reta ñogüɨnoi yave, jare oendu chupe reta iyerure ipɨatɨtɨ reve vae,

SALMOS 25:18

Emae chepɨatɨtɨ aï vae re jare aiporara aï vae re, neɨ̈ro cheve opaete cheyoa re.

ÉXODO 3:7

Jaɨkue rupi yandeYa jei ye: —Aecha kavi ko Egipto pe tëta chembae oï vae, jare aendu iyerure mbɨatɨtɨ reve vae, oiporara yae mbaravɨkɨ iyangarekoa reta güi jeko pegua; aikuaa katu ko jembiporara reta.

ÉXODO 4:31

Jare opaete vae güɨrovia; oendu reta yandeYa ou ko Israel iñemuña reta omborɨ vae, jare oikuaa reta Tumpa oecha kërai oiporara yae reta ko vae yave, itɨndɨ reta omboete.

EZEQUIEL 48:6

Rubén güɨnoita iɨvɨ, Efraín iɨvɨ iyɨpɨ pe, kuaraɨ oëa kotɨ güive ɨguasu kotɨ.

NÚMEROS 1:5

Kuae jae ko jókuae kuimbae reta ñogüɨnoita pe ndive vae jee: Rubén iñemuña reta güi, Elisur, Sedeur taɨ.

San Lucas 1:25

“Körai yandeYa oyapo cheve. Cherenoe ñemomarai rupi aiko vae güi.”

DEUTERONOMIO 26:7

Jayave royerure mbɨatɨtɨ ndive Tumpa pe, oreñemuñagüe reta iTumpa pe; jare jae oendu oreñee, jare oecha roiporara vae jare oreokuaiasɨ katu vae;

DEUTERONOMIO 27:13

Jare Rubén iñemuña reta, Gad iñemuña reta, Aser iñemuña reta, Zabulón iñemuña reta, Dan iñemuña reta jare Neftalí iñemuña reta toñogüɨnoi ɨvɨtɨ Ebal re, jei reta vaerä yepopeyu.

1 SAMUEL 1:11

Jare oyapo ñererökuavee jei reve: “CheYa imbaepuere yae ete vae, jupi ko remae che nderembiokuai ipɨatɨtɨ vae re yave, jare nemaendúa cheré yave, jare remee che nderembiokuai pe imembɨrä kuimbae ko yave, tañono tee ndeveguarä jókuae michia raɨ opaete ara oikove oiko ramboeve jare mbaetɨta ia oñeapi.”

1 SAMUEL 1:20

Ana ipurúa, jare ou ma ara reta oväe oyekuaku vaerä yave, oa imembɨ metei kunumi raɨ, jare ombojee Samuel, echa jei: “CheYa pe aiporu vae ko.”