GÉNESIS 29:25 - Biblia Guarani Tumpa Iñee

²⁵ Jare köe ma yave Jacob oecha Lea ndive yepe oke, jare jei Labán pe: —¿Mbae jei vae pa ko kuae reyapo cheve? ¿Ayeokuaiä pa ko ndeve Raquel regua? ¿Maera pa chembotavɨ?

GÉNESIS 29:25 ပူးပေါင်းရင်းမြစ်များ

GÉNESIS 12:18

Jayave Faraón oenɨiuka Abram jare jei chupe: “¿Mbae pa ko kuae reyapo che ndive vae? ¿Maera pa ko remombeu kaviä cheve jae ko nderembireko vae?

GÉNESIS 20:9

Jaɨkue rupi Abimelec oenɨi Abraham jare jei chupe: —¿Mbae pa reyapo oreve? ¿Oime pa mbae pe cheyoa ndekotɨ, reru vaerä cheré jare cheporookuaía re mbaeyoa tuichagüe yae? Mbaetɨta tëi reyapo vae reyu reyapo che ndive.

GÉNESIS 26:10

Abimelec jei: —¿Maera pa kuae reyapo oreve? Ipuere viña amogüe kuimbae tëta pegua oke nderembireko ndive, reruta viña oreré mbaeyoa.

GÉNESIS 29:16

Labán güɨnoi mókoi tayɨ reta; tenondegua jee Lea jare taɨkuegua Raquel.

GÉNESIS 29:24

Labán omee vi jembiokuai kuña Zilpa jee vae tayɨ jembiokuairä.

GÉNESIS 29:26

Labán jei chupe: —Kuae orerëta pe mbaetɨi taɨkuegua räri romomenda tenondegua güi.

GÉNESIS 31:26

Iñeengeta Jacob pe: —¿Mbae jei vae pa kuae reyapo? ¿Maera pa chembotavɨ? ¡Cherayɨ reta reru tembipɨɨ ñeraro pegua rami!

GÉNESIS 31:7

jare peru chembotavɨ; cheparavɨkɨ jepɨ oipoepɨ avei chegüi, ërei ngatu, Tumpa mbaetɨ omaeño jese oyapo vaerä cheve ikavimbae;

PROVERBIOS 11:31

Jupi vae omboresiveta mbota kuae ɨvɨ pe, ¡vɨtei pa iyoa vae reta, oiporarata jeko oï rupi!

San Mateo 7:12

Jáeramo peipota yave ïru vae reta oyapo peve ikavi vae, peyapo ïru vae reta pe ikavi vae. Echa kuae jae ko mborookuai jei vae jare ñeemombeúa reta jei vae.

San Mateo 7:2

Echa pemboeko rami etei, peyemboekoukata vi. Jaeramiño vi kërai ïru vae pe peyapo rami, oyapota vi peve.

San Juan 21:17

Jesús jei ye chupe mboapɨa ma: —Simón, Jonás taɨ, ¿cheraɨu pa? Pedro ipɨatɨtɨ. Echa mboapɨa ma Jesús jei chupe: “¿Cheraɨu pa?” Jayave jei ye: —CheYa, nde reikuaa opaete. Nde reikuaa ko che roaɨu ko vae. Jesús jei chupe: —Emongaru chevecha reta.

1 Corintios 3:13

metei ñavo vae iparavɨkɨ oyekuaata ko tata rupi morojäa iara pe, echa tata oechaukata mbae nunga mbaravɨkɨ oyapo metei ñavo vae.

Apocalipsis 3:19

Che amboete jare aiporarauka aaɨu vae pe; jáeramo, eñemoäta ngatu jare eeya ndeyemongeta ikavimbae vae ndepɨa pe oï vae.

JUECES 1:7

Jayave Adoni-bezec jei: “Tenonde yave che ayasɨa setenta mburuvicha guasu reta ipoäka guasu jare ipɨ̈sa guasu, jare chemesa güi cherembíu osururugüe jou reta yepi, jókuae ayapo chupe reta rami etei Tumpa oyapo vi cheve.” Jare güɨraja reta Jerusalén pe, joko pe omano.

RUT 4:11

Jare tenondegua reta jare opaete joko pe ñogüɨnoi vae reta jei: —Orerovake ko reyapo. ¡YandeYa toyapo ndeve jókuae kuña oiketa ndero pe vae Raquel jare Lea rami, kuae reta güi oñemuña tëta Israel! Jare nde eiko kuimbae tuicha yae vae Efrata pe, jare jërakua vae Belén pe.

1 SAMUEL 28:12

Jare jókuae kuña oecha Samuel yave jäse täta jare jei Saúl pe: