GÉNESIS 28:22 - Biblia Guarani Tumpa Iñee

²² Kuae ita añono kuae pe vae topɨta oporomomaendúa avei vaerä, toiko Tumpa jo rami; jare opaete mbaembae remeeta cheve vae güi ambosɨrɨta payandepo güi metei ndeveguarä.”

GÉNESIS 28:22 ပူးပေါင်းရင်းမြစ်များ

GÉNESIS 12:8

Joko güi ojo oñemoëta vaerä metei kaa pe, Bet-el güi kuaraɨ oëa kotɨ, jare joko pe omopüa jo guakapi pegua; güɨnoi Bet-el kuaraɨ oikea kotɨ jare tëta Hai jee vae kuaraɨ oëa kotɨ; joko pe omopüa mɨmba oyeyuka oyeapɨ jese vae yandeYa peguarä, jare oyerure yandeYa jee re.

GÉNESIS 14:20

Jare opaete vae reta tomboete Tumpa Tuichagüe yae ete vae, echa jae ko ndemborɨ remoamɨri nderovaicho reta.” Jayave Abram omee payandepo güi metei, jókuae opaete güeru ye vae güi Melquisedec pe.

GÉNESIS 21:33

Abraham oñotɨ metei ɨvɨra tamarisco jee vae Beerseba pe, jare oyerure joko pe yandeYa Tumpa opambae vae jee re.

GÉNESIS 28:17

Jare ou okɨɨye yae, jare jei: “Ikɨambae yae vae yepe kuae ɨvɨ aï pɨpe vae; ¡Tumpa jëta etei yepe, jare ara jöke yepe!”

GÉNESIS 33:20

Jaɨkue rupi omopüa mɨmba oyeyuka oyeapɨ jese vae, jare ombojee El-Elohe-Israel.

GÉNESIS 35:1

Tumpa jei Jacob pe: “Epüa jare ekua eiko Bet-el pe. Jare joko pe eyapo mɨmba oyeyuka oyeapɨ jese vae Tumpa peguarä nderɨkeɨ Esaú güi resɨi yave oyekuaa ndeve vae.”

GÉNESIS 35:7

Jare omopüa joko pe mɨmba oyeyuka oyeapɨ jese vae, ombojee El-bet-el, echa joko pe Tumpa oyekuaa chupe tɨkeɨ güi osɨi oiko yave.

GÉNESIS 47:24

Mbaagüɨye reta ñavo güi pemeeta Faraón pe pandepo vae güi metei, jare irundɨ vae pembaerä, peñotɨ ye vaerä jare peiko jese vaerä, pero pegua reta ndive, okaru vaerä pemichia reta.

GÉNESIS 47:26

Jayave José oñono kuae mborookuai opaete ɨvɨ Egipto re, pandepo vae güi metei Faraón peguarä mbaagüɨye reta ñavo güi; jaeño ete sacerdote reta mbaetɨta omee, echa jae reta iɨvɨ mbaetɨ ko opɨta Faraón imbaerä.

MALAQUÍAS 3:10

Peru opaete pediezmo mbotarɨru pe, oime vaerä tembíu chero pe; jare peikuaa añave jokoropi, mbaetɨta ra aipea ara jöke ambou vaerä peve mborerekua oarasa regua. Jei yandeYa Imbaepuere yae ete vae.