GÉNESIS 28:18 - Biblia Guarani Tumpa Iñee

¹⁸ Opüa ndeimbove yave oipɨɨ jókuae ita oñono iñäkandɨtarä vae, jare omopüa oñono joko pe oporomomaendúa avei vaerä jare opɨyere jese olivo iasaite.

GÉNESIS 28:18 ပူးပေါင်းရင်းမြစ်များ

GÉNESIS 21:14

Jayave Abraham opüa ndeimboveasɨ, jare omee Agar pe mbɨyape jare ɨ jɨru mɨmbapire pegua pe, oñono iyatiɨ re jare omee chupe kunumi raɨ jare omondo. Jare jae jopa oiko ñuu Beerseba rupi.

GÉNESIS 22:3

Jayave, pɨareve pe ndeimboveasɨ Abraham opüa oyupavo, oyokua imburika jare güɨraja vi mókoi jembiokuai reta jupíe jare vi taɨ Isaac; jare oyasɨa yepea mɨmba oyeyukagüe opaetei oyeapɨ vae oapɨ vaerä, jare opüa ojo Tumpa jei chupea kotɨ.

GÉNESIS 28:11

Ojo kaaru chupea pe opɨta, echa kuaraɨ oa ma chupe; jare oñono ita iñäkandɨtarä jókuae opɨtaa pe, jare oyapakua joko pe.

GÉNESIS 31:13

Che jae ko Tumpa Bet-el pe ayekuaa ndeve vae, joko pe remopüa ita jare repɨyere jese olivo iasaite oporomomaendúa avei vaerä, jare reñererökuavee joko pe. Epüa jare ekua jókuae ɨvɨ rea pɨpea pe.’ ”

GÉNESIS 31:45

Jayave Jacob oipɨɨ ita jare omopüa omokañɨmaa vaerä.

GÉNESIS 35:14

Jare Jacob oipɨɨ ita omboyemboɨ omokañɨmaa vaerä, jare opɨyere jese vino jare olivo iasaite.

GÉNESIS 35:20

Jare Jacob omopüa ovapetea tɨvɨa re; jae ko Raquel jɨvɨa imokañɨmaa añave rupi vae.

2 SAMUEL 18:18

Absalón oikove vɨteriño yave oyapouka yepe iyeupe metei jɨsɨ ita yatɨ vae, jare oñono jese jee, echa mbaetɨ yepe taɨ, jeegüe oñono jese vaerä, jókuae oï mburuvicha guasu iɨvɨtɨ päu ipe kavi vae pe. Jekuaeño añave rupi jee “Absalón iyeita yatɨ vae.”

SALMOS 119:60

Jarembae voi, mbaetɨ mbae aäro ayapo vaerä ndeporookuai reta.

ECLESIASTÉS 9:10

Opaete mbae renoi reyapo vaerä vae, eyapo ndepuere rupi; echa omanogüe reta ñogüɨnoia pe, jókuae reotaa pe, mbaetɨ etei mbae oyeapo, mbaetɨ mbaravɨkɨ, mbaetɨ yemboe tuichagüe, mbaetɨ arakuaa ave.

ISAÍAS 19:19

Jókuae ara rupi oyeapota ɨvɨ Egipto pe mɨmba oyeyuka oyeapɨ jese vae yandeYa peguarä, jare jókuae ɨvɨ jembeɨ pe oñemopüata metei ita yandeYa jee re.

NÚMEROS 7:1

Moisés opa ma omopüa tupao guakapi pegua yave, oñapiramo olivo iasaite pe oñono tee vaerä Tumpa peguarä, opaete pɨpegua tembiporu reta ndive, jaeramiño vi mɨmba oyeyuka oyeapɨ jese vae oñapiramo olivo iasaite pe oñono tee vaerä, opaete jembiporu reta ndive,

JOSUÉ 4:9

Josué omopüa vi doce ita ɨ̈ aka Jordán mbɨte pe, sacerdote reta käjou morogüɨrökuavee päve pegua güɨraja vae reta oyemboɨa jendagüe pe; jare jókuae ita reta oime añave rupi joko pe.

1 SAMUEL 7:12

Javoi Samuel oipɨɨ metei ita jare oñono Mizpa jare tëta Sen jee vae ipäu pe, jare ombojee Eben-ezer, jei reve: “Kuae ara jekuaeñoi yandeYa yandemborɨ.”