GÉNESIS 27:28 - Biblia Guarani Tumpa Iñee

²⁸ Tumpa tomee ndeve ɨsápɨi ara güi, jare mbaagüɨye ɨvɨ pegua, jeta trigo jare uva tɨgüegüe.

GÉNESIS 27:28 ပူးပေါင်းရင်းမြစ်များ

GÉNESIS 27:37

Jayave Isaac jei chupe: —Mase, che amee Jacob pe mbaepuere güɨnoi vaerä nderé, jare amee chupe opaete jëtara reta jembiokuairä, jeta trigo jare vino. ¿Mbae ye pa ayapota ndeve cheraɨ?

GÉNESIS 27:39

Jayave tu Isaac jei chupe: “Mombɨrɨ reikota kuae ɨvɨ kavi güi, jare ama ara güi oa vae güi.

GÉNESIS 45:18

jare togüeru reta peru jare opaete jëtara reta chépɨri, echa che ameeta chupe reta Egipto pegua ɨvɨ ikavigüe, jare okaru retata mbaagüɨye kuae ɨvɨ pe oñemee vae güi.

GÉNESIS 49:20

Aser, jeta yaeta jembíu, okaruta mburuvicha reta jembíu kavi rami.

GÉNESIS 49:25

¡Yasoropai nderu iTumpa pe, jae ndemborɨta, Tumpa imbaepuere yae ete vae jee re, jae iporerekuata nderé! ¡Iporerekuata ɨvate güi, okɨ katu vae rupi! ¡Iporerekuata ɨvɨ ñäkɨ ngatu vae rupi! ¡Jare iporerekuata reñemuña ngatu vaerä!

2 SAMUEL 1:21

¡Ɨvɨtɨ reta Gilboa pegua, agüɨye ye toa peré ɨsápɨi ani ama yepe, agüɨye toime mbaagüɨyerɨpɨ! Echa joko pe opa oyemombo ñeraro regua reta iyeopiaka. Saúl iyeopiaka mbaetɨ asaite pe oyepichɨ rami ñamɨri.

1 REYES 17:1

Jayave Elías, Tisbe pegua, jae ko ɨvɨ Galaad kotɨgua, jei Acab pe: “¡YandeYa Israel iTumpa, jóvai aï vae jee re, mbaetɨta ama jare mbaetɨta ɨsápɨi ave kuae año reta rupi, che jae yaveño!”

1 REYES 5:11

Jare Salomón omee Hiram pe, cuatro millones cuatrociento mil litro (kilo) trigo jo pegua reta jou vaerä, jare cuatro mil cuatrociento litro asaite oyeambae; kuae Salomón omee Hiram pe año ñavo.

2 CRÓNICAS 2:10

Mase, ameeta jókuae nderembiokuai ɨvɨra oyasɨa vae reta pe veinte mil arova trigo, jare cebada jökoraiño vi ameeta, jare vino ameeta cuatrociento cuarenta mil litro, jare asaite cuatrociento cuarenta mil litro.”

SALMOS 104:15

jókuae tembíu reta, omee vaerä mɨ̈rata chupe, vino, omboyerovia vaerä ipɨa, jare asaite pe jova jembipe kavi vaerä oyekuaa reta.

SALMOS 133:3

Ɨsápɨi ɨvɨtɨ Hermón re rami, oa ɨvɨtɨ reta Sión re. Echa joko pe yandeYa ombou mborerekua jare tekove opambae vae.

SALMOS 36:8

Ipɨakatuta opɨta reta, jeta tembíu ndero pe oï vae re; nde remeeta jou ɨ ikavi yae vae,

PROVERBIOS 19:12

Mburuvicha guasu iyarasɨ, yaguapope pochɨ vae iñee rami, ërei ipɨakavi, ɨsápɨi oa ñana re rami.

PROVERBIOS 3:20

jae iyarakuaa katu rupi opa omboyao ɨguasu reta, jare ara güi oa vaerä ɨsápɨi.

ISAÍAS 45:8

“Che ambouta ɨvate güi mbae jupi vae, ambouta ama rami, ani ɨsápɨi rami. Jare ɨvɨ omboresiveta, yereroasayepe oñemuñata, temitɨ ia oñemuña rami, jare mbae jupi vae, ipotɨta vi temitɨ rami.” Che ndeYa ko ayapo opaete kuaekuae.

JEREMÍAS 14:22

¿Oime pa kia nunga tëtaguasu reta itumpa-raanga reta güi ipuere omongɨ vae? ¿Ara ombou pa ama iyeugüi aeño? ¡Mbaetɨ ko, cheYa Tumpa! Nde ko rembou, nde ko jae opaete kuae mbaembae iyapoa. ¡Jáeramo royeko ndereño!

JOEL 2:19

jare jeita: “Ambouta peve tembíu, vino jare olivo iasaite, jare perïvɨatata jese; jare ngaraa ye ma amaeño ïru tëtaguasu reta oyuvanga peré.

MIQUEAS 5:7

Jacob iñemuña güi jembɨregüe reta yogüɨrekota ïru tëta guasu reta rupi; yandeYa ombou ɨsápɨi rami; ñana re ama oa rami, kuae reta mbaetɨ oäro kuimbae reta jemimbota.

ZACARÍAS 8:12

Echa mbɨakatu oimeta chupe reta: Uva iata, jare ɨvɨ omeeta mbaagüɨye, ara güi oata ɨsápɨi; kuae tëta güi jembɨregüe pe ayapota güɨnoi vaerä opaete kuae.

ZACARÍAS 9:17

Echa ikavi jare ipöra yaeta iɨvɨ. Trigo jeta vae ombovɨakatuta taɨrusu vae reta, jare uva tɨɨgüe kuñatai reta.

NÚMEROS 13:20

jare kërai etei ra ɨvɨ vae, ikavi ra temitɨ peguarä ani mbaetɨ ra, oime ra ɨvɨra pɨpe ani mbaetɨ ra vae; peñemoäta ngatu jare peru mbaagüɨye jókuae ɨvɨ pegua. Echa uva yagüɨyerɨpɨ iara pe ko kuae.

NÚMEROS 18:12

Jare opaete olivo iasaite ikavigüe, uva ikavigüe jare trigo ikavigüe, Israel iñemuña reta omee cheve mbaagüɨyerɨpɨ güi vae, opa amee ndeve.

Romanos 11:17

Amogüe jäka oyeekɨ yave, jare nde olivo ñana rupigua reñeñonouka jendagüe re, jökorai reyeapo olivo ete jäkarä, jare reiko japo re jare iyaɨsɨ re.

DEUTERONOMIO 32:2

Oata ama rami cheporomboe, oata ɨsápɨi rami cheñemoñee, oata amandaɨvi rami kapii re, ani oata ɨ rami ñana re.

DEUTERONOMIO 33:13

José iñemuña reta pe jei: “YandeYa tiporerekua peɨvɨ re, ara güi ɨsápɨi ikavigüe rupi, jare ɨvɨgüɨ pe ɨ oï vae rupi,

DEUTERONOMIO 33:28

Israel iñemuña reta yogüɨreko pɨagüiveta, yogüɨrekota mbɨakatu rupi, ɨvɨ omoñemuña trigo jare uva pɨpea pe, ngaraa oata ɨsápɨi ara güi chupe reta.

DEUTERONOMIO 7:13

Jare peraɨuta, iporerekuata peré, jare pemoñemuñata jeta, iporerekuata peñemuña reta re, pembaagüɨye reta re, petrigo re, peuva tɨgüegüe re, peolivo iasaite re, peguaka reta imembɨ re, jare pevecha reta re, jókuae ɨvɨ güɨrökuavee jee re peñemuñagüe reta pe vae, omeeta peve vae pe.

Hebreos 11:20

Iporogüɨrovia rupi Isaac jei ñee kavi Jacob pe jare Esaú pe, oyeapota chupe reta vae regua.

JOSUÉ 5:6

Echa Israel iñemuña reta oguata yogüɨreko ñuu rupi cuarenta año, opaete kuimbae ñeraro regua opa ma omano regua, yandeYa iñee mbaetɨ güɨrovia reta jeko pegua; jáeramo yandeYa jee re ae jei chupe reta, mbaetɨta oechauka chupe reta iñemuñagüe reta pe jae güɨrökuavee jee re ae ɨvɨ omee vaerä vae, ɨvɨ ikavi yae vae.