GÉNESIS 26:5 - Biblia Guarani Tumpa Iñee

⁵ Echa Abraham oendu jaegüe jare oyapo cheporookuai reta, cheporomboe mborookuai iyɨpɨ oyepoepɨmbae vae.”

GÉNESIS 26:5 ပူးပေါင်းရင်းမြစ်များ

GÉNESIS 12:4

Jare Abram oë ojo jókuae tëta Harán güi, yandeYa jei chupe rami, jare jiɨ Lot ojo vi jupíe; Abram setenta y cinco año ma güɨnoi yave oë tëta Harán güi.

GÉNESIS 17:23

Jayave Abraham oipɨɨ taɨ Ismael jare opaete jembiokuai jo pe oa vae, jare opaete ikorepoti pe oguagüe, jare opaete kuimbae Abraham jo pegua ombocircuncida reta isoo jókuae ara voi, Tumpa jei chupe rami.

GÉNESIS 18:19

Echa aiparavo ko güɨroata vaerä taɨ reta jare opaete iñemuña reta cheporomboe rupi; oyapo reta vaerä jupi vae jare sɨmbi vae; jökorai yave aruta Abraham re opaete arökuavee chupe vae.”

GÉNESIS 22:16

jei chupe: —YandeYa jei körai: “Cheyé aeño arökuavee ndeve reyapo kuaekuae ramo, jare mbaetɨ reipoɨu remee nderaɨ jaeño vae cheve;

GÉNESIS 22:18

Neñemuña rupi outa cheporerekua opaete kuimbae reta ɨvɨ pegua re, nde reyandu cheñee ramo.”

GÉNESIS 26:6

Isaac oiko Gerar pe.

San Mateo 5:19

Oime yave kia metei mborookuai güi mbaeä eteiecha vae mbaetɨ oyapo, jare jökorai oporomboe yave, michi yaeta ko opɨta araɨgua mborookuaía pe. Ërei oime yave kia oyapo jare oporomboe jese vae, tuicha yaeta ko araɨgua mborookuaía pe.

San Mateo 7:24

Jáeramo, oime kia oyeapɨsaka cheré jare oyapo che jae chupe oyapo vaerä vae yave, tambojaanga metei kuimbae iyarakuaa vae jorä omopüa ita guasu re vae re.

1 Corintios 15:58

Jáeramo, cherɨvɨ aaɨu vae reta, peñemoäta ngatu jare peñemomɨ̈rata, peparavɨkɨ avei yandeYa pe, echa peikuaa kërai mbaetɨ ko peparavɨkɨiño yandeYa pe.

Gálatas 5:6

Echa Cristo Jesús re, mbaeä ko oyembocircuncida vae, ani oyembocircuncidaukambae vae. Ikavi vae jae ñanoi yave mborogüɨrovia mboroaɨu reve vae.

Hebreos 11:8

Iporogüɨrovia rupi Abraham, Tumpa oenɨi yave ojo, Tumpa güɨrökuavee omeeta ɨvɨ imbaerä vae kotɨ; oë ojo oikuaambae reve ketɨ ko ojo vae kotɨ.

Santiago 2:21

Nemaendúa ñaneñemuñagüe Abraham oyembojupiuka jembiapo rupi vae re, omee taɨ Isaac mɨmba oyeyuka oyeapɨ jese vae re yave.