GÉNESIS 25:23 - Biblia Guarani Tumpa Iñee

²³ Jare yandeYa jei chupe: “Mókoi tëtaguasu retarä vae oime renoi nderɨe pe; mókoi tëta oyomboyaota nderɨe güi voi vae; metei tëta imbaepuere yaeta ïru tëta güi. Tenondegua oyeokuaita taɨkuegua pe.”

GÉNESIS 25:23 ပူးပေါင်းရင်းမြစ်များ

GÉNESIS 17:16

Cheporerekuata Sara re, jae rupi ameeta nderaɨrä; añetete ko cheporerekuata jese, jare jae ko tëta metei tugüɨ jare metei teko vae ichɨrä, jare tëtaguasu reta juvicha reta chugüi oëta.

GÉNESIS 17:4

—Kuae ko jae morogüɨrökuavee päve oikota ndeve vae: Jeta vae turä ko nde,

GÉNESIS 24:60

Jare omboyupavo ñee kavi reve jei reta chupe: “¡Orereindɨ! ¡Eiko jeta vae reta ichɨrä, neñemuña reta topɨ̈ro jovaicho reta jöke!”

GÉNESIS 25:24

Jare ou ma oväe imembɨ oa vaerä yave, oyekuaa chaguakiri ko.

GÉNESIS 25:27

Opa okuakuaa michia reta, jare Esaú ko kuimbae ipoki yae maepïaro pe vae; ërei ko Jacob kuimbae oñeraä vae, mbaetɨ omomora guata.

GÉNESIS 27:29

Toyeokuai ndeve opaete vae, Tëtaguasu reta toyetavatɨka nderóvai; eporookuai nerëtara reta re. Ndesɨ imembɨ reta toyetavatɨka nderóvai. Yepopeyu toï, oyepopeyu nderé vae re, jare mborerekua toï jei ñee kavi ndekotɨ vae reta re.”

GÉNESIS 27:33

Isaac orɨrɨi yae reve jei: —¿Kia pa güeru kuae pe jembia cheve, jare jau ndei reyu mbove? Che jae ma ñee kavi ikotɨ jare oiko kavita.

GÉNESIS 27:37

Jayave Isaac jei chupe: —Mase, che amee Jacob pe mbaepuere güɨnoi vaerä nderé, jare amee chupe opaete jëtara reta jembiokuairä, jeta trigo jare vino. ¿Mbae ye pa ayapota ndeve cheraɨ?

GÉNESIS 27:40

Reñeraroagüe reyereroasayepeta reiko, nderɨvɨ pe reyeokuaita, jare ndembaepuere yae ma yave reyeyorata yeokuaiasɨ katu güi.”

GÉNESIS 32:6

Jare ñee jerajaa reta oyerova ye Jacob pe, jei reve: —Rojo roväe nderɨkeɨ Esaú pɨri, jare jae etei oime ou nerövaiti vaerä, jare cuatrociento kuimbae reta yogüeru jupíe.

GÉNESIS 33:3

Jare jae oasa tenonde chugüi reta, oyetavatɨka itindɨasɨ ɨvɨ re chiu ye, ojo regua oväe tɨkeɨ pe.

GÉNESIS 36:31

Kuae jae mburuvicha reta oporookuai Edom pe vae, Israel iñemuña reta ndei güɨnoi mburuvicha guasu mbove.

GÉNESIS 48:19

Ërei ngatu tu mbaetɨ oipota, jare jei: —¡Aikuaa ko cheraɨ! ¡Che aikuaa ko! Jae oikota vi ko tëta tuicha yae vaerä; ërei ngatu tɨvɨ ko tuicha yae eteta chugüi, iñemuña reta omopüata jeta tëtaguasu reta.

2 SAMUEL 8:14

Jare David oñono isundaro reta opaete ɨvɨ Edom pe; jare Edom iñemuña reta opa opɨta David jembiokuairä. YandeYa omee David pe, oporomoamɨri vaerä oipota rupi ojoa rupi.

1 REYES 22:47

(Jókuae ara rupi Edom pe mbaetɨ mburuvicha guasu, jaeño oime tëta itenondegua.)

1 CRÓNICAS 18:13

Jare oñono sundaro reta omae vaerä Edom pe, jare opaete Edom-ɨgua reta yogüɨreko jae jeia re; jare yandeYa omee David pe oporomoamɨri vaerä kerupi ojoa rupi.

ABDÍAS 1:21

Oporomoamɨri retata oyeupi ɨvɨtɨ Sión kotɨ, oporojäa reta vaerä ɨvɨ Esaú pegua reta kotɨ; jare yandeYa oporookuaita joko pe.

NÚMEROS 20:14

Moisés omondo ɨvɨ Cades güi, jekovia pe kuimbae reta imiari vaerä Edom iñemuña reta juvicha guasu ndive, jei reve: “Körai jei nerëtara Israel iñemuña reta: ‘Nde reikuaa jeta mbaembae ou oreve vae.

DEUTERONOMIO 2:4

Eyókuai opaete vae, rere reve: Peasa perëtara Esaú iñemuña reta Seir pe yogüɨreko vae iɨvɨ rupi, jae reta okɨɨyeta pegüi, ërei ngatu peyeandu.

DEUTERONOMIO 2:8

Jare yaasa ñanerëtara Esaú iñemuña reta yogüɨreko Seir pe vae güi, tape Arabá pegua ojo Elat jare Ezión-geber rupi vae, jare yayere yayu vaerä tape ñuu Moab pegua rupi.

1 SAMUEL 17:14

Jare David jae ko taɨkuegua ete tɨkeɨ reta güi.