GÉNESIS 25:21 - Biblia Guarani Tumpa Iñee

²¹ Isaac oyerure yandeYa pe jembireko re, echa imembɨmbae ko; jare yandeYa oendu chupe iyerure, jare ipurúa chupe jembireko Rebeca.

GÉNESIS 25:21 ပူးပေါင်းရင်းမြစ်များ

GÉNESIS 11:30

Ërei ngatu Sarai mbaetɨ imembɨ, echa imembɨmbae ko.

GÉNESIS 16:2

Jayave Sarai jei Abram pe: —Reecha ma kërai yandeYa cheapo chemembɨmbae vaerä; añave romoñera rereko vaerä kuae cherembiokuai; güɨramoi jupi anoita chemembɨ retarä. Jare Abram oyapo jembireko Sarai jei vae.

GÉNESIS 30:22

Jare Tumpa imaendúa Raquel re oendu chupe iyerure, jare omee chupe imembɨ vaerä.

1 CRÓNICAS 5:20

Ërei Tumpa omborɨ reta, jare Agar imembɨraɨe iñemuña reta opaete imborɨa reta ndive oa ipo pe, echa ñeraro pɨte pe oyerure reta Tumpa pe omborɨ vaerä. Jare Tumpa omborɨ reta echa güɨrovia reta jese.

2 CRÓNICAS 33:13

Jare oyerure yave, Tumpa oendu chupe iyerure, jare omee chupe ou ye vaerä Jerusalén pe oiko ye mburuvicha guasurä. Jayave Manasés oikuaa yandeYa jae ko Tumpa vae.

ESDRAS 8:23

Royekuaku tembíu güi, jare royerure oreTumpa pe jókuae re, jare jae oendu oreve.

SALMOS 127:3

Mase, michia reta oa vae yandeYa imbae ko, mbota ko michia reta oa yandeve vae.

SALMOS 145:19

Oipoɨu chugüi vae jemimbota ombopota, oenduta vi isapúkai, jare güɨroasayepeta.

SALMOS 50:15

Jare eyerure cheve ndepɨatɨtɨ yave; che roepɨta jare nde chemboeteta.”

SALMOS 65:2

echa nde reendu yerure! Ndekotɨ outa opaete vae.

SALMOS 91:15

Chereenɨita, jare che aenduta chupe; ¡jae ndive aïta mbɨatɨtɨ pe! Aepɨta jare amboeteukata.

PROVERBIOS 10:24

Iyoa vae okɨɨye yae chugüi vae etei outa chupe, ërei jupi vae pe oyembopo ipɨa jemimbota.

ISAÍAS 45:11

YandeYa, Tumpa Iyoambae Israel pegua, ndeApoa jei körai: “Peparandu cheve mbae oikota vae re. ¿Pe reta peekata pa cheve cheraɨ reta regua, ani chemboeta pa kërai mbaembae ayapo vaerä?

ISAÍAS 58:9

Jayave, reyerureta jare ndeYa oenduta, resapúkai yave, jae jeita: ‘Ko aï.’ Reeya yave reporogüɨrekoasɨ katu vae, mbaetɨ yave reporomomburu ani rere ñee ikavimbae vae,

ISAÍAS 65:24

Jare ndei oyerure reta mbae re cheve mbove, che omboyevɨta ma; imiari vɨteri ñogüɨnoi ramboeve, che aenduta ma.

San Lucas 1:13

Ërei araɨgua jei chupe: —Agüɨye ekɨɨye, Zacarías. Tumpa oendu ma ndeyerure, jare nderembireko Elisabet imembɨta ndeve metei kuimbae raɨ. Jare rembojeeta Juan.

San Lucas 1:7

Ërei mbaetɨ imichia reta. Echa Elisabet imembɨmbae vae ko. Jare Zacarías jare Elisabet okuakuaa yae reta ma.

1 SAMUEL 1:11

Jare oyapo ñererökuavee jei reve: “CheYa imbaepuere yae ete vae, jupi ko remae che nderembiokuai ipɨatɨtɨ vae re yave, jare nemaendúa cheré yave, jare remee che nderembiokuai pe imembɨrä kuimbae ko yave, tañono tee ndeveguarä jókuae michia raɨ opaete ara oikove oiko ramboeve jare mbaetɨta ia oñeapi.”

1 SAMUEL 1:17

Elí jei chupe: —Ekua mbɨakatu ndive jare Israel iTumpa tomee ndeve reiporu chupe vae.

1 SAMUEL 1:2

Jare Elcana mókoi jembireko. Metei jee Ana, ïru jee Penina. Jare Penina oime imembɨ reta, ërei Ana mbaetɨ imembɨ.

1 SAMUEL 1:27

Kuae kunumi raɨ re ko ayerurese aiko, jare yandeYa omee cheve aiporu chupe vae.