GÉNESIS 24:61 - Biblia Guarani Tumpa Iñee

⁶¹ Jayave opüa Rebeca jare iyangarekoa kuñatai reta opo camello re, jare ojo Abraham jembiokuai jupíe; tembiokuai oipɨɨ Rebeca jare yogüɨraja.

GÉNESIS 24:61 ပူးပေါင်းရင်းမြစ်များ

GÉNESIS 2:24

Jáeramo, kuimbae oeya tu jare ichɨ, oyogüɨreko vaerä jembireko ndive, jare oyogüɨreko metei ramiño.

GÉNESIS 24:60

Jare omboyupavo ñee kavi reve jei reta chupe: “¡Orereindɨ! ¡Eiko jeta vae reta ichɨrä, neñemuña reta topɨ̈ro jovaicho reta jöke!”

GÉNESIS 24:62

Jare Isaac ou ɨkua “Oikove jare chereecha vae” jee vae güi; echa jae oiko Neguev pe.

GÉNESIS 31:34

Raquel oipɨɨ jókuae tumpa-raanga oñono camello regua apero igüɨ pe jare oguapɨ jese; jare Labán oeka tëi opaete o guakapi pegua rupi, jare mbaetɨ oväe.

ESTER 8:10

Jare oikuatía mburuvicha guasu Asuero jee re, jare ipoäka-vera omboyeɨ jese, jare omondo kuatía jerajaa reta ndive kavayu iñäkua vae re, mburuvicha guasu ikavayu reta re;

ESTER 8:14

Tupapire jerajaa reta opo kavayu iñäkua yae vae re, jarembae pegua güɨraja mburuvicha guasu mborookuai omee vae; jókuae mborookuai oñemoërakua vi Susa pe, kuae tëta güi mburuvicha reta oporookuai.

SALMOS 45:10

Kuñatai, eyeapɨsaka kavi jaeta ndeve vae re: Neakañɨ nerëtaɨgua güi jare nderu jo pegua reta güi,

JUECES 5:30

‘Güɨramoi oime omboyao ñogüɨnoi oyoupe ñeraro pe opɨ̈rogüe. Metei ani mókoi tembipɨɨ kuñatai, ñeraro regua peguarä ñavo; Sísara peguarä temimonde ipïra kavi vae; metei ani mókoi, oporomoamɨri vae iyayu reguarä jeta ipïra vae. Oporomoamɨri vae reta juvicha reta peguarä temimonde jeta ipïra vae.’

1 SAMUEL 25:42

Javoi Abigail oyupavo pandepo kuñatai reta oyeokuai chupe vae reta ndive, opo metei mburika re jare ojo David iñee jerajaa reta ndive, jare omenda David ndive.

1 SAMUEL 30:17

Jayave David opüa jese reta, ndeimbove güive kaaru regua, jare opaetei oyuka, jaeño ma oasayepe cuatrociento kunumi camello re opo otekuarai vae reta.