GÉNESIS 24:3 - Biblia Guarani Tumpa Iñee

³ jare yandeYa jee re ere añetete reyapota vae, Tumpa ara pe jare ɨvɨ pe oï vae, agüɨye emaeño cheraɨ Isaac tomenda Canaán pegua tayɨ ndive, che aï ipɨte pe vae,

GÉNESIS 24:3 ပူးပေါင်းရင်းမြစ်များ

GÉNESIS 14:19

Jare jei Abram pe körai: “Tumpa Tuichagüe yae ete vae ara jare ɨvɨ iyapoa tiporerekua nderé.

GÉNESIS 14:22

Ërei Abram jei chupe: —Körai jae cheYa, Tumpa Tuichagüe yae ete vae jesa róvai, ara jare ɨvɨ iyapoa,

GÉNESIS 21:23

Añave, ere Tumpa rovake cheve kuae pe, agüɨye vaerä mbae ikavimbae reyapo cheve, cheraɨ reta pe, ani cherɨmɨmino reta pe, che ikavi vae ayapo ndeve rami, jökorai vi nde eyapo, jare vi ɨvɨ reiko añave pɨpe vae pe.

GÉNESIS 24:7

YandeYa Tumpa ara pe oï vae cherenoe cheru jëta güi jare cherëtara reta güi vae, güɨrökuavee cheve jae jee re aeño: “Neñemuña pe ameeta kuae ɨvɨ” jae ko omondota iAraɨgua nderenonde jare nde reruta joko güi kuña cheraɨ peguarä.

GÉNESIS 27:46

Rebeca jei Isaac pe: —Chekuérai ma aiko Het iñemuña tayɨ reta jeko kavimbae jeko pegua, añave Jacob omenda vi yave Het iñemuña tayɨ reta ndive, ¿maera ye pa aikoveta aiko?

GÉNESIS 28:1

Jayave Isaac oenɨi taɨ Jacob jare jei ñee kavi ikotɨ; jare oyókuai jei reve chupe: “Agüɨye eipɨɨ nderembirekorä kuimbae reta Canaán pegua tayɨ.

GÉNESIS 28:8

Jökorai Esaú oikuaa, Canaán pegua kuña reta jeko mbaetɨ yepe ikavi tu Isaac pe vae;

GÉNESIS 34:9

jare peyeapo orerëtara eterä; jökorai ore toromenda perayɨ reta ndive, jare pe pemenda orerayɨ reta ndive.

GÉNESIS 38:2

Jare Judá oecha joko pe kuimbae Canaán pegua Súa jee vae tayɨ; oipɨɨ jare omenda jae ndive,

GÉNESIS 47:31

Israel jei ye: —¡Ere Tumpa rovake reyapota ko vae! Jare José jei Tumpa rovake oyapo vaerä. Jayave Israel itindɨ jupa iñäkandɨta re.

GÉNESIS 50:25

Jare José oyapouka Israel taɨ reta pe ñererökuavee Tumpa rovake oyapo reta vaerä, jei reve: “Añetete Tumpa outa pemborɨ, jare pe reta perajauka kuri kuae güi cheretegüe.”

GÉNESIS 6:2

Tumpa taɨ reta oecha kuimbae reta tayɨ maepöra yae reta yave, oiparavo reta iyeupe jembirekorä, jae reta oipota vae.

GÉNESIS 6:4

Jókuae ara rupi oime kuimbae ipuku yae vae, jare vi Tumpa taɨ reta güɨreko güive kuimbae reta tayɨ, omomembɨ reta. Kuae reta ko jae imbaepuere yae vae, jókuae ara güive kuae kuimbae reta jërakua yae mbaepuere pe.

2 REYES 19:15

Javoi oyerure yandeYa pe, jei körai: “CheYa, Israel iTumpa, araɨgua reta querubín iä ipäu pe reiko vae, ndeño ko jae opaete mborookuaía reta ɨvɨ pegua iTumpa, nde reyapo ara jare ɨvɨ.

2 CRÓNICAS 2:12

Jei ye vi Hiram: “¡Toyemboete Israel iYa Tumpa, ara jare ɨvɨ oyapo vae, echa jae omee mburuvicha guasu David pe metei taɨ yarakuaa katu vae, oikuaa oyapo mbae jupi rupi vae, omopüa vaerä tupao guasu yandeYa pe, jare mburuvicha guasu jorä!

ESDRAS 5:11

Jare jei reta oreve körai: ‘Ore reta ko jae Tumpa ara pe jare ɨvɨ pe oï vae jembiokuai, jare romopüa ye roï kuae tupao guasu arakae oyeapo vae; mburuvicha guasu Israel pegua omboɨpɨ jare opa oyapo vae.

NEHEMÍAS 13:25

Jare ayoaka jae reta ndive, cheñeeasɨ katu ikotɨ reta. Amogüe chugüi reta ainupa, amondoro ia chugüi reta, jare jaeuka chupe reta Tumpa rovake agüɨye mo vaerä omomenda tayɨ reta ketɨgua reta ndive, jaeramiño vi taɨ reta, ani vi jae reta etei. Jare jae vi chupe reta:

NEHEMÍAS 9:6

Jare Esdras jei: “Nde ko jae oreYa Tumpa, mbaetɨ ye kia. Nde reyapo ara, jare ara ɨvate yae vae, jare opaete yasɨtata reta; nde reyapo ɨvɨ, jare opaete pɨpegua reta, ɨguasu reta, jare opaete pɨpegua reta. Nde ko remee tekove opaete vae pe. Jáeramo, ndemboete ara ipo reta.

SALMOS 115:15

¡YandeYa ara jare ɨvɨ iyapoa, tiporerekua peré!

SALMOS 136:26

¡Pemboete Tumpa ara pe oï vae, echa iporoparareko jekuae avei vae ko!

ÉXODO 20:7

Agüɨye peenɨi raangaiño peYa Tumpa jee. Echa ngaraa aeya jekombae rami, jókuae nunga chereenɨi raangaiño vae.

ÉXODO 22:11

yandeYa jee re tei jókuae mɨmba iya pe, mbaetɨ ko opoko jese vae, jare mɨmba iya togüɨrovia kuae jei chupe vae, jare agüɨye tomboepɨuka chupe.

ÉXODO 23:13

Peyapo opaete kuae jae peve vae, agüɨye toyeendu peyuru pe ïru tumpa reta jee.

ÉXODO 34:16

ani tayɨ reta omomenda yave peraɨ reta ndive, jókuae kuña reta omboete yave itumpa reta, omboeteukata vi ko peraɨ reta pe jae reta itumpa reta.

ISAÍAS 45:23

Cheyé aeño ko añererökuavee, cheyuru güi ko oë ñee jupi vae, jare ngaraa ko opɨta oyembopombae: Opaete vae oyetavatɨkata cheróvai, jare cheree reño jei retata mbaembae oyapo vaerä vae,

ISAÍAS 48:1

“Peyeapɨsaka, Jacob iñemuña reta, tee Israel pe peñeenɨi vae reta, Judá iñemuña reta; Tumpa jee re peñererökuavee mbae peyapo vaerä vae; Israel iTumpa pe peyerure vae reta, yepe tëi mbaetɨ añetete reve ani jupi rupi;

ISAÍAS 65:16

Oipotagüe kuae ɨvɨ pe oipota mborerekua vae, güɨnoita Tumpa iyapumbae jee re; jare oipotagüe kuae ɨvɨ pe oñererökuavee mbae oyapo vaerä yave, toyapo Tumpa iyapumbae jee re. Echa opaete tenondegua tembiporara reta opata oasa, opata okañɨ cheróvai güi.”

JEREMÍAS 10:11

(Körai pere itumpa-raanga pota vae reta kotɨ: “Okañɨta ko ɨvɨ güi tumpa-raanga reta mbaetɨi oyapo ara jare ɨvɨ vae; mbaetɨ eteita opɨta chugüi reta metei ave ɨvɨ pe.”)

JEREMÍAS 12:16

Jae reta omboe chembae vae reta jei vaerä mbae Baal jee re, ërei oyapo reta yave añetete rupi chembae vae reta oyapo rami, jare jei reta mbae che cheree re yave, ipuere yogüɨreko chembae vae reta ipɨte pe.

JEREMÍAS 29:6

Pemenda, oime vaerä peraɨ reta jare perayɨ reta, jare jae reta tomenda vi togüɨnoi vi taɨ reta. Peñemuña jeta joko pe, agüɨye tijagüe peñemuña reta.

JEREMÍAS 4:2

ndepuere rere cheree re, añetete vae, jupi vae jare sɨmbi vae. Jayave tëtaguasu reta peguarä cheree oïta, mborerekua jare mbaemboetea peguarä.”

LEVÍTICO 19:12

Agüɨye pere raangaiño cheree re añete vae nunga, echa pemboeteä ko peTumpa jee. Che ko peYa.

SOFONÍAS 1:5

Amboaita jo iárambo oyeupi oyetavatɨka omboete vaerä yasɨtata, kuaraɨ, yasɨ vae, jare oyetavatɨka reta jei cheree re jare itumpa-raanga Milcom jee re vae reta.

NÚMEROS 5:21

yandeYa toitɨ nderé yepopeyu, jare opaete vae tiñeeasɨ katu ndekotɨ, tituicha nderɨe jare tijëogüe nderumbɨ;

1 Corintios 7:39

Kuña omenda vae oñeapɨti ko oï, ime oikove oiko ramboeve. Ërei ime omano yave, ipuere omenda ye jae oipota vae ndive. Ërei tomenda oporogüɨrovia vae ndive.

DEUTERONOMIO 10:20

YandeYa Tumpa güiño peipoɨu, chupeño peyeokuai, jeia reño peiko, jare jae jee reño opaete mbae peyapo.

DEUTERONOMIO 6:13

YandeYa Tumpa güi peipoɨu, chupeño peyeokuai, jae jee reño opaete mbae peyapo.

Hebreos 6:16

Kuimbae reta oyapo yave morogüɨrökuavee oyoupe, oyapo ko tuicha yae chugüi vae jee re. Jare chupegua reta, oyapo yave jókuae nunga morogüɨrökuavee mbaetɨ ye ko yoaka.

JOSUÉ 2:12

Pomoñera añave, pere cheve peYa jee re, che anoi mboroparareko pekotɨ rami, jökorai penoi vi mboroparareko cheru jo pegua reta kotɨ, jáeramo añave pere cheve añetegüe rupi;

JUECES 14:3

Ërei tu jare ichɨ jei reta chupe: —¿Mbaetɨ pa kuña opaete nerëtara ipɨte pe, reo vaerä reeka kuña ïru tëta rupi, filisteo itumpa-raanga pota vae reta ipɨte pe? Jare Sansón jei tu pe: —Pemomiariño cheve, echa jókuae kuñatai aipota yae ko.

1 SAMUEL 20:17

Jare Jonatán oyapouka ye David pe morogüɨrökuavee päve, echa oaɨu yae jae oyeaɨu rami.

1 SAMUEL 30:15

Jare David oparandu chupe: —¿Ndepuere pa chereraja jae reta ñogüɨnoia pe? Jare jókuae Egiptoɨgua jei: —Tumpa jee re ere cheve, mbaetɨta cheyuka jare mbaetɨta chemee cheya pe yave, torogüɨraja jae reta ñogüɨnoia pe.