GÉNESIS 23:6 - Biblia Guarani Tumpa Iñee

⁶ —¡Eyeapɨsaka oreré oreya! Nde ko orepɨte pe metei Tumpa oiparavo vae; eñotɨ nderembireko jëogüegüe tëogüe-rɨru ikavi yae opaete güi vae pe; metei ave orepɨte güi ngaraa mbae jei ani ndemboavai reñotɨ vae re.

GÉNESIS 23:6 ပူးပေါင်းရင်းမြစ်များ

GÉNESIS 13:2

Abram oikokatu yae ko, güɨnoi jeta oro, korepoti jare jeta mɨmba reta.

GÉNESIS 14:14

Abram oendu jiɨ oï tembipɨɨrä yave, omboatɨ opaete jemimbokuakuaa reta, jo pe oa vae reta, jare omee chupe reta tembiporu ñeraro pegua; opaete reve tresciento dieciocho kuimbae reta, jare oaɨkuemoña jiɨ ipɨɨa reta. Jare tëta Dan jee vae pe oupitɨ reta,

GÉNESIS 18:12

Kuae oendu yave Sara opuka vɨari oyeyóyai jare jei ipɨa pe: “¿Chetɨ̈aro pei ra chepɨayekouta, jare cheya ko indechi yae ma vi?”

GÉNESIS 20:7

Jayave, emee ye kuña ime pe, echa jae ko ñeemombeúa, oyerureta nderé jare reikoveta. Ërei ngatu mbaetɨ yave remee ye, añetete remanota jare opaete neñemuña.”

GÉNESIS 21:22

Jókuae ara rupi etei Abimelec ojo omomiari Abraham jare güɨraja isundaro ruvicha Ficol. Abimelec jei Abraham pe: —Roecha katu kërai Tumpa ndemborɨ opaete mbae reyapogüe rupi.

GÉNESIS 23:5

Het iñemuña reta jei Abraham pe:

GÉNESIS 23:7

Jayave Abraham opüa, jare itindɨasɨ jókuae ɨvɨ pegua reta pe, Het iñemuña reta.

GÉNESIS 24:18

Jókuae kuñatai jei chupe: —Eɨu cheya. Iyandeko ombogüeyɨ iɨrɨru ipo pe jare omee oɨu.

GÉNESIS 24:35

YandeYa iporerekua yae cheya re, jare oikokatu yae: Omee chupe jeta vecha, guaka, korepoti oro, tembiokuai kuña jare tembiokuai kuimbae, camello jare mburika.

GÉNESIS 31:35

Jare Raquel jei tu pe: —Cheru, agüɨye ndepochɨ mbaetɨ apüa vae re, echa yasɨ ñavo roiporara vae aiporara aï. Labán oeka tëi itumpa reta, jare mbaetɨ ipuere oväe chupe,

GÉNESIS 32:18

nde rereta chupe: “Jae ko nderembiokuai Jacob ombou mbota ndeveguarä vae, cheya Esaú, jare jae oime ou oreraɨkue.”

GÉNESIS 42:10

Jae reta jei: —¡Mbaetɨ ko jökorai oreruvicha! Ore nderembiokuai reta royu ko rogua tembíu.

GÉNESIS 44:5

Echa cheya pɨpe ko oɨu, jare pɨpe vi oikuaa mbaembae outa vae. ¡Mbaetɨ ko ikavi kuae peyapo vae!”

GÉNESIS 44:8

Mase, jókuae korepoti roväe orevoɨtarɨru iyuru pe vae, rogüeru ye ndeve mombɨrɨ oreɨvɨ Canaán güi; ¿këraiägua pa roñomita ndeya jo güi korepoti ani oro?

ÉXODO 32:22

Jare Aarón jei: —Agüɨye ndearasɨ cheya, nde reikuaa kuae reta ikavimbae kotɨño ipɨa reta vae.

ISAÍAS 45:14

YandeYa jei körai Ciro pe: “Egiptoɨgua reta iparavɨkɨ reta, Etiopíaɨgua omaemee vae reta, Sabáɨgua reta, kuimbae ipuku vae reta, opata oñemee ndeve jare yogüɨrekota nderembiokuairä; reñapɨtita opa reraja nderaɨkue, oyetavatɨka retata nderóvai jare nemoñera retata körai: ‘Añetete oime Tumpa oï nde ndive, mbaetɨ ïru Tumpa chugüi.’ ”

RUT 2:13

Jare jae jei: —Cheya, taväe ndegüi ndepɨakavi; echa chembopɨakatu, jare ndepɨa yerovia reve chemomiari nderembiokuai rami, yepe tëi nderembiokuaiä che.