GÉNESIS 22:16 - Biblia Guarani Tumpa Iñee

¹⁶ jei chupe: —YandeYa jei körai: “Cheyé aeño arökuavee ndeve reyapo kuaekuae ramo, jare mbaetɨ reipoɨu remee nderaɨ jaeño vae cheve;

GÉNESIS 22:16 ပူးပေါင်းရင်းမြစ်များ

GÉNESIS 12:2

Ndegüi ayapota tëtaguasu tuicha yae vae, jare cheporerekuata nderé, jare ambotuicha yaeta nderee opaete ɨvɨ rupi, jare cheporerekuata jeta vae reta re ndereko pegua.

GÉNESIS 22:12

Jei chupe: —¡Agüɨye emopüa ndepo kunumi re, agüɨye maratu eyapo. Echa aikuaa ma kërai ko ndeporogüɨrovia Tumpa kotɨ vae, aecha kërai mbaetɨ reipoɨu remee nderaɨ cheve; nderaɨ jaeño vae!

GÉNESIS 22:15

Jare yandeYa iAraɨgua oenɨi ye ara güi Abraham,

GÉNESIS 22:2

Javoi Tumpa jei chupe: —Eraja añave nderaɨ Isaac jaeño vae, reaɨu yae vae, jare ekua ɨvɨ Moriah jee vae pe, jare joko pe nderaɨ emee cheve mɨmba oyeyukagüe opaetei oyeapɨ vae rami, jókuae metei ɨvɨtɨ che amombeuta ndeve vae re.

GÉNESIS 26:3

eiko oguataiño vae rami kuae ɨvɨ pe, che aïta nde ndive, cheporerekuata nderé, echa ndeve jare neñemuña reta pe ameeta opaete kuae ɨvɨ. Jökorai amoañeteta ñererökuavee ayapo nderu Abraham ndive vae.

GÉNESIS 26:5

Echa Abraham oendu jaegüe jare oyapo cheporookuai reta, cheporomboe mborookuai iyɨpɨ oyepoepɨmbae vae.”

1 CRÓNICAS 16:16

morogüɨrökuavee päve Abraham ndive oyapo vae re, jare Isaac pe jei añetete oyeapo vaerä vae re,

SALMOS 105:9

jókuae morogüɨrökuavee päve oyapo Abraham ndive vae, jókuae jee re aeño oñererökuavee Isaac pe vae re;

ÉXODO 17:16

jare jei: “¡Amalec iñemuña reta opüa yandeYa iguapɨka kotɨ jeko pegua! ¡YandeYa güɨnoita ñeraro Amalec iñemuña reta ndive jekuae avei pegua!”

ÉXODO 2:24

Tumpa oendu jae reta güɨroäse yeokuaiasɨ katu vae, jare imaendúa morogüɨrökuavee päve oyapo Abraham, Isaac jare Jacob ndive vae re.

ÉXODO 32:13

Nemaendúa nderembiokuai Abraham, Isaac jare Israel re, kuae reta pe nde etei reñererökuavee nderee re, jare rere chupe reta: “Che amoñemuñata peñemuña reta yasɨtata rami, jare ameeta peñemuña reta pe opaete kuae ɨvɨ chemiari jese peve vae, jare oikota jae reta imbaerä jekuae avei pegua.”

ISAÍAS 45:23

Cheyé aeño ko añererökuavee, cheyuru güi ko oë ñee jupi vae, jare ngaraa ko opɨta oyembopombae: Opaete vae oyetavatɨkata cheróvai, jare cheree reño jei retata mbaembae oyapo vaerä vae,

JEREMÍAS 22:5

Ërei mbaetɨ yave peyapo kuae oyemombeu peve vae, cheyé aeño añererökuavee, kuae mburuvicha guasu jo opaeteita oyemboai.’ ”

JEREMÍAS 44:26

Jáeramo peyeapɨsaka pe Judáɨgua reta ɨvɨ Egipto pe peiko vae, che, peYa jae peve vae re: Cheyé aeño arökuavee, ngaraa ye ma Judáɨgua reta oenɨi cheree opaete ɨvɨ Egipto pe, jei reve: ‘YandeYa jee re.’

JEREMÍAS 49:13

Che peYa, cheyé aeño arökuavee. Tëta guasu Bosra opɨtata ipombae, ñeerä jare yepopeyurä; jare opaete ïru jëta guasu reta oyemboaita opɨta jekuae avei pegua.”

JEREMÍAS 51:14

YandeYa Imbaepuere yae ete vae jei iyé ae: “¡Romotɨnɨeta tovaicho reta pe, tuku jeta yae rami, jae reta osapukaita nderé, nemoamɨri yave!”

EZEQUIEL 16:8

Aasa ye ndeɨpɨ rupi yave, roecha rekuakuaa ma jare reñemokuña ma; jare cheñeapevaka pe roñova nenandi reï vae; añererökuavee ndeve jare ayapo morogüɨrökuavee päve nde ndive, jökorai reiko chembaerä. Che ndeYa Tumpa jae.

AMÓS 6:8

YandeYa Tumpa jei jee re aeño, yandeYa Tumpa Imbaepuere yae ete vae jei: “Aröɨro Jacob iñemuña reta ipɨayemboete jare jo kavi reta; ameeta tëta jare pɨpegua reta jovaicho reta ipo pe.”

MIQUEAS 7:20

¡CheYa, embopo neñee, arakae güive rerökuavee nderee re mboroparareko oreñemuñagüe Abraham jare Jacob pe vae!

San Lucas 1:73

ñaneñemuñagüe Abraham ndive oyapo morogüɨrökuavee päve vae,