GÉNESIS 21:17 - Biblia Guarani Tumpa Iñee

¹⁷ Jare Tumpa oendu kunumi raɨ jäse vae; jare Tumpa iAraɨgua oenɨi ara güi Agar, jare jei chupe: “¿Maratu pa reiko Agar? Agüɨye ekɨɨye, echa Tumpa oendu kunumi raɨ jäse vae jókuae oïa güi.

GÉNESIS 21:17 ပူးပေါင်းရင်းမြစ်များ

GÉNESIS 15:1

Opa kuaekuae reta oasa güire yandeYa oyeechauka Abram pe, jei reve chupe: —Agüɨye ekɨɨye Abram, che ko jae ndeyeopiaka. Mbaeyekou ndeparavɨkɨ jepɨgüe jeta yaeta.

GÉNESIS 16:11

Añave ndepurúa reï, oata jókuae nemembɨ jare rembojeeta Ismael. Echa yandeYa oendu ndepɨatɨtɨ.

GÉNESIS 16:7

Jare yandeYa iaraɨgua oväe chupe ñuu pe, ɨesaɨ oï tape tëta Shur kotɨ ojo vae pe,

GÉNESIS 16:8

jei chupe: —Agar, Sarai jembiokuai. ¿Ketɨ güi pa reyu jare ketɨ pa reo? Agar jei: —Atekuarai ko aiko cheya Sarai güi.

GÉNESIS 16:9

YandeYa iaraɨgua jei chupe: —Eyerova ye ekua ndeya kuña kotɨ, jare eiko jeia re.

GÉNESIS 22:11

Jayave yandeYa iAraɨgua ombou iñee chupe osapúkai reve: —¡Abraham! ¡Abraham! Jare Abraham jei: —Mbae pa cheYa.

GÉNESIS 24:7

YandeYa Tumpa ara pe oï vae cherenoe cheru jëta güi jare cherëtara reta güi vae, güɨrökuavee cheve jae jee re aeño: “Neñemuña pe ameeta kuae ɨvɨ” jae ko omondota iAraɨgua nderenonde jare nde reruta joko güi kuña cheraɨ peguarä.

GÉNESIS 26:24

Jókuae pɨ̈tu yandeYa oyekuaa chupe, jare jei: “Che ko jae nderu Abraham iTumpa. Agüɨye ekɨɨye, echa che aï nde ndive, cherembiokuai Abraham jeko pegua cheporerekuata nderé, jare ambojetata neñemuña reta.”

GÉNESIS 46:3

Jayave Tumpa jei: —Che ko jae Tumpa, nderu iTumpa; agüɨye ekɨɨye reo vaerä Egipto pe, echa joko pe che ayapota ndegüi tëta tuichagüe.

2 REYES 13:23

Ërei ngatu yandeYa güɨnoi mboroparareko ikotɨ reta, jare morogüɨrökuavee päve oyapo Abraham, Isaac, jare Jacob ndive jeko pegua mbaetɨ omokañɨtei jare mbaetɨ omombo iyeugüi; jökorai añave rupi mbaetɨ omokañɨtei.

2 REYES 13:4

Jayave Joacaz oyerure yandeYa pe, jare yandeYa oendu chupe iyerure, echa omae Israel iñemuña reta ipɨatɨtɨ yae vae re, oecha kërai mburuvicha guasu Siria pegua oiporarauka yae Israel iñemuña pe reta vae.

SALMOS 10:14

Nde reecha ko; echa remae jembiapo re jare iyuvanga katu re, ¡nde etei remee vaerä chupe jembiapo jekovia! Nderé oyemboya iyangarekoambae oiko vae. Nde ko jae tɨ̈reɨ omborɨ vae.

SALMOS 50:15

Jare eyerure cheve ndepɨatɨtɨ yave; che roepɨta jare nde chemboeteta.”

SALMOS 6:8

¡Pesɨrɨ chegüi ikavimbae iyapoa reta, echa cheYa oendu cheve cheräse!

SALMOS 65:2

echa nde reendu yerure! Ndekotɨ outa opaete vae.

SALMOS 91:15

Chereenɨita, jare che aenduta chupe; ¡jae ndive aïta mbɨatɨtɨ pe! Aepɨta jare amboeteukata.

ÉXODO 14:13

Jare Moisés jei chupe reta: —Agüɨye pekɨɨye, peyemboɨ täta, jare pemae añave yandeYa pereepɨta vae re; echa Egiptoɨgua reta añave peecha vae ngaraa ye ma peecha.

ÉXODO 22:23

echa peiporarauka chupe reta yave, jare ipɨatɨtɨ reve oyerure reta cheve yave, che aenduta chupe reta jókuae iyerure,

ÉXODO 22:27

echa jaeño ko jókuae jemimonde oyeasoi vaerä pɨpe, echa mbaetɨ ko mbae re oke vaerä, ipɨatɨtɨ reve oyerure cheve yave, che aenduta chupe jókuae iyerure, echa che cheporoparareko yae ko.

ÉXODO 3:2

Joko pe oyekuaa chupe yandeYa iAraɨgua metei yai jendɨ oï vae güi; jare omae yai jendɨ vae re, ërei jókuae yai mbaetɨ ókai.

ÉXODO 3:7

Jaɨkue rupi yandeYa jei ye: —Aecha kavi ko Egipto pe tëta chembae oï vae, jare aendu iyerure mbɨatɨtɨ reve vae, oiporara yae mbaravɨkɨ iyangarekoa reta güi jeko pegua; aikuaa katu ko jembiporara reta.

ISAÍAS 22:1

Tëta guasu ɨvɨtɨ päu ipe kavi vae reta ipäu pegua maratuta vae regua: ¿Maera pa opaete vae oyeupi o iárambo?

ISAÍAS 41:10

Agüɨye ekɨɨye, che ko aï nde ndive; agüɨye ndepɨtu, che ko neTumpa romomɨ̈rata vae, romborɨ aveita, chembaepuere pe roñovatu aveita.

San Mateo 15:32

Jesús oenɨi jemimboe reta jare jei chupe reta: —Aiparareko amae kuae jeta vae reta re. Echa mboapɨ ara ma ñogüɨnoi che ndive, jare mbaetɨ mbae ave güɨnoi jou vaerä. Ngaraa amondo ye reta okarumbae reve, agüɨye vaerä ogüɨapi tape rupi.

San Marcos 5:36

Ërei Jesús kuae oendu yave, jei Jairo pe tupao pe tenondegua vae pe: —Agüɨye ndepɨatɨtɨ. Eporogüɨroviaño.

DEUTERONOMIO 26:7

Jayave royerure mbɨatɨtɨ ndive Tumpa pe, oreñemuñagüe reta iTumpa pe; jare jae oendu oreñee, jare oecha roiporara vae jare oreokuaiasɨ katu vae;

JUECES 18:23

Dan iñemuña reta oendu yave osapúkai chupe oaɨkuemoña vae reta, oyerova reta ye oparandu Micaía pe: —¿Maratu pa reiko? ¿Maera pa pesapúkai mbatee oreve?

1 SAMUEL 11:5

Jökorai ñogüɨnoi yave Saúl ou oiko iko güi igüeye reta jaɨkue jare oparandu: —¿Maratu pa yogüɨreko vae? ¿Maera pa oyaeo reta? Omombeu reta chupe kuimbae reta Jabes pegua iñee.