GÉNESIS 20:7 - Biblia Guarani Tumpa Iñee

⁷ Jayave, emee ye kuña ime pe, echa jae ko ñeemombeúa, oyerureta nderé jare reikoveta. Ërei ngatu mbaetɨ yave remee ye, añetete remanota jare opaete neñemuña.”

GÉNESIS 20:7 ပူးပေါင်းရင်းမြစ်များ

GÉNESIS 12:15

Mburuvicha reta Faraón ndive oparavɨkɨ vae, oecha reta vi, jare omboete reta jae jóvai; jare güɨraja reta Sarai, Faraón jo pe.

GÉNESIS 12:17

Ërei yandeYa oiporarauka Faraón pe jare jo pegua reta pe, yavaetegüe mbaesusere rupi, Sarai, Abram jembireko jeko pegua.

GÉNESIS 2:17

ërei jókuae ɨvɨra oikuaauka ikavi vae jare ikavimbae vae iagüe agüɨye jeu; echa jókuae ara reu ko yave remanota ko.”

GÉNESIS 20:18

Echa Tumpa oyokenda opaete membɨrɨru Abimelec jo pegua güi, Sara jeko pegua.

GÉNESIS 20:3

ërei ngatu Tumpa ou Abimelec pe ike pe pɨ̈tu yave, jare jei chupe: “Mase, remanota ko, kuña reruruka vae jeko pegua, echa omenda vae ko.”

GÉNESIS 20:8

Jayave Abimelec opüa ndeimboveasɨ jare oenɨi opaete jembiokuai reta, omombeu opaete pe ipaɨu, jare kuimbae reta okɨɨye yae kuae oendu yave.

GÉNESIS 23:6

—¡Eyeapɨsaka oreré oreya! Nde ko orepɨte pe metei Tumpa oiparavo vae; eñotɨ nderembireko jëogüegüe tëogüe-rɨru ikavi yae opaete güi vae pe; metei ave orepɨte güi ngaraa mbae jei ani ndemboavai reñotɨ vae re.

2 SAMUEL 24:17

David oecha araɨgua oyuka tëta pegua reta oï yave, jei yandeYa pe: —¡Che ko cheyoa! ¡Che ko ayapo ikavimbae! ¿Mbae pa kuae jekombae reta oyapo? ¡Cheré jare chero pegua reta re eitɨ neporonupa!

1 REYES 13:6

Jayave mburuvicha guasu Jeroboam jei Tumpa iñeemombeúa pe: —Romoñera reyerure vaerä cheré ndeYa Tumpa pe, chepo okuera vaerä. Tumpa iñeemombeúa oyerure yandeYa pe, jare mburuvicha guasu ipo okuera, opɨta tenonde rami.

2 REYES 5:11

Javoi Naamán iyarasɨ ojo, jei körai: —Che yepe jae cheyeupe: “Jupiveiño jae oëta omae cheré, oyemboɨ reveño oenɨita iYa Tumpa jee, jare oupita ipo jare opokota mbaerasɨ jenda re, jare okuerata chepire mbaerasɨ ókui vae.

1 CRÓNICAS 16:22

Jei: ‘Agüɨye pepoko aiparavogüe reta re agüɨye vi peyuvanga cheñeemombeúa reta re ave.’

2 CRÓNICAS 30:18

Echa jeta ɨvɨ Efraín pegua, Manasés pegua, Isacar jare Zabulón pegua reta jou vecha isoo Pascua pegua, ërei mbaetɨ yepe mborookuai jei rami, echa mbaetɨ oñeñono tee reta Tumpa pe. Ërei Ezequías oyerure jese reta körai: “CheYa ipɨakavi yae vae, neɨ̈ro opaete jókuae ipɨakatu reve kavi ndereeka vae pe vae;

JOB 34:19

Jae mbaetɨ oñeñono mburuvicha reta ndive, mbaetɨ vi omborɨ oikokatu vae reta paravete vae reta güi, echa jae jembiapo ko opareve.

JOB 42:8

Añave peipɨɨ chiu toro raɨ jare chiu vecha kuimbae, jare pekua cherembiokuai Job pɨri, jare perökuavee mbota mɨmba oyeyukagüe opa etei oyeapɨ vae peyé, jare cherembiokuai Job oyerureta peré; echa añetete jae iyerure reño ayeapɨsakata, agüɨye vaerä ayapo ikavimbae peve, echa mbaetɨ pemiari kavi jupi rupi cheré, cherembiokuai Job rami.”

SALMOS 25:14

YandeYa oï oipoɨu chugüi reta vae ndive, chupe reta oechaukata iporogüɨrökuavee päve.

ÉXODO 18:17

Jayave Moisés jovaya jei chupe: —Mbaetɨ ko ikavi reyapo vae,

ÉXODO 4:16

Jare jae oikota neñee omombeu vaerä, nde nemiari chupe vae jae omombeuta opaete vae pe, jare nde reïta chupe Tumpa rami.

ÉXODO 7:1

YandeYa jei Moisés pe: —Mase, roñono cherekovia pe Faraón jóvai, jare nderɨkeɨ Aarón toï neñee omombeu vaerä.

JEREMÍAS 14:11

YandeYa jei cheve: “Agüɨye chemoñera kuae tëta re, oï kavi vaerä.

JEREMÍAS 15:1

YandeYa jei cheve: “Yepe tëi mona Moisés jare Samuel oyerure cheve, ngaraa aiparareko kuae tëta. Ere kuae tëta pe toë, tojo reta cheróvai güi.

JEREMÍAS 27:18

Añetete ko jae reta ñeemombeúa yave, jare añetete ko chemiari jae reta ndive yave, toyerure cheve reta che peYa imbaepuere yae ete vae pe, agüɨye vaerä oñemaeño oyereraja tembiporu reta Babilonia kotɨ, oimeño oï tupao pe vae, mburuvicha Judá pegua jëta pe vae jare Jerusalén pe oï vae.’

EZEQUIEL 3:18

Che jae yave iyoa vae pe: ‘Remanota ko’; jare nde mbaetɨ remboarakuaa ani remombeu chupe oeya vaerä jeko ikavimbae oikove oiko vaerä yave, jae omanota jeko kavimbae jeko peguai, ërei che romboekota imano re.

EZEQUIEL 33:8

Che jae yave iyoa vae pe, ¡remanota!; ërei nde mbaetɨ remombeu chupe oyepoepɨ vaerä jeko güi yave, jókuae iyoa vae omanota iyoa jeko pegua, ërei che aiporaraukata ndeve imano re.

LEVÍTICO 6:4

jökorai iyoa jare oporombopɨatɨtɨ yave, tomboekovia jókuae oñomigüe, ani indaye rupi mbae opɨ̈ro iyeupe vae, ani jókuae oyókuai tëi jese vae, ani okañɨgüe oväe vae re,

LEVÍTICO 6:7

Jare sacerdote tomee cheve cheɨ̈ro vaerä chupe iyoa, jare cheɨ̈rota chupe, oipotagüe mbae nunga rupi iyoa vae re.”

Hechos 8:24

Jayave Simón jei chupe reta: —Peyerure cheré yandeYa pe, agüɨye vaerä kuae pere cheve vae oyeapo cheve.

1 Corintios 14:4

Ñee ambuae pe imiari vae jae aeño oñemomɨ̈rata. Ërei mbae maratuta vae re omoërakua vae, omomɨ̈rata oporogüɨrovia vae reta.

Hebreos 1:1

Arakae rupi Tumpa jeta imiari ñaneñemuñagüe reta pe iñeemombeúa reta rupi güire.

Hebreos 13:4

Opaete vae tomboete menda, agüɨye tomongɨa menda vae, echa Tumpa ojäata aguasa oyapo vae reta jare menda re oyuvanga vae reta.

1 Juan 5:16

Metei oporogüɨrovia vae oecha yave iñeïru oporogüɨrovia vae oyapo mbaeyoa mano peguambae vae yave, toyerure Tumpa pe jese, jare Tumpa omeeta oikoño vaerä; kuae ko oyapo mbaeyoa mano peguambae vae reta pegua. Oime ko mbaeyoa mano pegua, jókuae re mbaetɨ jae peve peyerure vaerä.

1 SAMUEL 12:19

Jayave opaete vae jei Samuel pe: —Eyerure yandeYa pe ore nderembiokuai reta re agüɨye vaerä romano; echa romoïru yé oreyoa reta roiporu kuae mburuvicha guasu vae pe.

1 SAMUEL 12:23

YandeYa tachemborɨ agüɨye vaerä ayerure poi peré, pomboe aveita peguata kavi vaerä jupi rupi.

1 SAMUEL 7:5

Jare Samuel jei: “Pemboatɨ opaete tëta Israel iñemuña reta Mizpa pe, ayerureta peré yandeYa pe.”

1 SAMUEL 7:8

Jayave jei reta Samuel pe: “Agüɨye tosondo ndeyerure yandeYa Tumpa pe oreré, jae orereepɨ vaerä filisteo reta ipo güi.”