GÉNESIS 20:5 - Biblia Guarani Tumpa Iñee

⁵ Abraham etei ko jei cheve: ‘Chereindɨ ko’ jare kuña jei: ‘Chekɨvɨ ko.’ Chepɨa jupi reve ko kuae ayapo, mbaetɨ mbae ikavimbae ayapo.”

GÉNESIS 20:5 ပူးပေါင်းရင်းမြစ်များ

GÉNESIS 12:13

Jáeramo, aja kavi vaerä ndereko pegua, rereta kuri chupe reta nde ko jae chereindɨ vae, jökorai aikove vaerä ndereko pegua.”

GÉNESIS 20:13

Tumpa cherenoe yave cheru jëta güi, che jae chupe: “Köraita rere chekotɨ tëta pe ñaväe ñavo: ‘Chekɨvɨ ko.’ ”

GÉNESIS 20:16

Jei Sara pe: —Mase, ko amee mil reare korepoti pegua ndekɨvɨ pe; kuae ko jae ndereepɨ vaerä opaete ndeɨvɨrigua omae ñogüɨnoi nderé vae reta güi, jare opaete pegua, jökorai mbaetɨta kia mbae jei ndekotɨ.

1 REYES 9:4

Nde reguata kavi yave cheróvai nderu David oguata rami, opaete ndepɨa ndive jare sɨmbi rupi, reyapo reve opaete mbaembae royókuai vae, reñovatu reve cheporookuai reta,

2 REYES 20:3

“Romoñera cheYa, romoñera nemaendúa vaerä cheré, kërai che aguata nderóvai jupi rupi kavi jare opaete chepɨa ndive ayeokuai ndeve, ayapo ndeve mbaembae reta ndepɨa potaa rupi kavi.” Jare oyaeo ipɨatɨtɨ yae reve.

1 CRÓNICAS 29:17

CheRu Tumpa, che aikuaa nde reecha ko opaete vae ipɨa jare sɨmbi vae ndemboyerovia. Jáeramo chepɨa sɨmbi reve amee ndeve chepɨa-kɨ̈reɨ ngatu reve opaete kuae mbaembae reta. Jare añave yerovia katu reve aecha tëta ndembae kuae pe oyemboatɨ ñogüɨnoi vae omee ndeve mbota ipɨakavi reve.

JOB 33:9

“Ikɨambae ko che, jupi vae ko che, jekombae ko che, jare mbaetɨ oñeväe mbaeyoa cheré.

SALMOS 24:4

Ipo ikɨambae Tumpa jóvai vae, jare ipɨa ikɨambae vae; mbaetɨ ipɨa oñono tumpa-raanga reta kotɨ vae, ani mbaetɨ tavɨ rupi oyapo ñererökuavee vae.

SALMOS 25:21

Jupi jare sɨmbi rupi aiko vae tachereepɨ, echa ndereño ayerovia.

SALMOS 26:6

Ayepoe ma mbaeyoa güi, jökorai ajata mɨmba oyeapɨ oñemee jese ndeve vae kotɨ, cheYa Tumpa.

SALMOS 7:8

CheYa nde rejäata tëtaguasu reta; cheYa Tumpa, chejäa ayapogüe vae rupi. Chejäa chereko oime rupi.

SALMOS 7:9

¡Topa mo añave jeko kavimbae reta jembiapo, ërei emomɨ̈rata, jupi yogüɨreko vae reta! Echa nde, Tumpa jupi vae ko, reikuaa yemongeta kia iyɨvɨte pe güɨnoi vae.

SALMOS 73:13

¡Chepɨa aitɨoiño ma, mbaetɨ mbaerä ikavi cheve, aitɨoño ma chepo opaete mbae ikavimbae güi!

SALMOS 78:72

Jare oyangareko jese reta opaete ipɨakatu reve kavi, oyangareko jese reta ipoki rupi kavi.

PROVERBIOS 11:3

Kuimbae jeko sɨmbi vae, jókuae rupi oiko kavi; ërei iyoa vae reta, oyemboaiuka iyoa pe aeño.

PROVERBIOS 20:7

¡Kuimbae jupi rupi kavi oiko vae, taɨgüe reta oyerovia katu reve kavi yogüɨrekota jae jaɨkue rupi!

DANIEL 6:22

CheTumpa ombou iaraɨgua, jae oyopia yaguapope reta iyuru, agüɨye vaerä maratu cheapo, echa jae jóvai mbaetɨ ko chereko; jare nderóvai ave mbaetɨ mbae ikavimbae ayapo mburuvicha guasu.

2 Corintios 1:12

Ore roiko kavi oporogüɨroviambae vae reta ipɨte pe jare pepɨte pe vi, Tumpa oremborɨ ramo. Mbaetɨ etei roporombotavɨ. Jare körai roiko Tumpa ipɨakavi rupi, mbaetɨ roiko orearakuaa rupiño. Jáeramo royerovia.

1 Tesalonicenses 2:10

Pe reta peikuaa kavi ko jare Tumpa vi, kërai royapo ikavi vae, jupi vae, mbaetɨ kia oremboeko mbae re, pe oporogüɨrovia vae reta ndive.

1 Timoteo 1:13

yepe tëi tenonde yave che jae mbae ikavimbae vae yandeYa kotɨ, ayapo ikavimbae vae yandeYa re güɨrovia vae reta pe, jare chereko pochɨ ikotɨ. Ërei yandeYa cheparareko, echa ayapo mbaetɨ aikuaa ramo jare mbaetɨ aporogüɨrovia ramo.

JOSUÉ 22:22

—YandeYa Tumpa, opaete tumpa reta güi imbaepuere vae oikuaa mbaetɨ ko royapo orepɨapochɨ güi vae ani rosɨrɨ vaerä chugüi. Jae oikuaa jare toikuaauka peve opaete; agüɨye tiñɨ̈ro oreve mbaetɨ ko jaekavi royapo yave.