GÉNESIS 20:3 - Biblia Guarani Tumpa Iñee

³ ërei ngatu Tumpa ou Abimelec pe ike pe pɨ̈tu yave, jare jei chupe: “Mase, remanota ko, kuña reruruka vae jeko pegua, echa omenda vae ko.”

GÉNESIS 20:3 ပူးပေါင်းရင်းမြစ်များ

GÉNESIS 12:17

Ërei yandeYa oiporarauka Faraón pe jare jo pegua reta pe, yavaetegüe mbaesusere rupi, Sarai, Abram jembireko jeko pegua.

GÉNESIS 12:18

Jayave Faraón oenɨiuka Abram jare jei chupe: “¿Mbae pa ko kuae reyapo che ndive vae? ¿Maera pa ko remombeu kaviä cheve jae ko nderembireko vae?

GÉNESIS 20:7

Jayave, emee ye kuña ime pe, echa jae ko ñeemombeúa, oyerureta nderé jare reikoveta. Ërei ngatu mbaetɨ yave remee ye, añetete remanota jare opaete neñemuña.”

GÉNESIS 28:12

Jare opaɨu: Ipaɨu pe oecha metei yeupika ɨvɨ güi ojoi ara re oya vae; jare Tumpa iaraɨgua reta jeta oyeupi jare jekuae ogüeyɨ reta jokoropi.

GÉNESIS 31:24

Ërei Tumpa ou jókuae pɨ̈tu Labán Aram pegua ike pe, jare jei chupe: “Eyeandu, agüɨye nemiari Jacob pe jasɨ katu rupi.”

GÉNESIS 37:5

Jare José opaɨu, kuae omombeu tɨkeɨ reta pe yave, jeiete tɨkeɨ reta omotareɨ.

GÉNESIS 37:9

Jekuae opaɨu ye José, jare imiari tɨkeɨ reta pe: —Apaɨu ye körai: Aecha kuaraɨ jare yasɨ, jare once yasɨtata reta itindɨ chekotɨ chemboete.

GÉNESIS 40:5

Jare mburuvicha guasu oëɨ vae jare mbɨyape iyapoa tembipɨɨrä ñogüɨnoi vae. Metei pɨ̈tu opaɨu reta mókoi reve, jare kuae ipaɨu ñavo oime mbae oipota jei vae.

GÉNESIS 40:8

Jayave jae reta jei chupe: —Ropaɨu, jare mbaetɨ kia oikuaauka oreve mbae ra oipota jei vae. Jayave José jei chupe reta: —Tumpaño ko oikuaaukata mbae ko oipota jei vae. Añave pemombeu cheve.

GÉNESIS 46:2

Jare jókuae pɨ̈tu oyekuaa Tumpa jare imiari Israel pe ipaɨu rupi jare jei chupe: —Jacob, Jacob. Jare jae jei: —Ko aï.

1 CRÓNICAS 16:21

Tumpa mbaetɨ omaeño kia oyuvanga jese reta; oaɨu jeko pegua oiporarauka mburuvicha guasu reta pe.

JOB 33:15

Ámope pɨ̈tu yave imiari mbaɨu rupi ani mbae oyekuaa vae rupi, kuimbae reta oke yave, topeɨ oyaporai yave.

JOB 33:17

opia vaerä jembiapo ikavimbae güi, agüɨye vaerä oyemboete.

SALMOS 105:14

Tumpa mbaetɨ omaeño kia oiporarauka chupe reta vaerä, ërei mburuvicha guasu reta oiporara jae reta oiporarauka chupe reta jeko pegua,

JONÁS 3:4

Jonás omboɨpɨ oike tëta guasu rupi, tenondegua ara pe omboɨpɨ oñemoñee, jei körai: “¡Mase, kuae güi cuarenta araa pe Nínive okañɨteita!”

NÚMEROS 22:9

Jare Tumpa ou Balaam pɨri, jei chupe: —¿Kia nunga pa kuae kuimbae reta ñogüɨnoi ndépɨri vae?

San Mateo 1:20

Ërei kuae re oyemongeta ramboeve, metei araɨgua yandeYa pe oyeokuai vae oyekuaa chupe ipaɨu pe jare jei chupe: “José, David iñemuña pegua. Agüɨye eipoɨu emenda María ndive. Echa ipurúa ko Espíritu Santo imbaepuere rupi.

San Mateo 27:19

Jare Pilato oguapɨ yave oï morojäa pe, jembireko ombou jei chupe: “Agüɨye eyapo mbae jókuae kuimbae jupi vae pe. Echa apaɨu kaviä yae jae jeko pegua.”