GÉNESIS 20:17 - Biblia Guarani Tumpa Iñee

¹⁷ Jayave Abraham oyerure Tumpa pe; jare Tumpa oipoano Abimelec jare jembireko, jare jembiokuai kuña reta, oime vaerä iñemuña reta.

GÉNESIS 20:17 ပူးပေါင်းရင်းမြစ်များ

GÉNESIS 12:17

Ërei yandeYa oiporarauka Faraón pe jare jo pegua reta pe, yavaetegüe mbaesusere rupi, Sarai, Abram jembireko jeko pegua.

GÉNESIS 20:7

Jayave, emee ye kuña ime pe, echa jae ko ñeemombeúa, oyerureta nderé jare reikoveta. Ërei ngatu mbaetɨ yave remee ye, añetete remanota jare opaete neñemuña.”

GÉNESIS 29:31

Jare yandeYa oecha yave Lea oñereröɨrouka, omee chupe imembɨ vaerä; ërei Raquel imembɨmbae ko.

ESDRAS 6:10

omee reta vaerä mɨmba oyeyukagüe, Tumpa ara pe oï omboyerovia vaerä, jare oyerure reta vaerä mburuvicha guasu re jare taɨ reta re.

JOB 42:8

Añave peipɨɨ chiu toro raɨ jare chiu vecha kuimbae, jare pekua cherembiokuai Job pɨri, jare perökuavee mbota mɨmba oyeyukagüe opa etei oyeapɨ vae peyé, jare cherembiokuai Job oyerureta peré; echa añetete jae iyerure reño ayeapɨsakata, agüɨye vaerä ayapo ikavimbae peve, echa mbaetɨ pemiari kavi jupi rupi cheré, cherembiokuai Job rami.”

PROVERBIOS 15:29

YandeYa, mombɨrɨ oï iyoa vae reta güi, ërei oendu, jupi vae reta iyerure.

PROVERBIOS 15:8

Ikaviä yae ko yandeYa pe, iyoa vae reta omee mɨmba oyeyukagüe chupe yave, ërei omboyerovia, jupi vae reta iyerure.

ISAÍAS 45:11

YandeYa, Tumpa Iyoambae Israel pegua, ndeApoa jei körai: “Peparandu cheve mbae oikota vae re. ¿Pe reta peekata pa cheve cheraɨ reta regua, ani chemboeta pa kërai mbaembae ayapo vaerä?

NÚMEROS 12:13

Jayave Moisés oyerure yandeYa pe, jei reve: “Romoñera añave cheTumpa, rembogüera vaerä.”

NÚMEROS 21:7

Jayave opaete vae yogüeru Moisés oïa pe, jare jei reta chupe: —¡Oreyoa, romoë ramo oreñee yandeYa kotɨ jare nde kotɨ! ¡Eyerure yandeYa pe oekɨ vaerä oregüi kuae mboi reta! Moisés oyerure opaete vae re,

San Mateo 21:22

Jare opaete mbae re peyerure Tumpa pe perovia reve vae, penoita ko.

San Mateo 7:7

Peiporu mbae Tumpa pe, jare jae omeeta peve. Peeka, jare peväeta. Pembopu öke, jare öke oyepeata peve.

Hechos 3:24

Jökorai vi jei opaete ñeemombeúa reta Samuel güive. Opaete metei rami omoërakua reta kuae ara reta re.

Filipenses 4:6

Agüɨye etei peyemoambaeko mbae re, jaeño peyerure Tumpa pe opaete mbaembae re, pemee reve yasoropai chupe.

1 Tesalonicenses 5:25

Cherɨvɨ reta, peyerure oreré.

Santiago 5:16

Peyoa yave oyokotɨ, pemombeu oyoupe, javoi peyerure oyoe, Tumpa pembogüera vaerä. Jupi vae iyerure opaete ipɨa reve vae, güɨnoi mbaepuere.