GÉNESIS 19:25 - Biblia Guarani Tumpa Iñee

²⁵ jökorai opa omboai jókuae tëta reta jare opaete ɨvɨpe kavi ipo reta jare opaete mbaembae reta iagüe.

GÉNESIS 19:25 ပူးပေါင်းရင်းမြစ်များ

GÉNESIS 13:10

Lot omae yave oecha ɨvɨpe kavi ɨ̈aka Jordán jee vae iyɨ́vɨri, kuae ɨvɨ kavi ɨ katu, yandeYa oyapo arakae kó vae rami. Egipto pegua ɨvɨ rami. Kuae ɨvɨ kavi ojoi oya tëta raɨ Zoar re katu. YandeYa ndei opa omboai mbove tëta Sodoma jare Gomorra.

GÉNESIS 13:12

Abram opɨta ɨvɨ Canaán pe, ërei Lot oñemoëta ɨvɨpe kavi pe tëta reta ñogüɨnoi vae rupi, jökorai ojoi oya tëta Sodoma re.

GÉNESIS 14:3

Kuae pandepo mburuvicha oyomboatɨ ɨvɨtɨ päu ipe kavi vae Sidim pe, jae ko Ɨguasu Jembochɨ vae jembeɨ pe.

SALMOS 107:34

ɨvɨ kavi oipoepɨ, ɨvɨ ikavimbae pe, pɨpegua reta iyoa jeko pegua;

ISAÍAS 13:19

Babilonia, tëtaguasu reta omboete yae vae, Caldeaɨgua reta oyembotuicha jare oyemboete jese vae, opɨtata Sodoma jare Gomorra che opa amboai vae rami.

JEREMÍAS 20:16

¡Jókuae kuimbae, toiko tëta guasu reta yandeYa opa omboai jekuae avei pegua rami! ¡Toendu avei täse ndeimbove yave, jare kuaraɨ ara mbɨte yave, sapúkai ñeraro pegua,

JEREMÍAS 23:14

Che aecha ñeemombeúa reta Jerusalén pegua oyapo mbae pɨ̈chɨi yae vae; oyapo reta aguasa jare oporombotavɨ reta, jökorai omoäta ngatu reta jeko kavimbae reta, agüɨye vaerä oyepoepɨ reta jeko kavimbae güi. Jae reta jare tëta pegua reta, Sodoma jare Gomorra rami ko cheve.

JEREMÍAS 49:18

echa opɨtata Sodoma jare Gomorra rami jare tëta guasu reta iyɨvɨrigua, opa oyemboai yave rami. Mbaetɨ yeta kia ou oiko pɨpe ani oasa jokoropi vae ave. Che ndeYa ko jae kuae.

JEREMÍAS 50:40

Opɨtata Sodoma, Gomorra jare tëta iyɨvɨrigua reta, Tumpa opa omboai vae rami. Ngaraa ye kia ou oiko pɨpe, ani oasa jokoropi vae ave. Jei yandeYa.

LAMENTACIONES 4:6

Echa jeiete yae cherëta guasu pegua reta iyoa, Sodoma pegua reta iyoa güi; jókuae tëta opa oyemboai jarembae pegua, mbaetɨ etei kia oporepeña jese reve.

EZEQUIEL 16:50

Oyembopɨapochɨ reta jare oyapo che aröɨro vae; jáeramo amboai, pe reta peecha rami.

AMÓS 4:11

“Pomokañɨtei, Sodoma jare Gomorra opa amboai rami; tatasɨgüe tata güi oñerenoegüe rami peasayepe, ¡ërei mbaetɨ peyerova ye chekotɨ!” Jei yandeYa.

DEUTERONOMIO 29:23

oecha retata azufreño, yukɨ jare ɨvɨ okaigüeño. Mbaetɨta mbae ipuere oñeotɨ pɨpe, mbaetɨta vi mbae oñemuña pɨpe, mbae nunga ñana ave mbaetɨta oñemuña pɨpe, Sodoma, Gomorra, Adma jare Zeboim oñemokañɨtei yave rami, yandeYa iyarasɨ jeko pegua omboai kuae tëta reta.

2 Pedro 2:6

Jaeramiño vi Tumpa ombou tata tëta guasu reta Sodoma jare Gomorra re opa vaerä omboai. Jaeño opɨta itanimbugüe. Jökorai opɨta opaete jeko kavimbae vae reta oikuaa vaerä.