GÉNESIS 19:17 - Biblia Guarani Tumpa Iñee

¹⁷ Güɨnoe ma ikatu pe yave jei reta chupe: —¡Etekuarai agüɨye vaerä remano! Agüɨye eyerova emae nderaɨkue kotɨ, jare agüɨye etei epɨta kuae ñuu rupi, etekuarai ɨvɨtɨ kotɨ agüɨye vaerä rekañɨtei.

GÉNESIS 19:17 ပူးပေါင်းရင်းမြစ်များ

GÉNESIS 13:10

Lot omae yave oecha ɨvɨpe kavi ɨ̈aka Jordán jee vae iyɨ́vɨri, kuae ɨvɨ kavi ɨ katu, yandeYa oyapo arakae kó vae rami. Egipto pegua ɨvɨ rami. Kuae ɨvɨ kavi ojoi oya tëta raɨ Zoar re katu. YandeYa ndei opa omboai mbove tëta Sodoma jare Gomorra.

GÉNESIS 14:10

Jókuae ɨvɨtɨ päu Sidim rupi jeta yae mbae ipomoasɨ ɨvɨ yasuru vae rami vae; jare mburuvicha Sodoma pegua jare Gomorra pegua isundaro reta ndive otekuarai tëi yave jovaicho reta güi oasavi pɨpe amogüe, ërei ïru reta otekuarai kaa kotɨ.

GÉNESIS 18:22

Jare mókoi kuimbae reta opa yogüɨraja joko güi Sodoma kotɨ; ërei Abraham opɨta yandeYa jóvai.

GÉNESIS 19:18

Ërei Lot jei chupe reta: —¡Agüɨye, che pomoñera cheya reta!

GÉNESIS 19:22

¡Nderaɨai jare etekuarai jokotɨ! Echa mbaetɨta mbae ayapo reo regua reväe joko pe. Jáeramo tëta oyembojee, Zoar.

GÉNESIS 19:26

Jayave Lot oyoaɨkue yogüɨraja jembireko ndive; jare jembireko oyerova omae jaɨkue kotɨ; jókuae jeko pegua oyeapo yukɨrä.

GÉNESIS 19:30

Ërei Lot oë Zoar güi, echa okɨɨye opɨta vaerä joko pe, jare oyeupi ɨvɨtɨ re mókoi tayɨ reta ndive; jare yogüɨreko ɨvɨkua pe, jae jare mókoi reve tayɨ reta.

1 REYES 1:12

Eyeapɨsaka cheporomboarakuaa re, reroasayepe vaerä nderekove jare nemembɨraɨe Salomón jekove.

1 REYES 19:3

Jare Elías oecha mbaetɨta ikavi ramo, opüa jare ojo, güɨroasayepe vaerä jekove, jare ou tëta Beerseba pe ɨvɨ Judá pe, jare joko pe oeya jembiokuai.

SALMOS 121:1

Amae ɨvɨtɨ reta kotɨ jare jae: “¿Ketɨ güi ra outa yemborɨ cheve?”

JEREMÍAS 48:6

¡Petekuarai! ¡Peroasayepe perekove! ¡Peiko mburika jesaetegüe rami ñuu pe!

NÚMEROS 16:26

Jare jae imiari yatɨ vae reta pe, jei reve: —Pesɨrɨ kuae kuimbae reta oyemboyovaicho Tumpa kotɨ vae reta jo guakapi pegua güi, jare agüɨye etei imbaembae re pepoko, agüɨye vaerä pe reta vi pemano jae reta imbaeyoa jeko pegua.

San Mateo 3:7

Jare oecha jeta fariseo reta jare saduceo reta yogüeru Juan oporombobautisa oïa pe yave, jei chupe reta: “Pe reta ko jae mboi reta rami. ¿Kia pa omombeu peve peyerova vaerä Tumpa kotɨ, agüɨye vaerä jae oiporarauka peve?

San Lucas 12:23

Tekove ko jae ikavi yae tembíu güi, jare yanderete, temimonde güi.

San Lucas 9:62

Ërei Jesús jei chupe: —Ombaeara vae mbaetɨ ko omae jaɨkue kotɨ. Jókuae nunga ngaraa ikavi Tumpa iporookuaía peguarä.

Hebreos 2:3

jayave, ¿këraita pa yaasayepe, ñaröɨro yave yemboasa tuichagüe? Echa yandeYa räri imiari kuae yemboasa re, jare yaikuaa imiari yandeve oyeapɨsaka jese vae reta rupi.

1 SAMUEL 19:11

Saúl omondo ñee jerajaa reta David jëta pe, oäro reta vaerä jare oyuka vaerä ndeimbove yave. Ërei jembireko Mical omombeu David pe jei reve: —Mbaetɨ yave kuae pɨ̈tu retekuarai, ndeimbove remanota.