GÉNESIS 19:15 - Biblia Guarani Tumpa Iñee

¹⁵ Jare köe jembipe ma yave araɨgua reta ombojaɨai ma Lot, jare jei reta chupe: —¡Nderaɨai! Epüa eraja kuae güi nderembireko jare mókoi reve nderayɨ reta, kuae ndero pe ñogüɨnoi vae, agüɨye vaerä pemano kuae tëta okañɨtei yave.

GÉNESIS 19:15 ပူးပေါင်းရင်းမြစ်များ

GÉNESIS 19:14

Jayave Lot oë ojo imiari jovayarä vae reta pe, tayɨ reta ndive omendata vae, jei chupe reta: —¡Pepüa jare peë kuae güi; echa cheYa omokañɨteita kuae tëta guasu! Ërei ngatu jovayarä vae reta oyoyaiño, mbaetɨ güɨrovia, echa Lot jei jeiñoecha chupe reta.

GÉNESIS 19:16

Jare Lot oë raiviä ramo, araɨgua reta oipɨɨ ipo pe, jare jembireko jare tayɨ reta vi yandeYa iporoparareko jese rupi; jökorai opa güɨnoe tëta güi ikatu pe.

GÉNESIS 19:17

Güɨnoe ma ikatu pe yave jei reta chupe: —¡Etekuarai agüɨye vaerä remano! Agüɨye eyerova emae nderaɨkue kotɨ, jare agüɨye etei epɨta kuae ñuu rupi, etekuarai ɨvɨtɨ kotɨ agüɨye vaerä rekañɨtei.

GÉNESIS 19:22

¡Nderaɨai jare etekuarai jokotɨ! Echa mbaetɨta mbae ayapo reo regua reväe joko pe. Jáeramo tëta oyembojee, Zoar.

SALMOS 94:23

Jae ko omboyevɨta jeko aeño iyoa vae reta re. ¡YandeYa Tumpa ko opata omokañɨtei reta!

2 Corintios 6:2

Echa jae jei tembikuatía pe körai: “Ou ma oväe aechauka vaerä cheporoaɨu, jáeramo ayeapɨsaka nderé, ou ma oväe yereroasayepe iara, jáeramo romborɨ.” Mase, añave Tumpa ipɨakavi. Añave ko ara yemboasa pegua.

Apocalipsis 18:4

Jare aendu ïru ñee ara güi jei: “Peë joko güi, chembae reta, agüɨye vaerä peyapo mbaeyoa reta jae oyapo rami, jare agüɨye vaerä peiporara mbaesusere reta chupe oyeapota vae;