GÉNESIS 18:8 - Biblia Guarani Tumpa Iñee

⁸ Jare güeru toro taɨrusu vae isoo jare güeru vi guara, güeru imboupa reta jóvai oñono; jare imboupa reta okaru ramboeve ɨvɨra igüɨ pe, jae oyemboɨ jae reta jóvai oyeokuai vaerä chupe reta.

GÉNESIS 18:8 ပူးပေါင်းရင်းမြစ်များ

GÉNESIS 18:7

Abraham osɨi guaka reta kotɨ, jare oiparavo toro taɨrusu vae ikɨra kavi vae, omee metei jembiokuai pe, jare jókuae jembiokuai oyapo tembíu ɨmambae pegua.

GÉNESIS 18:9

Jare jei reta chupe: —¿Jama pa nderembireko Sara? Jae jei: —Oime oï kuae o guakapi pegua japɨpe.

GÉNESIS 19:3

Ërei ngatu Lot jeta omoñera, jare yogüɨraja jupíe jare oike reta jo pe; jare oyapo chupe reta tembíu kavi, okaru reta vaerä, jare omboyɨ mbɨyape ovumbae, jare okaru reta.

NEHEMÍAS 12:44

Jókuae ara oyeparavo kuimbae reta oyangareko vaerä mbaembae jepɨ vae oñeñovatúa re, mbota reta oñeñovatúa re, mbaagüɨyerɨpɨ oñeñovatúa re, payandepo güi metei oñemee vae oñeñovatúa re, jae reta oñovatu vaerä pɨpe opaete mbaembae oyereru tëta ñavo güi vae, sacerdote jare levita reta peguarä vae; echa Judá pegua reta oyerovia yae sacerdote jare levita reta oyeokuai ñogüɨnoi vae reta ndive.

ISAÍAS 7:15

Jouta guara jare ei, yarakuaa katu regua, oikuaa regua güɨröɨro ikavimbae vae jare oiparavo ikavi vae.

ISAÍAS 7:22

jare neche jeta vae jeko pegua jouta guara. Jare opaete oasayepegüe jouta guara jare ei kuae ɨvɨ pe.

San Lucas 12:37

Oyerovia ko jókuae tembiokuai reta, iya ou ye oväe yave, okeä ñogüɨnoi vae. Añete che jae peve, iya omboguapɨ retata mesa pe, jare jae etei omongaruta jókuae jembiokuai reta.

San Lucas 17:8

Mbaetɨ ko, jaeño pere: ‘Ekua räri eñemimo cheve, javoi opa ma akaru yave, ndepuereta rekaru.’

San Lucas 24:30

Jare oguapɨ ma mesa pe okaru vaerä yave, Jesús oipɨɨ mbɨyape jare omee yasoropai jese Tumpa pe, opɨ̈saa jare omee chupe reta.

San Lucas 24:43

Jesús oipɨɨ jare jou jae reta jovake.

San Juan 12:2

Jare pɨ̈tu ma yave oyapo reta Jesús okaru vaerä. Marta güeru tembíu, jare Lázaro oguapɨ okaru mesa pe Jesús ndive.

Hechos 10:41

mbaetɨ omboyekuaauka opaete vae pe, jaeño oreve. Echa tenonde voi ma Tumpa oreparavo romombeu vaerä ïru vae reta pe. Ore rokaru jare ɨ rou jae ndive, oikove ye güire vae reta.

Gálatas 5:13

Añete ko, cherɨvɨ reta, Tumpa peparavo peyeyora vaerä. Jaeño agüɨye peiporu jókuae yeyora soo jemimbota peyapo vaerä, ërei peyeokuai oyoupe peyoaɨu reve.

DEUTERONOMIO 32:14

jare neche kɨra jou reta jare vecha ineche jou reta, jou reta vecha kuimbae taɨrusu vae ikɨra vae, jare vecha kuimbae jare kavara kuimbae ɨvɨ Basán pegua; jou reta trigo ikavigüe, jare vino, uva tɨgüegüe.

Apocalipsis 3:20

Mase, ko aï öke pe jare ambopu aï öke. Oime yave kia cheñee oendu vae, oipea yave öke, aiketa akaru vaerä jae ndive, jare jae okaruta che ndive.

JUECES 13:15

Manoa mbaetɨ ave oikuaa jókuae kuimbae jae ko yandeYa iaraɨgua, jei chupe: —Romoñera repɨta vaerä ore ndive rekaru, romboyɨta kavara kuimbae raɨ ndeve. Ërei araɨgua jei chupe: —Yepe tëi chemombɨta, ngaraa jau pe ndive tembíu. Ërei pepuere pemee jókuae kavara kuimbae raɨ yandeYa pe mɨmba oyeyukagüe opaetei oyeapɨ vae.

JUECES 5:25

Sísara oiporu ɨ jou vaerä, ërei Jael omee jou neche. ¡Ikavigüe kaua pe omee jou neche kɨra!