GÉNESIS 18:7 - Biblia Guarani Tumpa Iñee

⁷ Abraham osɨi guaka reta kotɨ, jare oiparavo toro taɨrusu vae ikɨra kavi vae, omee metei jembiokuai pe, jare jókuae jembiokuai oyapo tembíu ɨmambae pegua.

GÉNESIS 18:7 ပူးပေါင်းရင်းမြစ်များ

GÉNESIS 18:6

Jayave Abraham oike jaɨai reve jo guakapi pegua pe jare jei Sara pe: —Eipɨɨ veinte kilo rupi trigokúi ipɨuasɨ kavi vae jare nderaɨai eyapo mbɨyape tanimbugüɨ pe oyɨ vae.

GÉNESIS 18:8

Jare güeru toro taɨrusu vae isoo jare güeru vi guara, güeru imboupa reta jóvai oñono; jare imboupa reta okaru ramboeve ɨvɨra igüɨ pe, jae oyemboɨ jae reta jóvai oyeokuai vaerä chupe reta.

GÉNESIS 19:3

Ërei ngatu Lot jeta omoñera, jare yogüɨraja jupíe jare oike reta jo pe; jare oyapo chupe reta tembíu kavi, okaru reta vaerä, jare omboyɨ mbɨyape ovumbae, jare okaru reta.

AMÓS 6:4

Peke tupa oñemopöra kavi elefante jäimbukugüe pe vae pe, jare peyapakua perupa pe; peu vecha taɨrusu vae japicha reta ipɨte güi jare toro taɨrusu oyemongɨragüe reta güi;

MALAQUÍAS 1:14

¡Yepopeyu toa oporombotavɨ vae re, oime tëi güɨnoi mɨmba kavi jɨmba pɨte pe reve, güɨrökuavee jare güeru oikomeguagüe omee oyeyuka vaerä vae! Che ko jae Mburuvicha Guasu, cheree kɨɨyea ko opaete tëtaguasu ñavo rupi. Jei yandeYa Imbaepuere yae ete vae.

San Mateo 22:4

Jayave mburuvicha guasu oyókuai ye ïru jembiokuai reta; jei vaerä oparea ma chupe vae reta pe: ‘Mase, jaema oï tembíu. Ayuka guaka jare ïru cherɨmba reta amongɨragüe. Jaema oï. Peyu mendaa pe.’

San Lucas 15:23

Jare peru toro taɨrusu vae ikɨra vae peyuka. Yakaru jare yayapo arete.

San Lucas 15:27

Jayave tembiokuai jei chupe: ‘Nderɨvɨ ko ou ye, jare nderu oyukauka toro taɨrusu vae ikɨra vae, taɨ ou ye ikavi oväe ramo.’

San Lucas 15:30

Ërei kuae nderaɨ opaiño omokañɨtei ndembaembae kuña iyaguasa pota vae reta re vae ou ye yave, reyuka chupe toro taɨrusu vae ikɨra vae.’

1 SAMUEL 28:24

Jókuae kuña güɨnoi guaka raɨ ikɨra vae, javoi oyuka, jare vi oipɨɨ trigokúi, omómbɨu jare omboyɨ mbɨyape ovumbae vae.