GÉNESIS 18:21 - Biblia Guarani Tumpa Iñee

²¹ añave agüeyɨta jokotɨ, jare aechata oyapo reta ra mbaeyoa, jërakua cheve rami. Ërei mbaetɨ yave aikuaata.

GÉNESIS 18:21 ပူးပေါင်းရင်းမြစ်များ

GÉNESIS 11:5

Jare yandeYa ogüeyɨ omae vaerä tëta guasu re jare o ɨvate yeyé kuimbae reta oyapo ñogüɨnoi vae re,

GÉNESIS 11:7

Añave, ikavi yagüeyɨ joko pe yamoambuae chugüi reta iñee, agüɨye vaerä ipuere oikuaa reta iñee oyoupe.”

GÉNESIS 18:17

Jayave yandeYa jei: “Tamombeu Abraham pe ayapota vae,

GÉNESIS 6:12

Tumpa omae ɨvɨ pegua reta re, jare oecha opaetei oikomegua ɨvɨ pe, echa opaete vae reta jeko kavi opa oikomegua.

JOB 34:22

Mbaetɨ ketɨ pɨtumimbía pe, ipuere oñemi mbaeyoa oyapo vae.

SALMOS 14:2

YandeYa omae ara güi opaete kuimbae reta re, oecha vaerä oime ra kia iyarakuaa vae, oeka Tumpa vae.

SALMOS 90:8

Oreyoa reñono nderesa róvai, royapo vɨarigüe reñono nderesa róvai.

ÉXODO 3:8

Jare ayu ayora vaerä Egiptoɨgua reta ipo güi, anoe reta vaerä jókuae ɨvɨ güi metei ɨvɨ ikavi jare ipɨguasu vae pe, ɨvɨ kavi pe; cananeo reta, heteo reta, amorreo reta, ferezeo reta, heveo reta jare jebuseo reta ñogüɨnoia pe.

ÉXODO 33:5

echa yandeYa jei yepe Moisés pe: —Ere Israel iñemuña reta pe: “Pe reta jae ko ipɨa täta yae vae. Michi pegua yepe aï pepɨte pe yave, opata pomboai. Añave pemboi peyeugüi peremimonde ikavigüe, che aikuaa vaerä mbae ayapota peve vae.”

JEREMÍAS 17:1

Tëtaguasu Judá, ndeyoa oyekuatía oï tapiyu pe oyekuatía rami, jare ita täta yae vae itï pe rami oyekuatía oï ndepɨa re, jare mɨmba oyeyuka oyeapɨ jese vae re guakarätiecha oï vae re.

JEREMÍAS 17:10

Che, ndeYa, aikuaa kërai ko pepɨa vae, aikuaa opaete yemongeta reta, amboekovia vaerä metei ñavo vae pe jeko oï rupi, jare jembiapo reta oï rupi.”

JONÁS 1:2

“Epüa, ekua tëta guasu Nínive pe, jare emoërakua chupe opata amboai vae, echa iyoa jeiete yae ma cheróvai.”

MIQUEAS 1:3

Echa, yandeYa oëta jae oikoa güi, jare ogüeyɨta ɨvɨtɨ guasu reta iárambo rupi.

SOFONÍAS 1:12

Jókuae ara, amoendɨta metei mechero jare amboesapeta amae Jerusalén re. Jare aiporaraukata jókuae ipɨagüive ñogüɨnoi vae reta pe, vino kïrii ngatu oï kopa pe rami vae, echa jókuae reta jei iyeupe: ‘¡YandeYa ngaraa oyapo mbae, ngaraa oyapo ikavi vae ani ikavimbae!’

San Lucas 16:15

Jayave Jesús jei chupe reta: —Pe retaiño peyembojupi ïru vae reta jóvai vae ko pe. Ërei Tumpa oikuaa pepɨa pe oï vae. Echa kuimbae reta ombotuicha yae vae, Tumpa peguarä ikavimbae yae ko.

San Juan 6:38

Echa agüeyɨ ara güi ayapo vaerä chembou vae jemimbota. Mbaetɨ ayu ayapo vaerä cheremimbota.

2 Corintios 11:11

¿Maera pa körai jae? ¿Mbaetɨ ra poaɨu? ¡Tumpa oikuaa poaɨu ko!

DEUTERONOMIO 13:3

Agüɨye peyeapɨsaka jókuae ñeemombeúa iñee reta re, ani jókuae ipaɨu katu vae re. Echa yandeYa Tumpa ko pejäa oï oikuaa vaerä peaɨu ra yandeYa Tumpa opaete pepɨa ndive, jare opaete perekove ndive.

DEUTERONOMIO 8:2

Pemaendúa opaete tape yandeYa Tumpa pereru jupi vae re, kuae cuarenta año ñuu rupi vae, pemoñemomichi vaerä jare pejäa vaerä, oikuaa vaerä pepɨa pe penoi vae, peyapota ra iporookuai reta ani mbaetɨta ra vae.

1 Tesalonicenses 4:16

Echa yandeYa etei ogüeyɨta ara güi ñee mbaepuere pegua ndive, araɨgua tenondegua vae iñee jare Tumpa jemimbɨ guasu ndive. Jare Cristo re güɨrovia reve omano vae reta oikove yeta jae reta räri;

Hebreos 4:13

Oyapo mbaembae Tumpa oyapo vae mbaetɨ ipuere oñemi chugüi. Echa opaetei ko mbaembae oyekuaa oï jókuae ñanejäata vae jóvai.

JOSUÉ 22:22

—YandeYa Tumpa, opaete tumpa reta güi imbaepuere vae oikuaa mbaetɨ ko royapo orepɨapochɨ güi vae ani rosɨrɨ vaerä chugüi. Jae oikuaa jare toikuaauka peve opaete; agüɨye tiñɨ̈ro oreve mbaetɨ ko jaekavi royapo yave.