GÉNESIS 18:11 - Biblia Guarani Tumpa Iñee

¹¹ Abraham jare Sara okuakuaa yae reta ma; jare Sara güi opɨta ma, kuña reta yasɨ ñavo oiporara vae.

GÉNESIS 18:11 ပူးပေါင်းရင်းမြစ်များ

GÉNESIS 17:17

Jayave Abraham oyetavatɨka jare itindɨasɨ ɨvɨ re, opuka jare jei ipɨa pe: “¿Kuimbae cien año ma güɨnoi vae ipuereta ra taɨ, jare Sara noventa año ma güɨnoi vae ipuereta ra ipurúa?”

GÉNESIS 17:24

Abraham noventa y nueve año ma güɨnoi jare taɨ Ismael trece año. Jayave oyembocircuncida reta isoo pe.

GÉNESIS 21:7

Jare jei ye: ¿Kia ra omombeuta Abraham pe köraita ko metei ara che ambokambu chemembɨ reta vae? Echa chemembɨ chupe indechi pei.”

GÉNESIS 24:1

Abraham indechi yae ma, jare opaete pe yandeYa iporerekua jese.

GÉNESIS 24:36

Jare Sara, cheya jembireko imembɨ itɨ̈aro pei, chupe omee opaete mbaembae güɨnoigüe.

GÉNESIS 31:35

Jare Raquel jei tu pe: —Cheru, agüɨye ndepochɨ mbaetɨ apüa vae re, echa yasɨ ñavo roiporara vae aiporara aï. Labán oeka tëi itumpa reta, jare mbaetɨ ipuere oväe chupe,

LEVÍTICO 15:19

Metei kuña oiporara yave tugüɨ omombo vae, jare jugüɨ oya yave jete re, chiu ara toiko tee jaeño. Oipotagüe oyavɨkɨ vae yave, tikɨa topɨta Tumpa jóvai pɨ̈tu regua.

San Lucas 1:18

Jayave Zacarías jei araɨgua pe: —¿Këraita pa aikuaa añetete ra kuae nde rere cheve vae? Echa che chendechi ma jare cherembireko itɨ̈aro ma vi.

San Lucas 1:36

Mase, nerëtara Elisabet ipurúa vi, yepe tëi itɨ̈aro ma. Ova yasɨ ma ipurúa oï; yepe tëi ïru vae reta jei chupe imembɨmbae vae.

San Lucas 1:7

Ërei mbaetɨ imichia reta. Echa Elisabet imembɨmbae vae ko. Jare Zacarías jare Elisabet okuakuaa yae reta ma.

Hebreos 11:19

Echa Abraham güɨrovia oyuka yave taɨ, Tumpa ipuere omoingove ye. Jare yandepuere yae Abraham omboresive ye ko Isaac mano güi.

JOSUÉ 13:1

Josué indechi yae ma yave, yandeYa jei chupe: “Nde nendechi yae ma, jare jeta vɨteri oata ɨvɨ oñepɨ̈ro vaerä.