GÉNESIS 17:19 - Biblia Guarani Tumpa Iñee

¹⁹ Tumpa jei chupe: —Añetete ko nderembireko Sara imembɨta ndeve kuri, jare rembojeeta Isaac; jare amoañeteta cheporogüɨrökuavee päve jae ndive jekuae avei pegua, jare vi iñemuña reta peguarä.

GÉNESIS 17:19 ပူးပေါင်းရင်းမြစ်များ

GÉNESIS 16:11

Añave ndepurúa reï, oata jókuae nemembɨ jare rembojeeta Ismael. Echa yandeYa oendu ndepɨatɨtɨ.

GÉNESIS 17:16

Cheporerekuata Sara re, jae rupi ameeta nderaɨrä; añetete ko cheporerekuata jese, jare jae ko tëta metei tugüɨ jare metei teko vae ichɨrä, jare tëtaguasu reta juvicha reta chugüi oëta.

GÉNESIS 17:18

Jayave Abraham jei Tumpa pe: —¡Mbae mona Ismael, jaeño voi remombɨta nderóvai!

GÉNESIS 17:21

Ërei cheporogüɨrökuavee päve oïta Isaac ndiveño, Sara imembɨta ndeve körai yave etei, año outa vae re vae.

GÉNESIS 17:7

Añonota kuae morogüɨrökuavee päve yandeyeupe, jare nderaɨ reta pe, jare opaete nderaɨ iñemuña reta peguarä vi jekuae avei pegua, aiko vaerä neTumparä.

GÉNESIS 21:6

Jayave Sara jei: “Tumpa chemombukauka, jare oipotagüe oendu yave cheregua, opukata vi che rami oyerovia güi.

GÉNESIS 26:2

Joko pe yandeYa oyekuaa jare jei chupe: “Agüɨye ekua Egipto pe, epɨta eiko che jaeta ndevea pe,

GÉNESIS 26:3

eiko oguataiño vae rami kuae ɨvɨ pe, che aïta nde ndive, cheporerekuata nderé, echa ndeve jare neñemuña reta pe ameeta opaete kuae ɨvɨ. Jökorai amoañeteta ñererökuavee ayapo nderu Abraham ndive vae.

GÉNESIS 9:16

Jökorai yɨɨ oyekuaa yave amapɨtu re, aechata jare chemaenduata morogüɨrökuavee päve jekuae avei pegua ayapo yandeve vae re, jare opaete oikove vae, ɨvɨ iárambo ñogüɨnoi vae reta ndive.

San Lucas 1:55

Echa jökorai jei ñaneñemuñagüe reta pe jae ko Abraham jare iñemuña reta pe jekuae avei pegua.”

Hebreos 11:11

Iporogüɨrovia rupi vi Sara imembɨ, yepe tëi jae ko imembɨmbae jare itɨ̈aro yae ma; echa güɨrovia Tumpa ombopota ko iñee.