GÉNESIS 17:18 - Biblia Guarani Tumpa Iñee

¹⁸ Jayave Abraham jei Tumpa pe: —¡Mbae mona Ismael, jaeño voi remombɨta nderóvai!

GÉNESIS 17:18 ပူးပေါင်းရင်းမြစ်များ

GÉNESIS 17:17

Jayave Abraham oyetavatɨka jare itindɨasɨ ɨvɨ re, opuka jare jei ipɨa pe: “¿Kuimbae cien año ma güɨnoi vae ipuereta ra taɨ, jare Sara noventa año ma güɨnoi vae ipuereta ra ipurúa?”

GÉNESIS 17:19

Tumpa jei chupe: —Añetete ko nderembireko Sara imembɨta ndeve kuri, jare rembojeeta Isaac; jare amoañeteta cheporogüɨrökuavee päve jae ndive jekuae avei pegua, jare vi iñemuña reta peguarä.

GÉNESIS 21:11

Kuae yavai yae Abraham pe, jare ipɨatɨtɨ taɨ re.

GÉNESIS 4:12

Reparavɨkɨ yae tëi reve ngaraa neremitɨ oñemuña kavi ndeve. Reguata reteiñota jare reiporara reve reikota ɨvɨ ambuae rupi.

GÉNESIS 4:14

Echa añave chemombo ma reï kuae ɨvɨ güi; mbaetɨta ma chepuere ayu nderóvai. Mombɨrɨ rupi aguata reteiñota, aiporara reve ɨvɨ ambuae rupi. Jökorai kia nunga vae cheväe yave cheyukata ko.

SALMOS 4:6

Jeta vae jei: “¿Kia pa oechaukata yandeve ikavi vae?” ¡OreYa Tumpa, ndepɨakatu oreré!

SALMOS 41:12

Echa che aiko jupi rupi ramo cheangareko, jare cheñono nderóvai jekuae avei pegua.

ISAÍAS 59:2

Ërei peyoa reta pemboyao peTumpa güi, peyoa reta oñovauka Tumpa jova pegüi, agüɨye vaerä oyeapɨsaka peré.

JEREMÍAS 32:39

Jare ameeta chupe reta metei yemongetaño jare metei tekoño, oipoɨu avei vaerä chegüi reta, yogüɨreko kavi reta vaerä, jökoraita vi taɨkue rupi iñemuña reta.

Hechos 2:39

Echa pembaerä ko Tumpa güɨrökuavee vae, peraɨ reta peguarä jare opaete mombɨrɨ ñogüɨnoi vae reta peguarä; opaete yandeYa Tumpa oenɨita vae reta peguarä.