GÉNESIS 17:16 - Biblia Guarani Tumpa Iñee

¹⁶ Cheporerekuata Sara re, jae rupi ameeta nderaɨrä; añetete ko cheporerekuata jese, jare jae ko tëta metei tugüɨ jare metei teko vae ichɨrä, jare tëtaguasu reta juvicha reta chugüi oëta.

GÉNESIS 17:16 ပူးပေါင်းရင်းမြစ်များ

GÉNESIS 1:28

Jare iporerekua jese reta; jei chupe reta: “Peñemuña jare pemotɨnɨe jare peiporu ɨvɨ; peyangareko jare penoi mbaepuere jevae reta ɨ rupigua re, güɨra reta re, jare opaete mbaemɨmba reta omɨi ɨvɨ rupi vae re.”

GÉNESIS 12:2

Ndegüi ayapota tëtaguasu tuicha yae vae, jare cheporerekuata nderé, jare ambotuicha yaeta nderee opaete ɨvɨ rupi, jare cheporerekuata jeta vae reta re ndereko pegua.

GÉNESIS 15:4

Jayave yandeYa jei ye chupe: —Ngaraa ko kuae Eliezer oiko ndembaembae iyarä, nderaɨ etei ko oikota ndembaembae iyarä.

GÉNESIS 17:15

Tumpa jei vi Abraham pe: —Nderembireko Sarai ngaraa ma reenɨi Sarai pe, rembojeeta Sara.

GÉNESIS 17:19

Tumpa jei chupe: —Añetete ko nderembireko Sara imembɨta ndeve kuri, jare rembojeeta Isaac; jare amoañeteta cheporogüɨrökuavee päve jae ndive jekuae avei pegua, jare vi iñemuña reta peguarä.

GÉNESIS 17:6

Romoñemuñata jeta yae, joko güi ayapota jeta tëtaguasu reta, ndegüi oñemuñata jeta mburuvicha guasu reta.

GÉNESIS 21:1

YandeYa opou Sara pɨri jae jei rami, jare oiparareko Sara, jae omoërakua rami,

GÉNESIS 24:60

Jare omboyupavo ñee kavi reve jei reta chupe: “¡Orereindɨ! ¡Eiko jeta vae reta ichɨrä, neñemuña reta topɨ̈ro jovaicho reta jöke!”

GÉNESIS 25:23

Jare yandeYa jei chupe: “Mókoi tëtaguasu retarä vae oime renoi nderɨe pe; mókoi tëta oyomboyaota nderɨe güi voi vae; metei tëta imbaepuere yaeta ïru tëta güi. Tenondegua oyeokuaita taɨkuegua pe.”

GÉNESIS 35:11

Tumpa jei vi chupe: “Che jae ko Tumpa imbaepuere yae vae; ekuakuaa jare eñemuña jeta. Ndegüi jeta oëta tëtaguasu reta jare tëta reta, jare neñemuña reta güi oëta mburuvicha guasu reta.

GÉNESIS 36:31

Kuae jae mburuvicha reta oporookuai Edom pe vae, Israel iñemuña reta ndei güɨnoi mburuvicha guasu mbove.

ISAÍAS 49:23

Mburuvicha guasu reta ñogüɨnoita ndeangareko vaerä, jare tayɨ reta ñogüɨnoita oyangareko vaerä nemichia reta re. Oyetavatɨka retata nderóvai ɨvɨ re ndemboete, jare ndepɨ oipɨte retata. Jare chekuaata che ko jae peYa vae, jare kërai cheré güɨrovia vae reta ngaraa oñemomaraiuka.”

Romanos 9:9

Echa Tumpa jei Abraham pe, körai: “Körai yave ïru año ayu yeta ndépɨri, jayave Sara oimeta ma imembɨ.”

Gálatas 4:23

Jare jókuae tembiokuai kuña imembɨ oa kuimbae jemimbota rupi. Ërei jembireko imembɨ oa Tumpa iporogüɨrökuavee rupi.

1 Pedro 3:6

Sara oiko Abraham jeia re rami, jei reve chupe: “Cheya.” Pe reta ko jae imemɨkuña reta peyapo yave ikavi vae, pekɨɨyembae reve mbaembae güi.