GÉNESIS 15:14 - Biblia Guarani Tumpa Iñee

¹⁴ Ërei jókuae tëtaguasu oiporaraukata chupe reta vae, che aiporaraukata vi chupe reta; kuae jaɨkue rupi oë reta yeta jeta mbaeyekou ndive.

GÉNESIS 15:14 ပူးပေါင်းရင်းမြစ်များ

GÉNESIS 48:21

Jare Israel jei José pe: —Mase, che jaema amanota, ërei Tumpa oïta pe ndive, jae pereroyerova yeta ñaneñemuñagüe reta iɨvɨ pe.

GÉNESIS 50:24

Jare José jei jëtara reta pe: “Che amanota ma, ërei Tumpa outa metei ara pemborɨ, jae perenoeta kuae ɨvɨ güi, arakae ma Tumpa güɨrökuavee ɨvɨ Abraham pe vae, jare Isaac pe jare yanderu Jacob pe vae kotɨ.”

SALMOS 105:42

Echa imaendúa ñererökuavee ikɨambae oyapo jembiokuai Abraham pe vae re.

SALMOS 135:14

Echa yandeYa oyapota jupi vae imbae vae reta pe, oipararekota jembiokuai reta.

SALMOS 135:9

Oyapo mɨakañɨ reta Egipto pe, Faraón kotɨ jare opaete iyɨvɨrigua reta kotɨ.

SALMOS 51:4

Ndekotɨ, ndekotɨño cheyoa, ayapo ikavimbae nderesa róvai; ikavimbae remae jese vae ayapo, jáeramo, chejäa vae, jupi ko.

ÉXODO 12:29

Pɨare mbɨte rupi yandeYa güeru mano opaete membɨrɨpɨ kuimbae re ɨvɨ Egipto pe, Faraón taɨrɨpɨ oï mburuvicharä vae güive tembipɨɨ tembipɨɨrɨru pe oï vae taɨrɨpɨ ave, jare opaete mɨmba reta imembɨrɨpɨ kuimbae.

ÉXODO 3:10

Jáeramo añave eyu, romondota Faraón oïa pe, renoe vaerä Egipto güi tëta chembae, Israel iñemuña reta.

Hechos 7:7

Ërei che aiporaraukata jókuae tëtaguasu oyapota jembiokuai retarä vae reta pe, jare jókuae jaɨkue rupi neñemuña reta oëta joko güi, jare oyeokuai retata cheve kuae ɨvɨ pe.”

DEUTERONOMIO 4:20

Ërei ngatu yandeYa perenoe jókuae horno omondɨkui jiero vae güi, jae ko Egipto, peapo vaerä jae imbaerä, añave rami.

DEUTERONOMIO 6:22

YandeYa oyapo mɨakañɨ tuichagüe jare yavaetegüe Egipto pe, Faraón re jare jëta pegua reta re orerovake.

JOSUÉ 24:17

Echa yandeYa Tumpa ko orerenoe jare oreñemuñagüe reta ɨvɨ Egipto güi, yeokuaiasɨ katu güi, jeta mɨakañɨ tuichagüe yae ete oyapo oreróvai, oreangareko tape rupi, jare orereepɨ roasa yave jeta tëta reta ipɨte rupi.

1 SAMUEL 12:8

Jacob oike ɨvɨ Egipto pe yave, peñemuñagüe reta osapúkai yandeYa kotɨ oiporara reta yave, yandeYa ombou Moisés jare Aarón, jare jae reta güɨnoe peñemuñagüe reta Egipto güi, jare güeru oñono reta kuae ɨvɨ pe.