GÉNESIS 14:20 - Biblia Guarani Tumpa Iñee

²⁰ Jare opaete vae reta tomboete Tumpa Tuichagüe yae ete vae, echa jae ko ndemborɨ remoamɨri nderovaicho reta.” Jayave Abram omee payandepo güi metei, jókuae opaete güeru ye vae güi Melquisedec pe.

GÉNESIS 14:20 ပူးပေါင်းရင်းမြစ်များ

GÉNESIS 14:21

Jaɨkue rupi mburuvicha Sodoma pegua jei körai Abram pe: —Aipota remee cheve opaete kuimbae reta reru ye vaeño, jare topɨta ndeveguarä opaete mbaembae.

GÉNESIS 24:27

jare jei: “¡Toyemboete yandeYa, cheya Abraham iTumpa, echa mbaetɨ ombosɨrɨ iporoparareko cheya Abraham güi, chereru yandeYa jare aväe cheya jëtara reta jëta!”

GÉNESIS 28:22

Kuae ita añono kuae pe vae topɨta oporomomaendúa avei vaerä, toiko Tumpa jo rami; jare opaete mbaembae remeeta cheve vae güi ambosɨrɨta payandepo güi metei ndeveguarä.”

GÉNESIS 47:24

Mbaagüɨye reta ñavo güi pemeeta Faraón pe pandepo vae güi metei, jare irundɨ vae pembaerä, peñotɨ ye vaerä jare peiko jese vaerä, pero pegua reta ndive, okaru vaerä pemichia reta.

GÉNESIS 47:26

Jayave José oñono kuae mborookuai opaete ɨvɨ Egipto re, pandepo vae güi metei Faraón peguarä mbaagüɨye reta ñavo güi; jaeño ete sacerdote reta mbaetɨta omee, echa jae reta iɨvɨ mbaetɨ ko opɨta Faraón imbaerä.

GÉNESIS 9:26

Javoi jei ye: “CheYa Tumpa iporerekua toiko Sem ndive, jare Canaán toiko jembiokuairä.

2 SAMUEL 18:28

Jayave Ahimaas oya jare oyetavatɨka itindɨasɨ ɨvɨ re mburuvicha guasu jóvai, jare oyapo maraetei chupe, jare jei chupe: —Toyemboete ndeYa Tumpa, echa jae ko opa omokañɨtei nde cheruvicha guasu kotɨ oñemopüa vae reta.

2 CRÓNICAS 31:12

oñono reta pɨpe mbaagüɨyerɨpɨ reta, jare payandepo ñavo vae güi metei oñemee vae reta jare mbaembae oñeñono tee yandeYa peguarä vae metei rami kavi. Jare oñono reta joko pe tenondeguarä, oyangareko vaerä opaete jókuae re levita Conanías jare jëtara Simei jae imborɨarä.

NEHEMÍAS 10:37

Jare roñeñono vi rogüɨraja vaerä mbaembae oñeñovatúa pe ñaneTumpa jo pegua pe tenondegua trigo ikuigüe, opaete ɨvɨra iarɨpɨ reta, vino jare olivo iasaite sacerdote reta peguarä, jare levita reta peguarä, opaete roarɨvogüe güi, payandepo vae güi metei, jare jae reta etei omboresive vaerä jókuae payandepo güi metei vae tëta ñavo rupi.

NEHEMÍAS 13:12

jare opaete vae Judá pegua güeru tupao guasu pe imbaembae payandepo vae güi metei vae: Güeru reta trigo, vino, asaite.

SALMOS 144:1

Mbaemboete toiko ndeve cheYa, ita guasu cheñepɨ̈roa; jae chembopoki añoraro vaerä ñeraroa pe.

SALMOS 44:3

Echa mbaetɨ opɨ̈ro reta kuae ɨvɨ ikɨsepuku ae pe, mbaetɨ ko iyɨva pe ave oyeepɨ reta. ¡Jaeño ko ndeyɨva jare ndembaepuere rupi! ¡Jembipe reyekuaa vae rupi, echa nde reaɨu yae reta!

SALMOS 68:19

Toyemboeteuka cheYa; ara ñavo jeta rupi oremboyekou vae, Tumpa orereroasayepe vae.

ÉXODO 18:10

jare jei: —Toyemboete yandeYa, Faraón jare Egiptoɨgua reta ipo güi pereepɨ vae jare oepɨ opaete vae Egiptoɨgua reta ipo güi vae,

AMÓS 4:4

“Pekua Bet-el pe peyoa peikuaa reve, pemoïru pepɨapochɨ Gilgal pe, peru ndeimbove yave mɨmba oyeyukata vae, jare pediezmo mboapɨ ara ñavo.

MALAQUÍAS 3:10

Peru opaete pediezmo mbotarɨru pe, oime vaerä tembíu chero pe; jare peikuaa añave jokoropi, mbaetɨta ra aipea ara jöke ambou vaerä peve mborerekua oarasa regua. Jei yandeYa Imbaepuere yae ete vae.

MALAQUÍAS 3:8

¿Kuimbae ipuere pa mbae oñomi Tumpa güi? ¡Echa pe reta pemaeñomi ko chegüi! Ërei pere: “¿Mbae pa roñomi ndegüi?” ¡Peñomi ko mbota reta jare pediezmo reta!

NÚMEROS 28:26

Jare vi mbaagüɨyerɨpɨ reta güi oñemee mbota pɨau Tumpa pe yave, jae ko arete semana; penoita yemboatɨ guasu Tumpa peguarä, agüɨye peyapo mbae nunga mbaravɨkɨ ave.

San Lucas 18:12

Che ayekuaku tembíu güi mókoi vese semana pe, jare amee ndeve diezmo opaete amongana vae güi.’

Romanos 15:16

ayeokuai vaerä Jesucristo pe judiombae vae reta ipɨte pe, amoërakua Tumpa ñee ikavi vae. Judiombae vae reta vi oñemee vaerä mbota Tumpa pe oñemee vae rami, oñono tee Espíritu Santo rupi vae.

Efesios 1:3

Toyemboete Tumpa, yandeYa Jesucristo Tu. Jae iporerekua yanderé opaete mborerekua ara pegua pe, Cristo re,

DEUTERONOMIO 12:17

Agüɨye peu perëta pe pediezmo, trigo jäɨgüe, vino ani olivo iasaite, peguaka imembɨrɨpɨ ani vecha imembɨrɨpɨ, ani peñererökuavee pemee vaerä vae ani mbota kɨ̈reɨ ngatu reve oñemee vae, ani mbota oñererökuavee vae.

DEUTERONOMIO 14:23

Jare jókuae payandepo güi metei vae peuta yandeYa Tumpa jóvai jae oiparavo jee oikotaa pe, payandepo trigo vae güi metei, jökoraiño vi vino jare olivo iasaite, jare opaete perɨmba imembɨrɨpɨ reta, jökorai peikuaa vaerä pemboete avei yandeYa Tumpa.

DEUTERONOMIO 14:28

Mboapɨ año oasa ñavo, pembaagüɨye reta güi pembosɨrɨta payandepo güi metei jókuae año pegua, jare peñovatu perëta guasu rupi,

JOSUÉ 10:42

Opaete kuae mburuvicha guasu reta, jare iɨvɨ reta Josué opɨ̈ro opaete voi, echa yandeYa Israel iTumpa oñeraro Israel iñemuña reta jekovia pe.