GÉNESIS 13:18 - Biblia Guarani Tumpa Iñee

¹⁸ Jayave Abram oyupavo jare opa oekɨ güɨraja jo guakapi pegua, jare ou oñemoëta, kuimbae Mamre jee vae oikoa kotɨ, tëta Hebrón iyɨpɨ kotɨ. Joko pe omopüa mɨmba oyeyuka oyeapɨ jese vae yandeYa peguarä.

GÉNESIS 13:18 ပူးပေါင်းရင်းမြစ်များ

GÉNESIS 13:4

echa joko pe tenonde yave omopüa mɨmba oyeyuka oyeapɨ jese vae yandeYa peguarä; joko pe Abram oyerure ye yandeYa pe.

GÉNESIS 14:13

Ërei metei kuimbae oasayepe jovaicho reta güi vae, ou omombeu vaerä hebreo Abram pe opaete mbaembae oasa vae regua; echa Abram oiko amorreo Mamre iɨvɨ pe ɨvɨra encinarupa pe; jare Mamre jae ko Escol jare Aner tɨkeɨ. Kuae kuimbae reta oñomoïru Abram ndive.

GÉNESIS 18:1

Jaɨkue rupi yandeYa oyekuaa Abraham pe ɨvɨra encina jee vae jupa pe, Mamre iɨvɨ pe, oputuu oï jo guakapi pegua jöke pe araku güi yave, kuaraɨ ara mbɨte jaɨkue rupi.

GÉNESIS 22:9

Opa ma yogüɨraja oväe Tumpa jei chupea pe yave, joko pe Abraham omopüa mɨmba oyeyuka oyeapɨ jese vae, jare oñono iárambo yepea, jare oipokua taɨ Isaac jare oñono yepea iárambo;

GÉNESIS 23:2

jare omano Quiriat-arba pe, jae ko Hebrón, ɨvɨ Canaán pe; jare Abraham ou ipɨatɨtɨ jese jare oyaeo.

GÉNESIS 26:25

Jayave Isaac omopüa joko pe mɨmba oyeyuka oyeapɨ jese vae, jare oyerure yandeYa jee re, oyatɨka vi jo guakapi pegua jare jembiokuai reta oipea ɨkua joko pe.

GÉNESIS 35:27

Jacob ojo tu Isaac pɨri Mamre pe, tëta Arba pe, jae ko Hebrón, Abraham jare Isaac yogüɨrekosea pe.

GÉNESIS 37:14

Jayave Israel jei chupe: —Ekua añave emae nderɨkeɨ reta re, reikuaa vaerä kërai ñogüɨnoi vae jare vecha reta re vi; jare reyuta remombeu cheve. Jare omondo Hebrón iɨvɨtɨ päu ipe kavi vae güi, jare ojo oväe Siquem pe,

GÉNESIS 8:20

Noé omopüa mɨmba oyeyuka oyeapɨ jese vae yandeYa peguarä, jare oipɨɨ mɨmba oyeu vae ñavo güi, güɨra oyeu vae ñavo güi, oyuka omee opaetei oyeapɨ vae Tumpa pe.

2 SAMUEL 2:1

Kuae jaɨkue rupi David oparandu yandeYa pe, jei reve: —¿Ajata pa kia nunga tëta guasu Judá pegua pe? Jare yandeYa jei chupe: —Ekua. Jare David jei ye: —¿Kia pe pa ajata? Jare jae jei chupe: —Ekua Hebrón pe.

SALMOS 16:8

Ambotenonde avei cheYa, echa oiko avei cheɨke pe, ngaraa chemongúe vae.

NÚMEROS 13:22

Omboɨpɨ oike reta Neguev rupi, yogüɨraja oväe Hebrón pe; joko pe yogüɨreko Ahimán, Sesai jare Talmai, Anac iñemuña reta. Tëta Hebrón yepe oyeapo chiu año ndei oiko mbove tëta Zoán Egipto pegua.

1 Timoteo 2:8

Jáeramo aipota kuimbae reta oyerure vaerä Tumpa pe opaete kerupi rupi omopüa reve ipo, iyarasɨmbae reve jare ñerarombae reve.

Hebreos 11:9

Iporogüɨrovia rupi Abraham oiko ketɨgua rami ɨvɨ oñemeeta chupe vae pe ɨvɨ ambuae pe rami. Oiko o guakapi pegua pe Isaac jare Jacob ndive, yepe tëi jae reta vi ko ɨvɨ iyarä vae.

JOSUÉ 14:13

Jayave Josué jei ñee kavi Caleb, Jefone taɨ kotɨ jare omee chupe Hebrón, jae imbaerä jare iñemuña reta peguarä.

JOSUÉ 15:13

Josué omee Caleb, Jefone taɨ pe Judá iñemuña reta iɨvɨ pe. YandeYa oyókuai rami omee chupe tëta guasu Arba jae ko Hebrón. Arba jae ko Anac tu.