GÉNESIS 12:7 - Biblia Guarani Tumpa Iñee

⁷ YandeYa oyekuaa Abram pe, jare jei chupe: “Neñemuña reta pe ameeta kuae ɨvɨ.” Jayave Abram omopüa mɨmba oyeyuka oyeapɨ jese vae yandeYa peguarä, jókuae jae oyekuaa chupea pe.

GÉNESIS 12:7 ပူးပေါင်းရင်းမြစ်များ

GÉNESIS 12:8

Joko güi ojo oñemoëta vaerä metei kaa pe, Bet-el güi kuaraɨ oëa kotɨ, jare joko pe omopüa jo guakapi pegua; güɨnoi Bet-el kuaraɨ oikea kotɨ jare tëta Hai jee vae kuaraɨ oëa kotɨ; joko pe omopüa mɨmba oyeyuka oyeapɨ jese vae yandeYa peguarä, jare oyerure yandeYa jee re.

GÉNESIS 13:15

echa opaete kuae ɨvɨ remae reï jese vae ameeta ndeve jare neñemuña reta peguarä jekuae avei pegua.

GÉNESIS 13:17

¡Añave, epüa jare ekua emae kuae ɨvɨ ipukugüe re jare ipɨguasugüe re, echa ameeta ko ndeve!”

GÉNESIS 13:18

Jayave Abram oyupavo jare opa oekɨ güɨraja jo guakapi pegua, jare ou oñemoëta, kuimbae Mamre jee vae oikoa kotɨ, tëta Hebrón iyɨpɨ kotɨ. Joko pe omopüa mɨmba oyeyuka oyeapɨ jese vae yandeYa peguarä.

GÉNESIS 13:4

echa joko pe tenonde yave omopüa mɨmba oyeyuka oyeapɨ jese vae yandeYa peguarä; joko pe Abram oyerure ye yandeYa pe.

GÉNESIS 15:18

Jókuae ara etei yandeYa oyapo morogüɨrökuavee päve Abram ndive, jei reve körai: —Neñemuña reta pe ameeta kuae ɨvɨ, ɨ̈aka Egipto pegua güive ɨ̈aka guasu kotɨ, ɨ̈aka Éufrates jee vae pe.

GÉNESIS 17:1

Abram noventa y nueve año güɨnoi yave yandeYa oyeechauka chupe, jare jei chupe: —Che ko jae Tumpa Imbaepuere yae ete vae; eiko cheróvai rupi jare eyapo jupi vaeño,

GÉNESIS 17:3

Jayave Abram oyetavatɨka jare itindɨasɨ ɨvɨ re; jare Tumpa imiari jae ndive, jei reve:

GÉNESIS 17:8

Kuae ɨvɨ Canaán reiko pɨpe vae ameeta ndeve, jare nderaɨkue rupi neñemuña reta peguarä vi ameeta jekuae avei pegua; jare aikota jae reta iTumparä.

GÉNESIS 18:1

Jaɨkue rupi yandeYa oyekuaa Abraham pe ɨvɨra encina jee vae jupa pe, Mamre iɨvɨ pe, oputuu oï jo guakapi pegua jöke pe araku güi yave, kuaraɨ ara mbɨte jaɨkue rupi.

GÉNESIS 22:9

Opa ma yogüɨraja oväe Tumpa jei chupea pe yave, joko pe Abraham omopüa mɨmba oyeyuka oyeapɨ jese vae, jare oñono iárambo yepea, jare oipokua taɨ Isaac jare oñono yepea iárambo;

GÉNESIS 24:7

YandeYa Tumpa ara pe oï vae cherenoe cheru jëta güi jare cherëtara reta güi vae, güɨrökuavee cheve jae jee re aeño: “Neñemuña pe ameeta kuae ɨvɨ” jae ko omondota iAraɨgua nderenonde jare nde reruta joko güi kuña cheraɨ peguarä.

GÉNESIS 26:25

Jayave Isaac omopüa joko pe mɨmba oyeyuka oyeapɨ jese vae, jare oyerure yandeYa jee re, oyatɨka vi jo guakapi pegua jare jembiokuai reta oipea ɨkua joko pe.

GÉNESIS 26:3

eiko oguataiño vae rami kuae ɨvɨ pe, che aïta nde ndive, cheporerekuata nderé, echa ndeve jare neñemuña reta pe ameeta opaete kuae ɨvɨ. Jökorai amoañeteta ñererökuavee ayapo nderu Abraham ndive vae.

GÉNESIS 28:13

Oecha vi yeupika iyapɨteasɨ re oï yandeYa. Jare jae jei: “Che ko ndeYa, neramɨi Abraham iTumpa, jare nderu Isaac iTumpa; kuae ɨvɨ reyapakua reï jese vae ameeta ndeve jare neñemuña reta pe.

GÉNESIS 28:4

Jare tomee ndeve mborerekua Abraham pe güɨrökuavee vae, jökoraiño vi neñemuña reta pe, reiko vaerä kuae ɨvɨ yaiko pɨpe vae iyarä, Tumpa omee Abraham pe vae.”

GÉNESIS 32:30

Jare Jacob ombojee jókuae oñoïraroa, Peniel; echa jei: “Tumpa jova etei aecha, ërei aikoveño, oasayepe cherekove.”

GÉNESIS 33:20

Jaɨkue rupi omopüa mɨmba oyeyuka oyeapɨ jese vae, jare ombojee El-Elohe-Israel.

GÉNESIS 35:12

Ɨvɨ amee Abraham pe jare Isaac pe vae, amee vi ndeve, jare nderaɨkue rupi ameeta neñemuña reta pe.”

GÉNESIS 35:7

Jare omopüa joko pe mɨmba oyeyuka oyeapɨ jese vae, ombojee El-bet-el, echa joko pe Tumpa oyekuaa chupe tɨkeɨ güi osɨi oiko yave.

GÉNESIS 50:24

Jare José jei jëtara reta pe: “Che amanota ma, ërei Tumpa outa metei ara pemborɨ, jae perenoeta kuae ɨvɨ güi, arakae ma Tumpa güɨrökuavee ɨvɨ Abraham pe vae, jare Isaac pe jare yanderu Jacob pe vae kotɨ.”

GÉNESIS 8:20

Noé omopüa mɨmba oyeyuka oyeapɨ jese vae yandeYa peguarä, jare oipɨɨ mɨmba oyeu vae ñavo güi, güɨra oyeu vae ñavo güi, oyuka omee opaetei oyeapɨ vae Tumpa pe.

2 SAMUEL 24:25

jare omopüa joko pe metei mɨmba oyeyuka oyeapɨ jese vae, jare omee jese mɨmba oyeyukagüe opaetei oyeapɨ vae jare mbota yembopɨakatu pegua. Jayave yandeYa oendu tëta isapúkai, jare osondo mbaerasɨ pɨ̈chɨi Israel pe.

1 REYES 18:32

jókuae ita reta pe Elías omopüa mɨmba oyeyuka oyeapɨ jese vae yandeYa jee re; jaɨkue rupi omopɨ̈koe güɨroyere mɨmba oyeyuka oyeapɨ jese vae re, veinte litro mbae ipuere oike pɨpe vae.

1 CRÓNICAS 16:16

morogüɨrökuavee päve Abraham ndive oyapo vae re, jare Isaac pe jei añetete oyeapo vaerä vae re,

1 CRÓNICAS 16:18

jei yave: ‘Ndeve ameeta ɨvɨ Canaán nderu imbaegüe, nderugüe pe oñemee rami.’

2 CRÓNICAS 20:11

Mase, jae reta añave omboekovia oreve, echa oñemopüa oreré orerenoe vaerä oremombo kuae ɨvɨ nde remee orembaerä vae güi.

2 CRÓNICAS 20:7

OreTumpa, nde renoe remombo kuae ɨvɨ pe yogüɨreko vae reta tëta Israel ndembae vae jenonde güi, jare remee ndevɨa-ïru Abraham iñemuña reta pe, jekuae avei pegua.

ESDRAS 3:2

Jayave Jesúa, Josadac taɨ jare jëtara sacerdote reta, jare Zorobabel, Salatiel taɨ jare jëtara reta, omopüa reta mɨmba oyeyukagüe oyeapɨ jese vae Israel iTumpa pe, omee vaerä jese mɨmba oyeyukagüe opaetei oyeapɨ vae, Moisés, Tumpa jembiokuai iporookuai reta jei rami.

ÉXODO 17:15

Jare Moisés oyapo metei mɨmba oyeyuka oyeapɨ jese vae, jare ombojee “yandeYa-nissi,”

ÉXODO 24:4

Moisés oikuatía opaete yandeYa iñee reta, jare opüa pɨareve ndeimbove yave, jare omopüa metei mɨmba oyeyuka oyeapɨ jese vae ɨvɨtɨ igüɨ pe, jare oñono doce ita, Israel doce taɨ iñemuña peguarä ñavo.

ÉXODO 32:13

Nemaendúa nderembiokuai Abraham, Isaac jare Israel re, kuae reta pe nde etei reñererökuavee nderee re, jare rere chupe reta: “Che amoñemuñata peñemuña reta yasɨtata rami, jare ameeta peñemuña reta pe opaete kuae ɨvɨ chemiari jese peve vae, jare oikota jae reta imbaerä jekuae avei pegua.”

ÉXODO 33:1

YandeYa jei Moisés pe: —Ekua. Opa eraja opaete ɨvɨ Egipto güi renoe vae reta, ɨvɨ che arökuavee amee vaerä Abraham, Isaac, jare Jacob pe vae pe, jae reve: Peñemuña reta pe ameeta.

ÉXODO 6:3

Abraham, Isaac jare Jacob pe ayekuaauka, Tumpa Opaete mbaepuere güɨnoi vae ramiño; ërei mbaetɨ ayekuaauka chupe reta cheree peYa rupi.

ÉXODO 6:4

Ayapo vi morogüɨrökuavee päve jae reta ndive, añererökuavee amee vaerä chupe reta ɨvɨ Canaán, ketɨgua rami yogüɨreko pɨpe vae.

JEREMÍAS 3:18

Jókuae ara oväe ma yave, Judá oñemometeita Israel ndive, jare oyerova päveta ɨvɨtuguasu kotɨgua tëtaguasu kotɨ güi, che ɨvɨ amee iñemuñagüe reta pe vae pe.

NÚMEROS 26:53

“Kuae reta pe toyemboyao ɨvɨ, oyepapa ñogüɨnoi rupi.

NÚMEROS 32:11

opaete Egipto güi ñogüɨnoe yave, veinte año vae güi kutɨ ngaraa oike reta ɨvɨ güɨrökuavee jee re Abraham, Isaac jare Jacob pe vae pe, mbaetɨ yogüɨreko jupi rupi jeko pegua.

Hechos 7:5

Ërei Tumpa mbaetɨ omee Abraham pe ɨvɨ imbaerä etei kërai ave yepe. Ërei jei omeeta ko chupe jare iñemuña reta pe iɨvɨrä, yepe tëi Abraham ndei taɨ.

Romanos 9:8

Kuae oipota jei, kuimbae jemimbota rupi ou ñemuña vae rupiä ko Tumpa taɨ reta. Jaeño Tumpa güɨrökuavee vae rupi oñemuña vae reta ko jae ñemuña añetete vae reta.

Gálatas 3:16

Jáeramo Tumpa güɨrökuavee omee vaerä Abraham jare iñemuña pe. Mbaetɨ jei: “Neñemuña reta”, jeta vae re rami. Imiari metei reño, jei: “Neñemuña.” Jókuae jae ko Cristo.

Gálatas 4:28

Jayave cherɨvɨ reta, yande ko Isaac oa morogüɨrökuavee rupi vae rami.

DEUTERONOMIO 1:8

Mase, che ko amee peve jókuae ɨvɨ, peike pepɨ̈ro ɨvɨ che peYa añererökuavee amee vaerä peñemuñagüe Abraham, Isaac jare Jacob pe vae, jare jaɨkue rupigua iñemuña reta pe vae.’

DEUTERONOMIO 30:20

peaɨu yandeYa Tumpa, peendu iñee, peguata avei jupíe; echa jae ko tekove iya peveguarä, peiko puku vaerä; peiko vaerä jókuae ɨvɨ yandeYa güɨrökuavee jee re peñemuñagüe Abraham, Isaac jare Jacob pe vae pe.”

DEUTERONOMIO 34:4

Jare jei chupe yandeYa: “Kuae ko jae ɨvɨ arökuavee cheree re Abraham, Isaac jare Jacob pe vae, jae chupe körai: ‘Neñemuña reta pe ameeta.’ Amaeño reecha etei vaerä nderesa pe, ërei ngaraa reasa jokotɨ.”

DEUTERONOMIO 6:10

YandeYa Tumpa pereroike ma yave ɨvɨ güɨrökuavee peñemuñagüe Abraham, Isaac jare Jacob pe vae pe; omee vaerä peve tëta guasu tuichagüe jare ikavi yae vae, pe mbaetɨ peyapo vae;

DEUTERONOMIO 9:5

Mbaetɨ ko pe jupi yae ani pepɨa isɨmbi yae ramo peiketa pepɨ̈ro ɨvɨ pembaerä, jókuae ɨvɨ pegua reta jeko kavimbae vae jeko pegua ko yandeYa Tumpa omoë omombo peróvai güi, omoañete vaerä yandeYa iñee jei jee re ae peñemuñagüe Abraham, Isaac jare Jacob pe vae.

Hebreos 11:13

Iporogüɨrovia reve opa omano omboresivembae reve Tumpa güɨrökuavee chupe reta vae, ërei oecha reta mombɨrɨ güi iporogüɨrovia rupi jare omomaraetei, jare jae reta omae iyé ketɨguaño ko kuae ɨvɨ pe.

Hebreos 11:8

Iporogüɨrovia rupi Abraham, Tumpa oenɨi yave ojo, Tumpa güɨrökuavee omeeta ɨvɨ imbaerä vae kotɨ; oë ojo oikuaambae reve ketɨ ko ojo vae kotɨ.

JOSUÉ 1:6

Eñemomïrata jare eñemoäta ngatu, echa nde remboyaota kuae reta imbaerä, jókuae ɨvɨ arökuavee cheree re peñemuñagüe reta pe amee vaerä vae.

JOSUÉ 22:10

Jare yogüeru oväe ɨ̈aka Jordán jembeɨ pe, ɨvɨ Canaán pe vɨteri yave, Rubén jare Gad iñemuña reta, jare Manasés iñemuña reta oyemboyaogüe omopüa joko pe mɨmba oyeyuka oyeapɨ jese vae tuicha vae, ɨ̈aka Jordán jembeɨ pe.

JOSUÉ 8:30

Jayave Josué omopüa mɨmba oyeyuka oyeapɨ jese vae yandeYa pe, Israel iTumpa pe ɨvɨtɨ Ebal re,

JUECES 6:24

Jayave Gedeón omopüa metei mɨmba oyeyuka oyeapɨ jese vae yandeYa peguarä jare ombojee yandeYa-Salom kuae oimeño Ofra pe, Abiezer iñemuña reta jëta pe.

1 SAMUEL 7:17

Jókuae jaɨkue rupi ou ye Ramá pe jo güɨnoia pe, jare joko güi oporojäa Israel iñemuña reta re, jare joko pe vi omopüa metei mɨmba oyeyuka oyeapɨ jese vae yandeYa pe.