GÉNESIS 11:31 - Biblia Guarani Tumpa Iñee

³¹ Jare Taré oë tëta Ur güi, Caldeaɨgua reta iɨvɨ güi, ojo vaerä ɨvɨ Canaán jee vae kotɨ. Güɨraja jupíe taɨ Abram, jare jɨmɨmino Lot, jare taɨtatɨ Sarai. Ërei yogüɨraja ma oväe reta tëta Harán jee vae pe yave, joko pe opɨta reta oñemoëta.

GÉNESIS 11:31 ပူးပေါင်းရင်းမြစ်များ

GÉNESIS 10:19

Cananeo iɨvɨ Sidón güive Gerar re katu, Gaza re ojo oya, jare Sodoma re katu, Adma jare Seboim, ojo oya Lasa re.

GÉNESIS 11:32

Jare Taré omano tëta Harán pe, dosciento cinco año güɨnoi yave.

GÉNESIS 12:4

Jare Abram oë ojo jókuae tëta Harán güi, yandeYa jei chupe rami, jare jiɨ Lot ojo vi jupíe; Abram setenta y cinco año ma güɨnoi yave oë tëta Harán güi.

GÉNESIS 12:5

Abram güɨraja jembireko Sarai jare jiɨ Lot, jare opaete imbaembae, jare vi opaete jembiokuai reta Harán pe oguagüe. Oë reta yogüɨraja vaerä ɨvɨ Canaán jee vae kotɨ. Jare opa yogüɨraja oväe Canaán pe.

GÉNESIS 14:12

Jare Lot, Abram tɨvɨ taɨ Sodoma pe oiko vae, oipɨɨ vi güɨraja reta opaete imbaembae ndive.

GÉNESIS 15:7

Jei chupe: —Che ko ndeYa, rogüɨnoe tëta Ur güi Caldeaɨgua reta iɨvɨ güi vae, amee vaerä ndembaerä kuae ɨvɨ.

GÉNESIS 24:10

Jókuae tembiokuai oipɨɨ payandepo iya icamello, jare ojo güɨnoe mbotarä vae oipotagüe iya imbae güi, jare omboɨpɨ oguata ojo regua oväe Mesopotamia pe, Nacor jëta pe.

GÉNESIS 24:15

Jare ndei jae opa imiari mbove, ko ou Rebeca güeru reve iyatiɨ re ɨrɨru, jae ko Betuel tayɨ; Betuel ko jae Milca imembɨ Nacor pe vae, jae ko Abraham tɨvɨ.

GÉNESIS 27:43

Jáeramo, añave eyeapɨsaka jare eyapo cheñee. Epüa ekua Harán kotɨ, chekɨvɨ Labán jëta pe.

GÉNESIS 28:10

Jacob oë Beerseba güi jare ojo Harán kotɨ.

2 REYES 19:12

¿Güɨroasayepe yera tumpa-raanga reta jëtaguasu reta cheñemuñagüe reta opa omboai vae: Tëta Gozán, Harán, Resef jare Edén pegua reta Telasar pe yogüɨreko vae?

NEHEMÍAS 9:7

Nde oreYa ko jae Tumpa, nde ko reiparavo Abram, jare renoe Ur güi, Caldeaɨgua reta jëta guasu güi, jare rembojee Abraham.

JOB 1:17

Kuae imiari vɨteri oï ramboeve, ou ïru oväe jare jei: —Caldeaɨgua reta oyeapo mboapɨ yemboyao oporepeña oreré, jare opa oipɨɨ güɨraja camello reta, opa oyuka tembiokuai reta kɨsepuku pe; jare cheño etei atekuarai ayu vaerä chemiari ndeve.

ISAÍAS 37:12

¿Cheñemuñagüe reta opa omboai tëtaguasu reta vae oepɨ yera itumpa-raanga reta? ¿Oepɨ yera tëta Gozán, Harán, Resef jare Edén pegua reta yogüɨreko Telasar pe vae?

Hebreos 11:8

Iporogüɨrovia rupi Abraham, Tumpa oenɨi yave ojo, Tumpa güɨrökuavee omeeta ɨvɨ imbaerä vae kotɨ; oë ojo oikuaambae reve ketɨ ko ojo vae kotɨ.