GÉNESIS 11:30 - Biblia Guarani Tumpa Iñee

³⁰ Ërei ngatu Sarai mbaetɨ imembɨ, echa imembɨmbae ko.

GÉNESIS 11:30 ပူးပေါင်းရင်းမြစ်များ

GÉNESIS 11:31

Jare Taré oë tëta Ur güi, Caldeaɨgua reta iɨvɨ güi, ojo vaerä ɨvɨ Canaán jee vae kotɨ. Güɨraja jupíe taɨ Abram, jare jɨmɨmino Lot, jare taɨtatɨ Sarai. Ërei yogüɨraja ma oväe reta tëta Harán jee vae pe yave, joko pe opɨta reta oñemoëta.

GÉNESIS 25:21

Isaac oyerure yandeYa pe jembireko re, echa imembɨmbae ko; jare yandeYa oendu chupe iyerure, jare ipurúa chupe jembireko Rebeca.

GÉNESIS 29:31

Jare yandeYa oecha yave Lea oñereröɨrouka, omee chupe imembɨ vaerä; ërei Raquel imembɨmbae ko.

SALMOS 113:9

Jae omee kuña imembɨmbae pe, imembɨ vaerä, jare oyekou vaerä imembɨ reta re. ¡Aleluya!

San Lucas 1:36

Mase, nerëtara Elisabet ipurúa vi, yepe tëi itɨ̈aro ma. Ova yasɨ ma ipurúa oï; yepe tëi ïru vae reta jei chupe imembɨmbae vae.

San Lucas 1:7

Ërei mbaetɨ imichia reta. Echa Elisabet imembɨmbae vae ko. Jare Zacarías jare Elisabet okuakuaa yae reta ma.

JUECES 13:2

Zora pe oiko metei kuimbae Manoa jee vae Dan iñemuña pegua; jembireko mbaetɨ imembɨ, echa imembɨmbae ko.

1 SAMUEL 1:2

Jare Elcana mókoi jembireko. Metei jee Ana, ïru jee Penina. Jare Penina oime imembɨ reta, ërei Ana mbaetɨ imembɨ.

1 SAMUEL 1:5

Ërei Ana pe omee oiparavo kavigüe; echa oaɨu yae, yepe tëi yandeYa mbaetɨ omee imembɨ vaerä.