GÉNESIS 11:2 - Biblia Guarani Tumpa Iñee

² Oyakavo reta yave kuaraɨ oëa kotɨ güi, oväe reta chupe metei ñuu kavi ɨvɨ Sinar jee vae pe, jare joko pe oñemoëta reta.

GÉNESIS 11:2 ပူးပေါင်းရင်းမြစ်များ

GÉNESIS 10:10

Jae omboɨpɨ oporookuai tëta tuicha vae reta Babel, Erec, Acad jare Calne re, ɨvɨ Sinar pe.

GÉNESIS 11:1

Jókuae ara rupi opaete vae ɨvɨ pegua reta imiarise metei vae ñee peño.

GÉNESIS 11:9

Jáeramo kuae tëta jee Babel, echa joko pe yandeYa opa omoambuae opaete vae reta iñee, jökorai joko güi opa omoai moai ɨvɨ iárambo rupi.

GÉNESIS 13:11

Jayave Lot oiparavo iyeupe opaete kuae ɨvɨpe kavi ɨ̈aka Jordán iyɨ́vɨri rupigua. Jökorai Lot osɨrɨ itutɨ Abram güi, jare oyakavo kuaraɨ oëa kotɨ.

GÉNESIS 14:1

Jókuae ara rupi oiko Amrafel mburuvicha Sinar pegua, Arioc mburuvicha Elasar pegua, Quedorlaomer mburuvicha Elam pegua jare Tidal mburuvicha Goim pegua.

ISAÍAS 11:11

Jökoraiño vi jókuae ara yandeYa, imbaepuere rupi güeru yeta imbae vae reta jembɨregüe oimeño opɨta Asiria pe vae, Egipto pe, Patros pe, Etiopía pe, Elam pe, Sinar pe, jare Hamat pe jare ɨguasu jembeɨ rupigua tëta reta güi.

DANIEL 1:2

Jare yandeYa omee ipo pe, Joacim mburuvicha guasu Judá pegua, jare jeta tembiporu reta Tumpa jo pegua; jare güeru ɨvɨ Sinar pe, itumpa jo pe, jare oñono tembiporu reta, mbaembae jepɨ yae vae oñeñovatúa pe, itumpa jo pe.

ZACARÍAS 5:11

Jayave jae jei cheve: “Oñemopüa vaerä chupe o, ɨvɨ Sinar pe. Jare opa ma oyeapo yave oñono retata jenda re.”