GÉNESIS 1:28 - Biblia Guarani Tumpa Iñee

²⁸ Jare iporerekua jese reta; jei chupe reta: “Peñemuña jare pemotɨnɨe jare peiporu ɨvɨ; peyangareko jare penoi mbaepuere jevae reta ɨ rupigua re, güɨra reta re, jare opaete mbaemɨmba reta omɨi ɨvɨ rupi vae re.”

GÉNESIS 1:28 ပူးပေါင်းရင်းမြစ်များ

GÉNESIS 1:22

Jare iporerekua jese reta, jei körai: “Peñemuña jeta jare pemotɨnɨe ɨguasu. Güɨra reta, peñemuña jeta kuae ɨvɨ iárambo.”

GÉNESIS 17:16

Cheporerekuata Sara re, jae rupi ameeta nderaɨrä; añetete ko cheporerekuata jese, jare jae ko tëta metei tugüɨ jare metei teko vae ichɨrä, jare tëtaguasu reta juvicha reta chugüi oëta.

GÉNESIS 17:20

Ismael regua aendu vi ndeve; cheporerekuata vi jese, jare amoñemuñata jeta yae; doceta taɨ reta, mburuvicharä kuae reta. Iñemuña reta güi oëta tëtaguasu tuicha yae vae.

GÉNESIS 24:60

Jare omboyupavo ñee kavi reve jei reta chupe: “¡Orereindɨ! ¡Eiko jeta vae reta ichɨrä, neñemuña reta topɨ̈ro jovaicho reta jöke!”

GÉNESIS 26:24

Jókuae pɨ̈tu yandeYa oyekuaa chupe, jare jei: “Che ko jae nderu Abraham iTumpa. Agüɨye ekɨɨye, echa che aï nde ndive, cherembiokuai Abraham jeko pegua cheporerekuata nderé, jare ambojetata neñemuña reta.”

GÉNESIS 33:5

Jaɨkue rupi Esaú omopüa iñäka, omae, oecha kuña reta jare michia reta, yave oparandu: —¿Kia pa kuae reta? Jacob jei chupe: —Jae ko michia reta Tumpa omee che nderembiokuai pe vae.

GÉNESIS 49:25

¡Yasoropai nderu iTumpa pe, jae ndemborɨta, Tumpa imbaepuere yae ete vae jee re, jae iporerekuata nderé! ¡Iporerekuata ɨvate güi, okɨ katu vae rupi! ¡Iporerekuata ɨvɨ ñäkɨ ngatu vae rupi! ¡Jare iporerekuata reñemuña ngatu vaerä!

GÉNESIS 5:2

Kuimbae jare kuña oyapo; iporerekua jese reta. Jare ombojee reta Adán jókuae ara oyapo yave.

GÉNESIS 6:1

Kuimbae reta omboɨpɨ ma oñemuña yave ɨvɨ iárambo, oa chupe reta tayɨ.

GÉNESIS 8:17

Enoe vi opaete mɨmba reta ñogüɨnoi nde ndive vae: Güɨra reta, jevae reta jare opaete ipɨtía re oguata vae. Jare toyogüɨraja toñemuña reta ɨvɨ iárambo rupi.”

GÉNESIS 9:1

Tumpa iñee kavi Noé pe jare taɨ reta pe, jei chupe reta körai: “Peñemuña jeta, pemotɨnɨe vaerä ɨvɨ.

GÉNESIS 9:7

Ërei pe reta, peñemuña jeta kuae ɨvɨ pe. Pemotɨnɨe kuae ɨvɨ.”

1 CRÓNICAS 26:5

ovaa jae Amiel, chiúa jae Isacar, jare juría jae Peultai. Jeta taɨ, echa Tumpa iporerekua Obed-edom re.

1 CRÓNICAS 4:10

Jabes oyerure Israel iTumpa pe, jei reve: “Romoñera ndeporerekua vaerä cheré jare emee cheve tuicha ɨvɨ, chemborɨ jare chereroasayepe ikavimbae güi, agüɨye vaerä aiporara.” Jare Tumpa omee chupe oiporugüe.

JOB 39:11

¿Ndepuereta ra reyerovia jese ipɨ̈rata yae ramo, ani reeya jae oyapo vaerä ndeparavɨkɨ?

JOB 42:12

Jare yandeYa iporerekua Job re, oasa ye tenonde vae güi. Echa güɨnoi catorce mil vecha, seis mil camello, mil yoayu güeye, jare mil mburika.

SALMOS 107:38

Jae iporerekua jese reta, omoñemuña jetagüe; jökoraiño vi jɨmba reta.

SALMOS 115:16

Ara reta yandeYa imbae ko, jare ɨvɨ omee kuimbae reta pe.

SALMOS 69:34

¡Pemboete yandeYa, opaete oikove vae reta; ara, ɨvɨ, ɨguasu reta pegua reta!

SALMOS 8:6

Jare reñono reyapogüe reta re; opaete reñono ipo pe:

SALMOS 8:7

Vecha reta jare güeye reta, jaeramiño vi opaete mɨmba kaa rupigua,

ISAÍAS 45:18

Echa yandeYa, ara iyapoa, Tumpa, ɨvɨ oyapo vae, omopöra kavi jare oñono kavi jenda pe vae, mbaetɨ oyapoiño, oyapo ko oime vaerä pɨpe mbaembae; jae jei körai: “Che ko jae peYa, mbaetɨ yé oime ïru.

LEVÍTICO 26:9

Echa che ayerova yeta pekotɨ, jare pombokuakuaata jare pombojetata jare cheporogüɨrökuavee päve amoañeteta pe ndive.

1 Timoteo 4:3

Oyopia retata omenda, jare oyopia retata tembíu Tumpa oyapo vae, jókuae oporogüɨrovia vae reta jare añete vae oikuaa vae reta ipuere vaerä jou omee reve yasoropai jese vae.