GÉNESIS 1:26 - Biblia Guarani Tumpa Iñee

²⁶ Jayave Tumpa jei: “Yayapo kuimbae yande rami, togüɨnoi mbaepuere jevae reta ɨguasu rupigua re, güɨra reta re, mbaemɨmba reta ɨvɨ pegua re, jare opaete mɨmba reta ipɨtía re oguata vae re.”

GÉNESIS 1:26 ပူးပေါင်းရင်းမြစ်များ

GÉNESIS 11:7

Añave, ikavi yagüeyɨ joko pe yamoambuae chugüi reta iñee, agüɨye vaerä ipuere oikuaa reta iñee oyoupe.”

GÉNESIS 2:19

YandeYa Tumpa güeru Adán pe opaete ɨvɨ güi oyapogüe, opaete mbaemɨmba ñana rupigua, jare opaete güɨra reta, ipuere vaerä omae jese jare kërai ombojee. Jare opaete oikove vae reta Adán ombojee vae, jökorai ko jee.

GÉNESIS 3:22

YandeYa Tumpa jei iyeupe: “Añave, kuimbae oiko ma yande rami, oikuaa ma ikavi vae jare ikavimbae vae re; ërei añave agüɨye tipóyai toekɨ tou ɨvɨra tekove pegua iagüe, echa jou yave oikopukuta.”

GÉNESIS 5:1

Jae ko kuae tembikuatía Adán iñemuña reta oñemoapɨta oï pɨpe vae regua. Tumpa oyapo yave arakae kuimbae, Tumpa rami oyapo.

GÉNESIS 9:6

“Kia ñavo japicha oyuka yave, jae tomano vi japicha ipo pe. Echa kuimbae, Tumpa rami ko ayapo.

JOB 35:10

ërei mbaetɨ oeka reta Tumpa jae iyapoa, omee yerovia pɨ̈tu yave vae,

JOB 39:11

¿Ndepuereta ra reyerovia jese ipɨ̈rata yae ramo, ani reeya jae oyapo vaerä ndeparavɨkɨ?

JOB 5:23

Ita reta ave ngaraa ndemboavai ndeko pe, mɨmba reta ñana rupigua ngaraa maratu ndeapo.

SALMOS 100:3

Peikuaa, kërai yandeYa ko jae Tumpa; jae ko yandeapo, yande aeñoä ko yayeapo; ¡jae imbae ko yande, ivecha reta ikapii jokɨ katúa pegua!

SALMOS 149:2

Israel iñemuña reta, peyerovia peApoa re; Sión pegua reta, peyerovia peRuvicha guasu re.

ECLESIASTÉS 7:29

Aväe chupe vae jaeño kuae: Tumpa oyapo jupi kuimbae, ërei jae aeño oñererokomegua.

CANTARES 1:11

Yayapota ndepoɨrä oro pegua, korepoti pe oñemopöra kavi vae.

ISAÍAS 45:18

Echa yandeYa, ara iyapoa, Tumpa, ɨvɨ oyapo vae, omopöra kavi jare oñono kavi jenda pe vae, mbaetɨ oyapoiño, oyapo ko oime vaerä pɨpe mbaembae; jae jei körai: “Che ko jae peYa, mbaetɨ yé oime ïru.

ISAÍAS 6:8

Jaɨkue rupi aendu yandeYa iñee, jei körai: “¿Kia ra amondota? ¿Kia ra güɨrajata oreñee?” Jayave che jae: “Ko aï, che chemondo.”

ISAÍAS 64:8

Ërei oreYa, nde ko jae oreRu; ore ko ñaeu, nde ko jae oreapoa; ¡nderembiapo ko opaete ore reta!

JEREMÍAS 27:6

Jare añave che amee opaete ɨvɨ cherembiokuai Nabucodonosor, mburuvicha guasu Babilonia pegua ipo pe, mɨmba ñana rupigua reta ave opa amee ipo pe.

San Juan 14:23

Jesús jei chupe: —Cheraɨu vae oyapota che jae vae. Jare cheRu oaɨuta. Jare royuta roiko vaerä jae ndive.

San Juan 5:17

Ërei Jesús jei chupe reta: —CheRu mbaetɨ ko opoi iparavɨkɨ güi, jare che vi aparavɨkɨ.

Hechos 17:20

Echa kuae remoërakua oreve vae roikuaambae ko. Jáeramo roipota roikuaa mbae ra oipota jei vae.

Hechos 17:26

Jae oyapo metei kuimbae güi opaete vae reta yogüɨreko vaerä ɨvɨ iárambo. Tumpa etei ko omee ɨvɨ pegua reta pe kërai yave jare kia pe yogüɨreko vaerä.

1 Corintios 11:7

Echa kuimbae mbaetɨ jaekavi oñeäka-soi vaerä. Echa Tumpa oyapo kuimbae jae rami, iyemboetearä. Ërei kuña ko jae kuimbae iyemboetea.

2 Corintios 3:18

Jáeramo, opaete yande ñamae ramboeve yandeYa iyemboetea re epeo rupi rami, yayepoepɨ yaja yaiko yandeYa iEspíritu rupi.

2 Corintios 4:4

Echa kuae ɨvɨ pegua tumpa ombopɨtumimbi oporogüɨroviambae reta iyarakuaa, agüɨye vaerä oikuaa kavi ñee ikavi vae Cristo iyemboetea regua. Jae ko Tumpa etei.

Efesios 4:24

Peyemonde teko ipɨau vae pe, Tumpa jae rami oyapo vae pe, jupi vae pegua pe, oñeñono tee añetete pegua vae.

Colosenses 1:15

Cristo rupi yaecha Tumpa oyekuaambae vae; Taɨ jae ko opaete mbaembae oyeapogüe iYa.

Colosenses 3:10

jare peyemonde ma teko ipɨau vae pe. Echa kuae teko ipɨau vae oyembopɨau aveita ojo oiko oyekuaa regua iyapoa rami, oikuaa kavi regua.

Santiago 3:7

Ɨvɨ pegua reta omomaso oipotagüe mɨmba tuicha vae, güɨra reta, mboi reta, ɨ rupigua reta. Jare imaso reta.

Santiago 3:9

Ñanekü pe yamboete yandeRu Tumpa. Pɨpe vi yayepopeyu ïru vae reta re, yepe tëi Tumpa oyapo reta jae etei rami.

1 Juan 5:7

Oime ko mboapɨ ara pe omombeu kuae regua vae, jae ko: YandeRu, Ñee jare Espíritu Santo. Kuae mboapɨ reta meteiño ko.