GÉNESIS 1:24 - Biblia Guarani Tumpa Iñee

²⁴ Tumpa jei: “Tomoñemuña ɨvɨ mbae oikove vae reta ñavo ñavo ambuaeyee vae: Mbaemɨmba reta tëta rupigua jare ñana rupigua, jare opaete ïru mɨmba ɨvɨ iárambo omɨi vae.” Jare oiko jökorai.

GÉNESIS 1:24 ပူးပေါင်းရင်းမြစ်များ

GÉNESIS 1:23

Jökorai ou pɨ̈tu jare ara, jae ko pandepoa ara pe.

GÉNESIS 2:19

YandeYa Tumpa güeru Adán pe opaete ɨvɨ güi oyapogüe, opaete mbaemɨmba ñana rupigua, jare opaete güɨra reta, ipuere vaerä omae jese jare kërai ombojee. Jare opaete oikove vae reta Adán ombojee vae, jökorai ko jee.

GÉNESIS 6:20

Güɨra reta ñavo ambuaeyee vae, jare mbaemɨmba ñavo ambuaeyee vae jare opaete ipɨtía re oguata vae, oiketa nde ndive mókoi mókoi päve, oikove reta vaerä.

GÉNESIS 7:14

Jae reta, jare opaete mɨmba reta ñavo ambuaeyee oyougüi vae, ñana rupigua jare tëta rupigua, opaete ipɨtía re oguata vae jare opaete güɨra ñavo ambuaeyee oyougüi vae.

GÉNESIS 8:19

Jare vi opaete mɨmba reta, jare opaete ipɨtía re oguata vae jare opaete güɨra reta, jare opaete ɨvɨ iárambo omɨi vae ñavo oë reta arca güi.

JOB 39:1

¿Reikuaa pa kërai yave kavara reta ñana rupigua imembɨ oa, reecha pa guasukaka kuña imembɨ oa?

JOB 39:19

¿Nde pa remee kavayu pe ipɨ̈rata vaerä, ani remboaruanda ia pe?

JOB 39:5

¿Kia pa omaeño mburika ñana rupigua re, kia pa oyora iïcha?

JOB 39:9

¿Rerovia pa toro pochɨ vae ndepuere reyókuai, ani repɨta jae ndive jókai pe?

JOB 40:15

Mase, emae mbaeporou Behemot re, che ayapogüe ko, nde roapo rami, ñana jou, güeye reta rami;

SALMOS 104:18

Ɨvɨtɨ ɨvate vae reta kavara ñana rupigua reta peguarä, ɨ̈vavira reta, tapiti reta ikuarä.

SALMOS 104:23

Javoi kuimbae oë ojo iparavɨkɨa kotɨ, oparavɨkɨ iko pe kaaru regua.

SALMOS 148:10

¡Mɨmba ñana rupigua reta jare mɨmba tëta rupigua reta! ¡Mɨmba ipɨtía re oguata vae reta jare güɨra reta!