GÉNESIS 1:11 - Biblia Guarani Tumpa Iñee

¹¹ Jaɨkue rupi Tumpa jei: “Ɨvɨ tomoñemuña ñana jokɨ vae, temitɨ jäɨ vae reta; ɨvɨra ia vae, metei ñavo ambuaeyee ia oyougüi vae: Jare toï ia iyɨvɨte pe jäɨ, ɨvɨ iárambo.” Jare oiko jökorai.

GÉNESIS 1:11 ပူးပေါင်းရင်းမြစ်များ

GÉNESIS 1:12

Jare ɨvɨ omoñemuña opaete ñana jokɨ vae, jare temitɨ ñavo ñavo ambuaeyee ia jare jäɨ vae, güɨnoi ia iyɨvɨte pe jäɨ vae. Jare oecha ikavi yae ko.

GÉNESIS 1:29

Jare Tumpa jei: “Ko amee peve opaete temitɨ oime jäɨ vae, ɨvɨ re oï vae. Jare opaete ɨvɨra ia vae jare oime jäɨ vae; amee peve perembiurä.

GÉNESIS 2:16

YandeYa Tumpa oyókuai kuimbae, körai jei chupe: “Opaete ɨvɨra iagüe kuae kó pe oï vae ndepuere reu;

GÉNESIS 2:5

Opaete ñana ndeiño vɨteri oë ɨvɨ güi, jare opaete temitɨ ndeiño vɨteri jeñɨi. Echa yandeYa Tumpa ndeiño ombou ama ɨvɨ re, ndeiño vi oime kuimbae omaetɨ vaerä.

GÉNESIS 2:9

Jare yandeYa Tumpa ombokuakuaauka ɨvɨ güi opaete ɨvɨra ia ikavi yae oyekuaa jare ikavi yae oyeu vaerä vae. Jaeramiño vi oñono kó mbɨte pe ɨvɨra tekove pegua. Jare ɨvɨra, ikavi vae jare ikavimbae oikuaauka vae.

JOB 28:5

Ɨvɨ iarambogua ete omoñemuña tembíu, ërei igüɨ kotɨ güɨnoi tata rami.

SALMOS 1:3

Jókuae nunga kuimbae ko metei ɨvɨra ɨ̈aka jembeɨ pe oï vae rami, ia iara oväe yave ia, jokɨ katu avei, mbaetɨ jo osururu. ¡Opaete mbaembae oyapogüe oë kavi chupe!

SALMOS 147:8

Jae ko oyasoi ara amapɨtu pe, jae ko oñono kavi ama okɨ vaerä ɨvɨ re, jae ko ombokuakuaa ñana ɨvɨtɨ guasu reta re.

ISAÍAS 61:11

Echa ɨvɨ pe jokɨ ɨvɨra, jare kó raɨ pe jokɨ pɨau temitɨ vae rami ko, jökorai yandeYa Tumpa oyapota jupi vae, jare opaete tëtaguasu reta otairarita ombaemboete.

JEREMÍAS 17:8

Echa ɨ jembeɨ pe ɨvɨra oï vae ramita ko, japo reta oupitɨta ɨ oguataa, jare ngaraa oyandu kuaraɨasɨ, jokɨ katu aveita, ara-tini pe mbaetɨta ipiru, jare ia aveita.

San Mateo 3:10

Jáeramo temitɨ oyeasɨa vaerä ma ko oï japo reve, echa opaete temitɨ ikavimbae vae iya oyasɨa ko oapɨ vaerä.

San Mateo 6:30

Tumpa omopöra yae ñana, yepe tëi añave oï ko pe jare pɨareve pe oyeapɨ. Vɨtei pa pe reta, omeeta ko peve peremimonderä, ¡iporogüɨrovia michi vae reta!

San Marcos 4:28

Echa temitɨ oë jaeiño ɨvɨ güi, tenonde iɨ, javoi avatikɨ, joko güi avati.

1 Corintios 15:38

Ërei Tumpa oyapo jókuae temitɨ jäɨ güi, jare oipota rami. Jare jäɨ reta jökorai vi oyapo.

Hebreos 6:7

Echa okɨ avei vae pegua ɨvɨ, oparavɨkɨ vae pe okuakuaa kavi jemitɨ jökorai Tumpa iporerekua jese;

Santiago 3:12

Cherɨvɨ reta, ¿ipuere pa ɨva ia saini ani uva ipuere pa ia ɨva? Jökoraiño vi, metei ɨkua güi ngaraai oë ɨ ikavi vae jare ɨ jembochɨ vae.