Gálatas 6:18 - Biblia Guarani Tumpa Iñee

¹⁸ Cherɨvɨ reta, yandeYa Jesucristo ipɨakavi toï pe ndive. ¡Amén!

Nuevo Testamento Guaraní Pe

¹⁸ Cherɨvɨ reta, ñandeYa Jesucristo ipɨacavi toi pe ndive. Amén.

Gálatas 6:18 ပူးပေါင်းရင်းမြစ်များ

Hechos 1:15

Jare jókuae ara reta rupi Pedro imiari oporogüɨrovia vae reta ciento veinte rupi oyemboatɨ ñogüɨnoi vae pe, jei:

Romanos 1:13

Cherɨvɨ reta, aipota peikuaa kërai che mbovɨ ye ma ayupavo tëi aja vaerä pépɨri (ërei jekuaeño mbae chemboavai), echa aipota ayeokuai Cristo pe pepɨte pe, ïru judiombae vae reta ipɨte rupi ayeokuai rami.

Romanos 16:20

jayave Tumpa mbɨakatu omee vae ɨmambae tomoamɨri Satanás, toñono pepɨ igüɨ pe. YandeYa Jesucristo ipɨakavi toï pe reta ndive.

Romanos 16:23

Gayo omondo vi peve tamaraeme, aiko jo pe vae jare opaete oporogüɨrovia vae reta oyomboatɨ jo pe vae. Omondo vi peve tamaraeme Erasto, tëta guasu pegua korepoti iñovatúa. Jare yanderɨvɨ Cuarto vi.

2 Corintios 13:14

YandeYa Jesucristo ipɨakavi, Tumpa iporoaɨu jare Espíritu Santo iñemoïru toï opaete pe ndive. ¡Amén!

Gálatas 3:15

Cherɨvɨ reta, tachemiari peve kuae ɨvɨ pe mbae oyeapo vae re: Ɨvɨ pegua reta morogüɨrökuavee päve oyapo oyoupe yave, ngaraa ye ma kia omboai, ngaraa vi kia ipuere omoïru ye.

Gálatas 4:12

Cherɨvɨ reta, pomoñera peyapo vaerä che ayapo rami. Echa che ayeapo vi pe rami. Mbaetɨ etei mbae ikavimbae vae peyapo chekotɨ.

Gálatas 4:28

Jayave cherɨvɨ reta, yande ko Isaac oa morogüɨrökuavee rupi vae rami.

Gálatas 6:1

Cherɨvɨ reta, oime yave kia oyepokouka mbae ikavimbae vae oyapo yave vae, pe reta peguata kavi Tumpa kotɨ vae peñono kavi peñemomichi reve. Peyeandu reve, agüɨye vaerä pe vi peyapo mbae ikavimbae vae.

2 Timoteo 4:22

YandeYa Jesucristo toï nde ndive. Tumpa ipɨakavi toï pe ndive. ¡Amén!

Filemón 1:25

YandeYa Jesucristo ipɨakavi toï nde ndive. ¡Amén!

Apocalipsis 22:21

YandeYa Jesucristo ipɨakavi toï opaete pe reta ndive. ¡Amén!