Gálatas 6:15 - Biblia Guarani Tumpa Iñee

¹⁵ Echa Cristo Jesús re mbaeä ko yayembocircuncidauka vae ani mbaetɨ vae. Ikavi vae jae ko ñanoi vaerä tekove ipɨau vae.

Nuevo Testamento Guaraní Pe

¹⁵ Echa Cristo Jesús re yarovia yave, ñañemocircuncidauca yave mbaeti co mbae, jare mbaeti yave ñañemocircuncidauca mbaeti co mbae. Jaeño icavi Tumpa pe ñanoi vaera tecove ipɨau vae.

Gálatas 6:15 ပူးပေါင်းရင်းမြစ်များ

Romanos 2:26

Jare oyembocircuncidambae vae oyapo yave mborookuai jei vae, jae oyeapo ko metei oyembocircuncida vae rami.

Romanos 2:28

Echa metei judío, mbaetɨ ko judío oyekuaa vae rupiño. Jaeramiño vi metei oyembocircuncidauka vae, mbaetɨ ko jete pe oyembocircuncidauka vae güiño.

Romanos 6:4

Echa bautismo rupi, ñañeotɨuka Cristo ndive imano pe, jare Cristo oikove ye omanogüe reta ipɨte güi Tumpa imbaepuere pe rami, jökorai vi yande yaikove tekove ipɨau vae pe.

Romanos 8:1

Jáeramo, Tumpa ngaraa etei omboeko Cristo Jesús re güɨrovia vae reta. Jókuae Espíritu jei vae rupi oiko, mbaetɨ isoo jemimbota reño oiko vae.

1 Corintios 7:19

Yayembocircuncidauka vae, mbaeä ko jare yayembocircuncidaukambae vae, mbaeä vi. Ikavi vae jae ko yayapo Tumpa iporookuai reta vae.

2 Corintios 5:17

Jáeramo, kia güɨrovia Cristo re vae, oa pɨau ye rami ko. Opaete teko tenondegua oasa ma. Ipɨau ma ko.

Gálatas 5:6

Echa Cristo Jesús re, mbaeä ko oyembocircuncida vae, ani oyembocircuncidaukambae vae. Ikavi vae jae ñanoi yave mborogüɨrovia mboroaɨu reve vae.

Efesios 2:10

Echa Tumpa jembiapo ko yande, yandeapo Cristo Jesús re, yayapo vaerä mbae ikavi vae. Kuae ko tenonde güive voi ma Tumpa omokätɨro yayapo vaerä.

Efesios 2:15

omboai jete pe ñomotareɨ reta, omboai mborookuai jei vae reta, judío reta jare judiombae vae reta güi oyapo metei tëta ipɨau vae imbaerä; jökorai omee mbɨakatu chupe reta,

Efesios 4:24

Peyemonde teko ipɨau vae pe, Tumpa jae rami oyapo vae pe, jupi vae pegua pe, oñeñono tee añetete pegua vae.

Filipenses 3:3

Echa yande ko jae añetete oyembocircuncida vae reta, echa yande yamboete Tumpa Espíritu rupi, mbaetɨ etei yayeko yandesoo pe oyeapo vae re.

JOSUÉ 5:5

Echa opaete Egipto güi ñogüɨnoe vae oyembocircuncida ko; ërei taɨkue, tape rupi, ñuu rupi oa vae reta mbaetɨ oyembocircuncida.

Apocalipsis 21:5

Jare oguapɨ oï mburuvicha iguapɨa pe vae jei: “Mase, ko ayapo pɨau opaete mbaembae.” Jei vi: “Eikuatía. Echa kuae ñee reta jupi jare añetete ko.”