Gálatas 6:12 - Biblia Guarani Tumpa Iñee

¹² Oipota oyemboeteuka ïru vae reta pe vae, oipota peyembocircuncida, agüɨye vaerä oiporara reta Cristo ikurusu jeko pegua.

Nuevo Testamento Guaraní Pe

¹² Oipota oñemboeteuca iru vae reta pe vae reta oipota yae peñemocircuncidauca vaera, agüɨye vaera iru vae reta oyapo icavi mbae vae chupe reta Cristo icurusu jeco pegua.

Gálatas 6:12 ပူးပေါင်းရင်းမြစ်များ

San Mateo 23:27

¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta ko jae tɨvɨa oñemotï kavi vae reta ramiño. Echa tɨvɨa ipöra kavi oyekuaa ikatu rupi, ërei japɨpe pe tɨnɨe omanogüe ikägüegüe jare ikɨa.

San Mateo 23:28

Jökorai ko pe reta peyekuaa, ikavi ani jupiecha ïru vae reta pe, ërei pepɨa tɨnɨe tavɨ jare ikavimbae vae pe.

San Mateo 23:5

Echa jókuae oporomboe vae reta mbae oyapo yave, ïru vae reta oecha vaeräño ko oyapo. Echa jae reta mborookuai oyekuatiagüe oñono iyé vae jɨru, ombopɨguasu kavi reta iyeupe jare jemimonde jopea ombopuku reta iyeupe.

San Mateo 5:10

Oyerovia ko jupi vae oyapo jeko pegua oiporara vae reta. Echa jae reta imbae ko araɨgua mborookuaía.

San Mateo 6:16

Peyekuaku tembíu güi yave, agüɨye perovambuae pemboyekuaa jova mókoi vae reta oyapo rami. Echa jae reta jovambuae omboyekuaa ïru vae reta pe oyekuaku ko ñogüɨnoi tembíu güi vae. Añete che jae peve, jókuae rupi jepɨ ma ko chupe reta.

San Mateo 6:2

Jáeramo, rembopota paravete vae reta yave, agüɨye eyapo opaete vae reta ndereecha vaeräño, jova mókoi vae reta oyapo rami, judío reta itupao reta pe jare kaye rupi, ïru vae reta omboete vaeräño. Añete che jae peve, jókuae rupi jepɨ ma ko chupe.

San Mateo 6:5

Reyerure Tumpa pe yave, agüɨye eyerure jova mókoi vae reta oyapo rami, echa omomora oyemboɨ reta oyerure judío reta itupao pe jare kaye reta iekina pe. Oipota kia reta oecha vaeräño. Añete che jae peve, jókuae rupi jepɨ ma ko chupe reta.

San Lucas 16:15

Jayave Jesús jei chupe reta: —Pe retaiño peyembojupi ïru vae reta jóvai vae ko pe. Ërei Tumpa oikuaa pepɨa pe oï vae. Echa kuimbae reta ombotuicha yae vae, Tumpa peguarä ikavimbae yae ko.

San Lucas 20:47

Jare jae reta opɨ̈ro imemano vae reta güi opaete imbaembae, jare oyereroviauka vaerä puku oyerure reta Tumpa pe añetegüe nunga. Jáeramo oiporara yae retata ko.”

San Juan 7:18

Iyeugüi aeño imiari vae oeka oyemboeteuka vaeräño, ërei oeka omboeteuka vaerä imboúa vae, jae oporomboe añete vae re. Mbaetɨ oñeväe jese jupimbae.

Hechos 15:1

Jare jókuae ara rupi amogüe kuimbae reta yogüeru Judea güi Antioquía pe vae omboe oporogüɨrovia vae reta, jei reta: “Mbaetɨ yave peyembocircuncida Moisés iporookuai pe jei rami, ngaraa pepuere peyemboasauka.”

Hechos 15:5

Ërei amogüe fariseo oporogüɨrovia vae reta opüa jare jei: —Toyembocircuncida judiombae oporogüɨrovia vae reta, jare toyapo reta Moisés iporookuai.

2 Corintios 10:12

Echa ore mbaetɨ roipota roñeenɨi ani royemboyovake jókuae oyemboete jae reta aeño vae reta ndive. Ërei jae reta oñojäa yemongeta oñono iyeupe vae rupi aeño. ¡Mbaetɨ ko iyarakuaa reta!

2 Corintios 11:13

Jae reta temimondo jaanga retaño ko. Oporombotavɨ vae reta ko. Oyemonde reta Cristo jemimondo reta rami.

Gálatas 2:14

Jáeramo aecha yave mbaetɨ oyapo jupi rupi ñee ikavi vae jei vae rami, jae Pedro pe opaete vae jovake: “Nde ko judío, ërei reiko judiombae vae reta yogüɨreko rami, mbaetɨ reiko judío rami. Jáeramo, ¿maera pa reipota judiombae vae reta yogüɨreko judío reta rami?”

Gálatas 2:3

Jare mbaetɨ Tito che ndive oï vae ave ombocircuncida reta, yepe tëi jae griego ko,

Gálatas 5:11

Cherɨvɨ reta, che amoërakua yae circuncisión, ngaraa tëi ko chemotareɨ vae. Jare ngaraa tëi kia chereröɨro Cristo ikurusu regua amoërakua vae re.

Gálatas 6:13

Ërei jae reta etei oyapoä mborookuai jei vae, yepe tëi oyembocircuncidauka reta. Ërei oipota pe reta peyembocircuncidauka, jae reta oyemboete vaerä peré.

Filipenses 1:15

Añete ko, amogüe vae omombeu Cristo regua iyakatúä cheré güi, jare oyemboyovaicho chekotɨ güi. Ërei ïru vae reta omombeu ikɨ̈reɨ ngatu güi.

Filipenses 2:4

agüɨye tomae iyé aeño, toyemoambeko vi ïru vae reta re.

Filipenses 3:18

Echa oime jeta yogüɨreko oyovaicho reve Cristo ikurusu kotɨ vae. Jeta vese ma amombeu peve kuae reta regua, jare añave amombeu ye peve cheresaɨ reve;

Colosenses 2:23

Añete ko, kuae nunga mborookuai reta arakuaa peguaecha. Echa omboete raanga Tumpa, jare oñemomichiraanga, jare täta oiporarauka jete pe. Ërei kuaekuae rupi ipuereä etei oyopia reta soo jemimbota reta.